Lovoang At Ne Pol Ti Limixin Nunu to Rom 15:26 - Madak

²⁶ atla limixin at ne Moroa boro Masadonia la boro Grik di vara i xusu dina raba leventamtaba loklok tooro atnedi ri limixin banbalo dik lok kantubu at limixin at ne Moroa ro Jerusalem.

Lovoang At Ne Pol Ti Limixin Nunu to Rom 15:26 ပူးပေါင်းရင်းမြစ်များ

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 26:11

Limixin banbalo mo dibat pot pasa amisik nimi xusu mibak lok tooro di, ketla nenia noxo nemen eburu amisik minimi.

Lagale Lavavang At Ne Iesu Karisito Luk Ga Malagan i 14:13

Mo do una lok leluxa, una lam kaka limixin banbalo, limixin levenantuno di i kauk, limixin labantuxu atdi i molo, la limixin katli main;

Lagale Lavavang At Ne Iesu Karisito Luk Ga Malagan i 6:20

Iesu ga ven ti luvuttadi loklok ka anasa ren la ga lok, “Luvukat tinemi limixin banbalo, mila Linintoo at ne Moroa, neni atnimi!

Leven Gugu 16:12

Maga vas kaxat mego uto Pilipai, lemenemen silok avot at lenep silok Masadonia; ni lemenemen buaang limixin boro Rom diga nemen go. Maga nemen ap mo lemenemen silok at lentaba levenaleng.

Leven Gugu 16:9

Ap mo laxanimin Pol ga ven lisilimet la ni ga ven laradi boro Masadonia ga tu, la ga sing i, “Unat pas ude Masadonia la una lok tooro nama!”

Leven Gugu 18:12

At lara laaleng ne Galio ga nemen ngan lamgomgo at limixin to Grik, la limixin me Judaia, diga vot eburu la diga ranga alis ne Pol la diga lok ka i uto at lavapaase.

Leven Gugu 19:21

Melemu at na lempanga ga ravasu, Pol ga doma li be i do ni nat pas uto Jerusalem la na mu langas kantubu at lenep Masadonia la at lenep Grik. Ni ga lok, “Melemu at lavatpas tarak uto Jerusalem, abat pas uto Rom.”

Leven Gugu 9:13

Ananias ga vorang i rin keretna, “Leeme Silok, buaang limixin diga tong lempanga ria mumu nom laradi, la mumu bok lempanga xakapmek ni ga lox i ri limixin taram to Jerusalem.

1 Korin 16:15

Miklen ne Stiven midi loxoetemen, nedi avot diga lok ka lorooro maxat to Grik, la nedi xa diga raba axap pam di ri lugugu at ne Moroa xantubu at limixin teren. La a sing nimi, luvutnetak mi luvurinuk,

1 Korin 16:5

Nia aba vot pasa nimi melemu do nenia anat pas keneng at lenep silok Masadonia ketla a noxo nemen abao go.

2 Korin 1:16

Aga doma gagas i xusu at lavatpas tarak uto Masadonia la lomlong bok tarak, aba vot pasa be nimi xusu anaba lok ka teveloklok tooro me dom atnimi ti lavatpas tarak uto Judaia.

2 Korin 11:9

La at levenaleng nia aga nemen eburu minimi la agak pakes ti tempanga, ketla a goxo lox angtang solo nimi, mila levempakpakes tarak limixin nuunu boro Masadonia diga lok tooro ia min. Kuren la nia goxo ngising panga nimi la melemu bok nia noxo sing panga nimi. A xopara na raba nimi mi laknixip.

2 Korin 2:13

Ketla aga bulu aleng mila nia agoxo ven kora ka netak ne Taitas go. Kuren la aga on basinge di, la agat pas uto Masadonia.

2 Korin 7:5

Se magat pas uto Masadonia, lorooro atnama goxo lok mamana, ketla limixin diga lox asongot nama at lengkot axap, la levenekarakat ga pubeles mu nama la lainmarat ga vot saparap nama mumu nedi limixin diga lok ka lunuunu maxat.

2 Korin 9:12

Mo loklok tooro ap mo laramtaba atnimi noxo ven mun ti lavakpakes at limixin at ne Moroa, ketla ba lox asuusu bok buaang lorotong avukat keneng at lorooro atdi ri ne Moroa.

2 Korin 9:2

Akleklen i do nemi mi gagas amisik kusu ri lok tooro, kuren la a lox aru amisik nimi ri limixin Masadonia. Aga tong i ridi do nemi limixin to Grik mi gagas kusu ri lok tooro, ga ru ka i at no lamaares ga xap. Mo lavavara atnemi ga lox axatu buaang levendoxoma xeneng atdi xusu nedi bok dina lok tooro.

2 Korin 9:4

Panga tentaba me Masadonia na emu minia udom saparap nimi la dina long lenger i do nemi mixo gagas; maba mangan aleng mumu nimi, la maba tong ka lavanga sala atla maga nuunu abos do miba lox epovo i. La ni lavanga mamangan tinimi.

Pilipai 4:15

Nemi limixin boro Pilipai miklen avukar i dola nia aga on basinge lenep silok Masadonia ap mo levenaleng nia aga vavang avot mi Lagale Lavavang, la kopmen teventaba vetpes di goxo lok tooro ia, nemi xusuk migam taba ia.

1 Tesalonia 1:7

La limixin nuunu boro at lunep silok Masadonia la Grik diga ronga levelinga ap mo loklok atnimi, la diga mumu asu i.

1 Tesalonia 1:8

Buaang limixin ap mo lunep silok la ap mo levennep petpes bok diga ronga i do miga nuunu at levelinga at Leeme Silok; kuren la nema ma noxo tong asu bok ba mo levelinga do nemi miga siam kaka vam Lagale Lavavang.

1 Tesalonia 4:10

Luvutnetak mi luvurinuk. I ruturun do mi balamu nedi axap luvutneton dik to at lenep silok Masadonia; ketla ma tong alolos i rinimi do mina balamu aleng di.

1 Timoti 1:3

Nia a vara i do una nemen go Epesas, kerekngan aga tong i ru ap mo laaleng nia aga vas kaxat uto Masadonia. Leventaba luvuttadi me go Epesas di vanasa limixin mi levenanasa xaxarang; kuren la una tong i ridi do dina xap ta ap mo loklok.

Pilimon 1:5

mila ang tonga i do lunuunu ram saparap Leeme Silok, ne Iesu i lolos, la u balamu bok limixin teren.