Lovoang At Ne Pol Ti Limixin Nunu to Rom 16:17 - Madak

¹⁷ Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

Lovoang At Ne Pol Ti Limixin Nunu to Rom 16:17 ပူးပေါင်းရင်းမြစ်များ

Metiu 18:17

Ket do ixo ronga di, una tong i ri limixin axap di nuunu. La do ixo ronga res at limixin nuunu, mina sok tixirixes kepe i ngan lavamolon kopla laradi loklok ka pilas.”

Metiu 18:7

I lok kapmek aleng ti limixin do lentaba lempanga mo i lox asubu lunuunu atdi basinge ia. Lempanga xerepmo naba vot, ketla naba lok kapmek ti lara i lok kaxar i!

Metiu 7:15

La ne Iesu ga lok bok, “Mina lok tatao nemi mumu loklok atnedi lavaeme vapaase alii xaxarang; di vosiga nimi mi levelinga xaxarang la diba tong i do nedi luvuttadi at ne Moroa. Ketla di lok ngan lempatman atat, di siga lempanga singsiga diga lox i mi lengkabinim at levesipsip kusu dina xarang limixin.

Lagale Lavavang At Ne Iesu Karisito Luk Ga Malagan i 17:1

Iesu ga lok ti luvuttadi loklok ka anasa ren keretna, “Leveloklok tong pen mo naba vot ti lox asubu limixin ti laxakapmek; ketla naba lok kapmek tinotno ri tara do na lox i na leveloklok.

Leven Gugu 15:24

Maga ronga i do lentaba atnama digat pas udo saparap nimi, la diga lox ekarakat nimi la diga lox abulu nimi mumu loklok ti rivit kepe lengkontuxu; di xopmen di goxo lok ka tevelinga atnama xusu ri lox i mo.

1 Korin 11:18

Lavanga avot i lok keretna; nia aga ronga i do lixitkis epeseves mo ik lok kantubu at levempotpot buru atnimi; la a lok do nai i ruturun.

1 Korin 3:3

mila nemi move mi rooro ngan limixin mede at na lavatbung menemen. Levereven peves mi levenekarakat move i nemen kantubu atnimi, la nai i lox asuusu i do nemi move mi rooro eburu mi loklok at na lavatbung menemen; la kerepmo loklok atnimi i lok ngan loklok at limixin at na lavatbung menemen.

Galesia 2:4

Ketla leventaba diga vara i xusu dina vit kepe lengkontuxu at luvuttadi nuunu xopmen di me Judaia, la digak lok labala ngan nedi luvuttadi nuunu la nedi na lemet tadi digak beles mun at libinam atnema ngan luvuttadi vereven alii; la diga vavara mun i xusu dinang long terek lesepsepmus tinotno basinge Lenavolo nema magak lok kaka i xeneng at ne Iesu Karisito. Diga vara mun i xusu dinak lok ka nema ukeneng at leveloklok atnedi, la manak lok maxopok at leventaangas at Lenavolo.

Pilipai 3:17

Luvutnetak mi luvurinuk. Nemi axap mina mumu asu lampoovo rak, la mina ven mumu nedi di mumu asu mo levelinga nema maga lox ase nimi min.

Kolosi 2:8

Mina lok tatao avukat nimi kusu teta noxo lox asoogong nimi mi leventetere xaxarang, kopmen tavasuun teren; mo lakleklen i laa boro at leveloklox ase at limixin mun la boro bok at leveloklok mede xopok at na lavatkangka, kopmen boro at ne Karisito.

2 Tesalonia 3:6

Luvutnetak mi luvurinuk. Ma sing nimi at laasen at Leeme Silok atdik ne Iesu Karisito, do mina ru asepsu basinge di nom limixin nuunu dik molo at lugugu, la kopmen dina mumu asu mo levenanasa nia aga anasa nimi min.

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

2 Timoti 3:5

diba lok ngan limixin lotu ketla diba tong i do kopmen tololos at lotu. Una nemen petpes basinge limixin kerepmo.

Taitas 3:10

Una vaase sok nege taradi i lok leven ekarakat. Do neni move na lox axis epeseves limixin, una vaase sok box i. Dola neni noxo ronga res at levelinga ram, una ke xepe i.

1 Jon 2:19

Gano diga nemen eburu minedik ngan limixin at ne Iesu Karisito. Ketla nedi goxopmen limixin teren; kuren la diga on basinge dik. Nedi do gita nuunu at ne Iesu Karisito, nedi gitoxo on basinge dik. Ketla diga on basinge vam dik, kuren la dik ta xasep do nedi xopmen at ne Iesu Karisito.

Lovoang At Ne Jut 1:19

Nedi diba vaxaru ka levenekarakat kantubu at limixin at lotu. Diba mu asu xusuk loklok at limixin at na lavatkangka la Loroonan Kaala noxok lok keneng at lorooro atdi.