Lovoang At Ne Pol Ti Limixin Nunu to Rom 4:21 - Madak

²¹ Neni ga doxoma rinotno i do ne Moroa ga epovo ri lok levempanga neni ga xaape min.

Lovoang At Ne Pol Ti Limixin Nunu to Rom 4:21 ပူးပေါင်းရင်းမြစ်များ

Lagale Lavavang At Ne Iesu Karisito Luk Ga Malagan i 1:37

Kopmen tempanga na lolos saparap ne Moroa kusu ni na lox i.”

Ibru 11:19

Abaram gaklen i do ne Moroa i epovo na lox arooro luvuttadi met; ketla ne Moroa ga sep pepe i la ni goxo sev amet ne Aisak. I lok ngan ta do ne Moroa ga lox arooro ne Aisak basinge lanmet.

2 Timoti 1:12

Ni lavasuun teren la nia arap kip levesongsongot; ketla nia move a tu lolos mila nia a nuunu at ne Iesu Karisito; la akleklen tinotno i do neni i epovo na lok tatao ia la na lok tatao bok mo lugugu ne Moroa ga raba ia min, se ap mo laaleng neni nabamlong teren.

Lagale Lavavang At Ne Iesu Karisito Luk Ga Malagan i 1:45

Moroa naba lox anarong u mila uga nuunu do levelinga at ne Moroa naba sorun!”

Metiu 19:26

La ne Iesu ga ven tooro di la ga lok, “Kopmen na epovo do taradi na lox i na, ketla i epovo do ne Moroa na lok lempanga axap.”

2 Korin 9:8

La ne Moroa xa i epovo na raba nimi mi leveloklox anarong axap naba umsu aleng, kusu at levenaleng axap miba ruuna epovo amisik at levempanga axap la ne Moroa xa ba lok levempanga atnimi mitlotlo i na pisik nunuan kusu miba epovo rinotno do mina lok leven gugu nunuan.

Lovoang At Ne Pol Ti Limixin Nunu to Rom 14:4

Kopmen lugugu atnimi kusu mina viila mumu loklok at laradi gugu at lara vetpes. Keke mulus i, do neni na ru lolos kopla na subu, ketla lavanga xusuk mun atdu mi lamgomgo ren. Ketla neni naba ru lolos, atla Leeme Silok mun i epovo ri lox alolos i.

Lovoang At Ne Pol Ti Limixin Nunu to Rom 8:38

La nenia aklen tinotno i do kopmen tepanga naba lox epeseves nedik basinge labalamu ren; lanmet kopla lorooro, kopla taangelo, kopla tagas, kopla tepe lolos salai, kopla lorooro ningina, kopla lorooro melamgo atnedik;

Sam 115:3

Moroa atdik ik lok toxun pana at laxalibet, la neni ik lok lempanga sala i neni i momo min.

Ibru 11:13

Nedi axap luvuttadi diga ruuna lunuunu at lorooro axap atdi se at loxonaleng diga met. Nedi goxo ruuna ka mo levempanga ne Moroa ga vaase alii min tidi, ketla diga ven avaxalom ka mo levempanga la diga momo ka i, keke i do di goxovisi ruuna ka i. La diga siam ka mun lorooro alua at na lavatbung menemen.

Lagale Lavavang At Ne Iesu Karisito Luk Ga Malagan i 1:1

Saparap leeme silok, ne Tiopilas. Buaang nedi limixin diga lok tong i do dina malagan levelinga at lempanga ne Moroa ga lox i xantubu atnama at lukngen ne Iesu.

Lovoang At Ne Pol Ti Limixin Nunu to Rom 14:5

Tara taradi naba doma i do lara laaleng move neni laaleng silok tinotno la tara vetpes naba doma i do levenaleng axap i epovo mene nga. La nedu getgesara xa dunak lox alolos levendoxoma atnedu xuren.