Lovoang At Ne Pol Ti Limixin Nunu to Rom 16:5 - Madak

⁵ Lavapaase momo bok tinedi dit pot buru ro at loogu atdu. Lavapaase momo bok ti lentangas orong tarak ne Epinitas, neni laradi avot at lenep Asia ga nuunu at ne Karisito.

Lovoang At Ne Pol Ti Limixin Nunu to Rom 16:5 ပူးပေါင်းရင်းမြစ်များ

Kolosi 4:15

Mina lox aonon lavapaase momo rak ti luvutneton dik mo di nemen to Lodisia la ti mo latkin ne Nimpas, la tinedi limixin lotu mo dit pot etang amisik to at loogu ren.

Pilimon 1:2

Na lovoang bok ti ne Apia, neni i lok ngan neinen nama, la ti ne Akipas, neni bok laradi gugu at ne Moroa ngan nema, la tinedi limixin nuunu di lotu amisik to at loogu ram.

1 Korin 16:19

Limixin nuunu at laraugu lotu xeneng at lenep silok, Asia di lox aonon lomomo atdi saparap nimi. Akuila la ne Pirikila la limixin nuunu dit pot buru amisik to at loogu atdu, di lox aonon bok lomomo atdi.

1 Korin 16:15

Miklen ne Stiven midi loxoetemen, nedi avot diga lok ka lorooro maxat to Grik, la nedi xa diga raba axap pam di ri lugugu at ne Moroa xantubu at limixin teren. La a sing nimi, luvutnetak mi luvurinuk,

Metiu 18:20

mila do legepura xopla lavantun di vot buru xusu dina sing ia xeneng at laasen tarak, nenia mo ak lox eburu midi.”

Lisilimet 14:4

Nedi mun na limixin di goxo lok taxakapmek maxamang at lixitkis epot, mila diga tu asepsu basinge loklok ti elong ka. Nedi na limixin di mumu amisik Lanasip; Moroa ga un ka amlong di xantubu at limixin la diga lok ngan levempipisik avot ti ne Moroa la Lanasip.

3 Jon 1:1

Nenia lamgomgo at lotu. A malagan na lovoang ti lentangas orong tarak, ne Gaius. Nenia a balamu ruturun u.

Jems 1:18

Neni ga mumu asu lavavara ren la ga raba nedik mi lorooro maxat, mo ga laa boro at levelinga ruturun teren, kusu nedik taba lok ngan levempipisik avot, la taba gomgo ri lempanga axap, ni ga rudum li i.

2 Korin 9:2

Akleklen i do nemi mi gagas amisik kusu ri lok tooro, kuren la a lox aru amisik nimi ri limixin Masadonia. Aga tong i ridi do nemi limixin to Grik mi gagas kusu ri lok tooro, ga ru ka i at no lamaares ga xap. Mo lavavara atnemi ga lox axatu buaang levendoxoma xeneng atdi xusu nedi bok dina lok tooro.

2 Korin 1:1

Nenia ne Pol, laradi vavang at ne Iesu Karisito; Moroa xa ga soxolik ka ia ri mo lugugu; ne Timoti, neton dik i paase aru box ia at na lovoang. Nia a sok na lovoang tinemi limixin mi nuunu at ne Moroa dom Korin, la tinemi bok limixin nuunu mik lok to at lengkot axap at lenep silok Grik.

Lovoang At Ne Pol Ti Limixin Nunu to Rom 16:12

Lavapaase momo bok tarak ti ne Taraipina mi ne Taraiposa nedu lutkin du gugu lugugu at ne Moroa la ti lentangas orong bok tarak ne Pesis neni latkin gak lok lugugu silok at Leeme Silok.

Lovoang At Ne Pol Ti Limixin Nunu to Rom 16:8

Lavapaase momo bok tarak ti ne Apilietas lentangas tarak keneng at lurutu buru at Leeme Silok.

Lovoang At Ne Pol Ti Limixin Nunu to Rom 15:26

atla limixin at ne Moroa boro Masadonia la boro Grik di vara i xusu dina raba leventamtaba loklok tooro atnedi ri limixin banbalo dik lok kantubu at limixin at ne Moroa ro Jerusalem.

Lovoang At Ne Pol Ti Limixin Nunu to Rom 11:16

Do di raba toxongkide avot ti ne Moroa, mo axap bok lakde, ateren; la do di raba box i mi levenixe una, levengkakan bok at luuna ni at ne Moroa.

Leven Gugu 18:27

Apolos ga doxoma i do ni nat pas uto at lenep silok Grik; kuren la luvuttadi nuunu ro Epesas diga paase aronga i la diga malagan lovoang ti luvuttadi nuunu ro Grik; diga tong i ridi do dina siam ka i ugo. Ni ga rupot, la ni ga lok tooro avukat nedi mo diga nuunu at ne Iesu mi loklok tooro at ne Moroa.

Leven Gugu 18:12

At lara laaleng ne Galio ga nemen ngan lamgomgo at limixin to Grik, la limixin me Judaia, diga vot eburu la diga ranga alis ne Pol la diga lok ka i uto at lavapaase.

Leven Gugu 2:9

Nedik na boro Patia, Midia, la Ilam; boro bok Mesopotemia, Judaia la Kapadosia, Pontas la Asia;

Leven Gugu 16:6

Pol mi larapen tangas teren digat pas epolo maxeneng at lunep silok Pirigia la Galesia, mila Loroonan Kaala goxo siam do dina vaase asu Lagale Lavavang ap mo lenep Asia.

Lovoang At Ne Pol Ti Limixin Nunu to Rom 16:4

la duga abelemes tinotno bok mi lorooro atdu ri lok tooro ia, la kopmen do nenia xusuk, ketla limixin axap bok at laraugu lotu atnedi kopmen di me Judaia.

Lovoang At Ne Pol Ti Limixin Nunu to Rom 16:6

Lavapaase momo bok ti ne Maria ga gugu lolos ti lok tooro nemi.