Lovoang At Ne Pol Ti Limixin Nunu to Rom 9:32 - Madak

³² Tila ba la di goxo epovo? Atla levempanga diga lox i goxo ru rinotno at lunuunu atdi, ketla at leven gugu mun atdi. Digak sak kikixin at luat,

Lovoang At Ne Pol Ti Limixin Nunu to Rom 9:32 ပူးပေါင်းရင်းမြစ်များ

1 Korin 1:23

Ketla nema ma vavang mene mi laniu at ne Karisito ga uu rovana at laxaba; i lolos aleng do leme Judaia dina nuunu do Lanarong ga uu xerepmo, kuren la di noxo nuunu at ne Karisito; la mo laniu i ngan lavanga rangtangku ri limixin me Grik.

1 Pita 2:8

La loxot bok at Lovoang Kaala i vaase xeretna, “Na luat naba lok limixin kusu dina sak kikixin la naba lox asubu nedi.” Ais 8:14 Di sak kikixin atla xopmen dina nuunu at levelinga at ne Moroa; anai i epovo mi lavavara at ne Moroa rinedi.

Lovoang At Ne Pol Ti Limixin Nunu to Rom 11:11

Ana sue bok mi lara lususue. Kereva, limixin me Judaia digak sak kikixin mene nga xopla diga subu epopolo? Digak sak kikixin mene nga. Nedi diga lok laxakapmek, kuren la loklox arooro gat pas tinedi limixin kopmen di me Judaia, kusu ri lok leme Judaia dina puse ri ne Moroa.

Lagale Lavavang At Ne Iesu Karisito Luk Ga Malagan i 7:23

Naba lox avukat ti neni laradi noxo subu basinge ia, la lebelen ixo lok kapmek ti na lugugu rak.”

Lovoang At Ne Pol Ti Limixin Nunu to Rom 10:3

Nedi di goxoklen langas ti lomokmokso ne Moroa ga lox i rik lox asepmus di basinge laxakapmek, ketla diga puse ngas axa at levendoxoma atnedi; kuren la di goxo raba axa di ri ne Moroa la langas ne Moroa ga lox i rik lox akmokso limixin.

Lovoang At Ne Pol Ti Limixin Nunu to Rom 4:16

Kuren la laxakaape at ne Moroa naba sorun mun mumu lunuunu, kusu ne Moroa na lox asuusu letaba nabalamu ren la laxakaape ren naba sorun ti livipisik li axap at ne Abaram kerekngan levelinga at ne Moroa ga tong i. Kopmen do tinedi xusuk di mumu asu Lenavolo, ketla tinedi bok di nuunu ngan ne Abaram, neni ne temen nedik axap di ruuna lunuunu.

Lagale Lavavang At Ne Iesu Karisito Luk Ga Malagan i 2:34

Simion ga lox anarong di la ga lok ti ne Maria xeretna, “Ana lamdak ne Moroa ga soxolik ka i xusu naba lok nedi limixin buaang me Israel diba subu la buaang bok nedi diba xatu at levelinga ren. Neni naba lok ngan loklok katling boro vana at ne Moroa la buaang nedi diba sok tixirixes i;

Metiu 13:57

Kerepmo la diga sok tixirixes kepe i. La ne Iesu ga lok tidi, “Leeme vapaase alii di lok ngangao ren at lengkot axap, ketla to at lemenemen teren, limixin eburu mi libibinat teren, kopmen dina lok ngangao ren.”

1 Pita 2:6

I ngan Lovoang Kaala i tong asu levelinga at ne Moroa xeretna, “A soxolik kaka luat i ruuna luunun i silok aleng la anaba lok li i ngan luat ti lemesuluk at lemenemen Saion la do nege na nuunu ren, neni kopmen tinotno noxo ruuna ka lainmangan.” Ais 28:16