Lovoang At Ne Pol Ti Limixin Nunu to Rom 8:38 - Madak

³⁸ La nenia aklen tinotno i do kopmen tepanga naba lox epeseves nedik basinge labalamu ren; lanmet kopla lorooro, kopla taangelo, kopla tagas, kopla tepe lolos salai, kopla lorooro ningina, kopla lorooro melamgo atnedik;

Lovoang At Ne Pol Ti Limixin Nunu to Rom 8:38 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 10:28

A raba nedi mi lorooro avolo la di noxo seeve rinotno; la tara noxo lok kepe di basinge ia.

Lovoang At Ne Pol Ti Limixin Nunu to Rom 14:7

Kopmen teta atdik na ruuna torooro xusu tin kusuk mun, la kopmen bok teta atdik na see ka lanmet do tin kusuk mun.

Lovoang At Ne Pol Ti Limixin Nunu to Rom 14:8

Nedik di rooro, di rooro ri Leeme Silok la nedik di remet nop bok laasen at Leeme Silok; keke i do ata met kopla ata rooro, ketla nedik move at Leeme Silok.

Lovoang At Ne Pol Ti Limixin Nunu to Rom 4:21

Neni ga doxoma rinotno i do ne Moroa ga epovo ri lok levempanga neni ga xaape min.

Lovoang At Ne Pol Ti Limixin Nunu to Rom 6:23

Luunun at laxapmek, ni lanmet; ketla laramtaba at ne Moroa, ni lorooro avolo keneng at ne Iesu Karisito, Leeme Silok atnedik.

1 Korin 15:24

La melemu ba, laxavaxap at na lavatbung menemen naba vot; Karisito naba ruuna lololos mavana at levelolos atnedi luvuttadi amgomgo, labaroonan kapmek, la lavaeme silok axap diga sok tixirixes ne Moroa; la neni naba raba avolo ba Linintoo ren ti ne Moroa ne temen.

2 Korin 11:14

Nia axo rakdu bok, mila ne Satan ik lok poovo box i ngan laangelo at laxasep.

2 Korin 4:13

Lovoang Kaala i tong i do, “A paase asu levelinga mila a nuunu.” La kerepmo bok nema ma nuunu kuren la ma paase asu Lagale Lavavang.

Epesas 1:21

Neni ga lok li ne Karisito tim gomgo ri leventoonan eburu mi lubungangelo la luvuttadi amgomgo atdi la limixin lolos kerepmo; laasen teren i silok ti levenasen atdi; la ik lok kuren at na levenaleng la nabak lok bok kuren ap mo levenaleng mo ba vot.

Kolosi 1:16

Moroa ga rudum li levempanga xeneng at lolos at lekngen ne Nitna; levempanga axap to vana at laxalibet la de xopok at lavatbung menemen, lempanga dik ta reven di la lempanga dik dixo epovo ta reven di. Ni ga rudum li bok leventoonan eburu mi lubungangelo, la luvuttadi amgomgo atdi la limixin lolos kerepmo dik lok to vana. Moroa ga rudum li nom lempanga axap keneng at lololos at lekngen ne Nitna kusu dina lox aurut laasen at ne Nitna.

Kolosi 2:15

La ne Moroa ga volo kepe laxalolos at laxantoonan kapmek la laxanamgomgo xaxarang keneng at lanmet at ne Karisito to at laxaba; neni ga lox asuusu i do dinaba lok kaka lainmangan silok.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

Ibru 11:13

Nedi axap luvuttadi diga ruuna lunuunu at lorooro axap atdi se at loxonaleng diga met. Nedi goxo ruuna ka mo levempanga ne Moroa ga vaase alii min tidi, ketla diga ven avaxalom ka mo levempanga la diga momo ka i, keke i do di goxovisi ruuna ka i. La diga siam ka mun lorooro alua at na lavatbung menemen.

1 Pita 3:22

la neni gara urut pam uto vana at laxalibet, la amo nga ik lok at lekngen tino at ne Moroa, la neni lamgomgo at lubung angelo axap eburu mi luvuttadi loklok tatao la limixin lolos boro vana at laxalibet.