Sam 1:1 - Madak

¹ Luvukat mo ik lok tinedi di raba arulu lavapaase axasep at limixin kapmek la dixo mumu asu lampoovo at limixin di lok laxakapmek, kopla dinak lok esogo minedi di paase aksaksa ri ne Moroa.

Sam 1:1 ပူးပေါင်းရင်းမြစ်များ

Sam 1:6

Limixin manmanton dit pas keneng at loklok tatao at Leeme Silok, ne Moroa, ketla nedi di mumu asu langas kapmek, dinaba seeve.

Sam 106:3

Nedi dinang tonga res at levelinga at ne Moroa la di lok amisik lempanga ik mokso, dina momo.

Sam 112:1

Ata emi asu mi Leeme Silok. Luvukat ti mo laradi i lok ngangao at Leeme Silok, la i lok momo aleng ting tonga res at levelinga at ne Moroa.

Sam 119:115

Nemi luvuttadi loklok kakapmek, uto nimi basinge ia, kusu nenia aba mumu asu levempapaase ali at ne Moroa rak.

Sam 144:15

La lomomo naba vot parap mo lubungmixin mo do na lempanga na ravasu ruturun tidi; la lomomo naba vot parap nedi ua Leeme Silok, neni ne Moroa atnedi!

Sam 146:5

Laradi naba ruuna xaka lomomo mo do neni na siam kaka ne Moroa at ne Jakop kusu rik lok tooro i, la neni i nuunu saga at Leeme Silok ne Moroa ren,

Sam 146:9

Neni i reven aratao nedi limixin me xadiong ua di nemen keneng at lenep kangka atnedik; ik lok tooro lempat naa rixin eburu mi lubung karun, ketla ik lox asaxaek (tino) nedi luvuttadi loklok kakapmek.

Sam 2:12

Minat kis tintiding to melamgo ren; naba lok kapmek do ni na musak la soso mun nemi axap mina uu. Nedi axap dik sixit uto saparap ne Moroa kusu ne Moroa na lok see atdi, dinaba momo.

Sam 26:12

La xerepmo nia ana nemen avukat basinge levenaniu; la anaba emi asu mi Leeme Silok to at lovotpot eburu at limixin teren.

Sam 34:8

Nemi xa mina ven terek luvukat at Leeme Silok. Laradi ik soxolik ka loxokok at Leeme Silok, ni na sosoro.

Sam 36:4

Im doma agagas li levempanga xakapmek do ik midi ro at loora ren; kopmen nak lok tevempanga avukat, la kopmen tinotno nak sok sisixe lempanga xapmek.

Sam 64:2

Una rupe ia at lenngitngit at limixin kakapmek, basinge bok nedi buaang limixin kakapmek.

Sam 81:12

Kuren la aga ke aie di mila lodoxoma atdi ga vatken mi lorongtonga rubu linga; la diga mumu asu lavavara atnedi keneng at leveloklok diga vavara i.

Sam 84:12

Leeme Silok nu Lanaraavuk, nedi di nuunu saga ram din tuuna xaka i lomomo silok!

Metiu 16:17

Iesu ga lok tin, “Luvukat tu, ne Simon lamdak at ne Jona, mila kopmen taradi ga tong asu i na ru, ketla ne Tamak no vana at laxalibet.

Lagale Lavavang At Ne Iesu Karisito Luk Ga Malagan i 11:28

Ketla ne Iesu ga vorang i rin keretna, “I ruturun, ketla nedi mun di ronga levelinga at ne Moroa la di mumu asu i, Moroa naba lox anarong di.”

Lagale Lavavang At Ne Iesu Karisito Luk Ga Malagan i 23:51

Neni lara atnedi at lixitkis buru diga bala raba ne Iesu, ketla neni goxo siam mu levendoxoma la loklok diga lox i.

Lagale Lavavang At Ne Iesu Karisito Jon Ga Malagan I 13:17

Do mina xasep at na levelinga, la mina lox epovo i, Moroa naba lox anarong nimi.”

Lagale Lavavang At Ne Iesu Karisito Jon Ga Malagan I 20:29

La ne Iesu ga lok tin, “Ura ven pam ia, kuren la u nuunu rak. Luvukat bak lok tinedi di xovisi na ven ia, ketla di nuunu rak.”

Lovoang At Ne Pol Ti Limixin Nunu to Rom 5:2

La neni gara siam ka vam nedik mumu lunuunu atnedik, la levereven kibis atnedik ti letaba nabalamu at ne Moroa, mo nga nedik di rooro ren. Nedik di momo mumu levendoxoma voovo atnedik do neni naba lox asuusu lisisixam teren tidik.

Epesas 6:13

Kuren la mina siga axap levempanga singsiga at ne Moroa i raba i ri leesep kusu mina gagas avukat ti mo laaleng kapmek at leesep, la miba epovo na tu lolos. La do mi gagas avukat pam, minaba tu tuxuruxun at nom leesep.

1 Pita 4:3

Lekanaleng mo gara xap pam migak lok laxaloklok kapmek mo luvuttadi at lamain di vavara nak lox i, ngan loklok kakapmek maxamang at lixitkis epot, la levereven peves, liinin kadan lolos, lengkot mamangan, la laplavang ti laxampoovo vanga, ni laxapmek bok no i bilingot tinotno.

Lisilimet 22:14

Luvukat tinedi dira gos adadat pam levesingsiga atdi, kusu lorooro atdi naba epovo xusu dina anan at lempeven una boro at luuna at lorooro, la dina beles keneng at levenngas povolo uto at lemenemen silok.