Lovoang At Ne Pol Ti Limixin Nunu to Rom 14:17 - Madak

¹⁷ Linintoo at ne Moroa neni xopmen loklok ti anan la ti inin, ketla neni lomokmokso, la limila, la lomomo at Loroonan Kaala im taba i.

Lovoang At Ne Pol Ti Limixin Nunu to Rom 14:17 ပူးပေါင်းရင်းမြစ်များ

Metiu 3:2

Neni ga vavang keretna, “Mina leeng basinge leveloklok kakapmek atnimi, mila langas ti Linintoo no vana at laxalibet mo nga ira auret!”

Metiu 6:33

Ketla mavana at lempanga axap, mina lolos avot be ri puse ka Linintoo at ne Moroa la leveloklok mokmokso ren, la neni naba raba bok nemi mi nom lempanga mik pakes tin.

Lagale Lavavang At Ne Iesu Karisito Luk Ga Malagan i 14:15

Lara laradi gat kis to at laanan ga ronga i na la ga lok ti ne Iesu, “Luvukat tinedi no dibat kis at leluxa silok to xeneng at Linintoo at ne Moroa.”

Lagale Lavavang At Ne Iesu Karisito Jon Ga Malagan I 16:33

Agara tong pam i na rinimi xusu miba ruuna ka limila. Nemi minaba suma losongsongot boro at limixin at na lavatbung menemen. Ketla mina tu tuxuruxun. Ara los kimit pam laxakapmek at na lavatbung menemen.”

Lagale Lavavang At Ne Iesu Karisito Jon Ga Malagan I 3:3

Iesu ga vorang i rin keretna, “A tong tuturun i na ru; do tara noxo lok kaka livipisik amaxat, neni noxo vubeles at Linintoo at ne Moroa.”

Lagale Lavavang At Ne Iesu Karisito Jon Ga Malagan I 3:5

La ne Iesu ga vorang i rin, “A tong tuturun i na ru; do tara noxo lok kaka lesep susu la noxo lok kaka lorooro maxat boro at Loroonan Kaala, neni noxo beles at Linintoo at ne Moroa.

Leven Gugu 13:52

Luvuttadi nuunu mego Antiok diga umsu mi Loroonan Kaala la lomomo bok.

Leven Gugu 9:31

Kuren la luvuttadi nuunu at lengkot axap Judaia, Galili, la Samaria, diga ruuna limila la kopmen bok ba di goxo marat. La leexes at limixin nuunu ga urut; mila Loroonan Kaala ga gugu kantubu atdi, la diga lok ngangao aleng at Leeme Silok.

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

Lovoang At Ne Pol Ti Limixin Nunu to Rom 8:6

Do levendoxoma atnedi na mumu asu mun lavavara at labantuxu, laxavaxap teren, lanmet; ket do levendoxoma atdi na mumu asu lavavara at Loroonan Kaala, laxavaxap teren, lorooro eburu mi lenmila.

1 Korin 1:30

Ketla ne Moroa gara lok ka vam nimi ri lixitkis etangas eburu mi ne Iesu Karisito la ne Moroa ga lok katling pam ne Karisito ngan laxasep tidik; keneng mun at ne Iesu Karisito, ne Moroa ga vaxaxis buru dik min, la ga lok dik ngan limixin dadat teren, la gara lox asepmus nedik basinge laxakapmek atdik.

1 Korin 4:20

Nia anaba ven kibis di mila lanat at Linintoo at ne Moroa i ruuna lololos at ne Moroa maxeneng at lorooro ren, la xopmen lavapaase gamasa mun.

1 Korin 6:9

Mi xasep pam do limixin kapmek di noxo ruuna ka toxot to xeneng at Linintoo at ne Moroa. La mina xasep nunuan at na levelinga; limixin di lok loklok kakapmek maxamang at lixitkis epot, la di lotu saparap laxampoovo moroa, la di elongka, kopla lavatlok axa di velongka.

1 Korin 8:8

Leveluxa axap limixin nuunu di anan i, kopmen noxo lox axis buru di mi ne Moroa. Do nedik ata anan mo leveluxa limixin diplavang min saparap laxampoovo moroa, lixitkis etangas atdik mi ne Moroa noxo rekorop, la luruburu atdik mi ne Moroa noxo xap.

2 Korin 5:21

Karisito neni xopmen taxakapmek teren, ketla ti lununuan tidik, Moroa ga lox i ga xip tutu mi laxakapmek atdik, kusu keneng teren ataba ravasu ngan limixin mokmokso at ne Moroa.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Pilipai 2:1

Lorooro atnimi keneng at ne Karisito i lox alolos nimi la labalamu ren i lox amenemen bok nimi. Nemi mit kis esogo mi Loroonan Kaala la mira ruuna ka vam lebelemumu.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 3:9

la anat kis esogo min. Nenia a goxo lok ka lomokmokso at lemeren ne Moroa mumu i do agang tonga res at Lenavolo. Kopmen. Nenia na a nemen mokmokso at lemeren ne Moroa mumu lunuunu rak keneng at ne Karisito. La ne Moroa axa ga lok li ia xusu ana sepmus basinge loklok kakapmek.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.

Pilipai 4:7

La lenmila at ne Moroa i volo lakleklen at luvuttadi, mo lenmila naba xubak pe lorooro axap atnimi xusu mina tu atmatkun keneng at ne Iesu Karisito.

Kolosi 1:11

la miba ruuna ka lololos, mo i laa boro vana at lololos silok at ne Moroa kusu miba tu tuxuruxun at lunuunu atnimi la mi noxo subu kot kantubu; la miba umsu mi lomomo,

1 Tesalonia 1:6

Miga siam kaka Lagale Lavavang mi lomomo. La limixin diga lox asongot nimi, ketla nemi move miga umsu mi lomomo, mo Loroonan Kaala ga raba nimi min, la kerepmo miga mumu asu loklok at Leeme Silok la atnema bok.

1 Tesalonia 2:12

Maga paase tooro nimi, la maga paase amenemen nimi, la maga paase aronga nimi xusu lorooro atnimi na lox avukat kerekngan ne Moroa i vara i. Moroa ga ro ka nimi xusu minaba nemen eburu min to xeneng at Linintoo ren la minaba lok kaka lisisixam teren.

Ibru 13:9

Nemen gat mitang tonga nedi di lox ase nimi mi levenanasa vetpes, mo ba sar asoogong nimi basinge lunuunu atnimi at ne Iesu. I lox avukat do mina lok ka letaba nabalamu eburu mi loklok tooro at ne Moroa xusu mina lox alolos lebelen nimi. La mina ke xepe mo leveloklok at Lenavolo mumu leveluxa salai ri anan la leveluxa salai kopmen ti anan; na loklok noxo lok tooro lorooro atnedi di mumu asu i.

1 Pita 1:8

Nemi xovisi mina ven tu ren, ketla mi kox i; la mo nga mixo ven tu ren, ketla mi nuunu ren. La mi umsu mi lomomo i silok aleng, la neni mo lomomo nenia axo epovo xusu ana mii poovo i mi tepanga mila i silok aleng.

2 Pita 1:1

Nenia ne Simon Pita, lasaxaruki la luun pavang at ne Iesu Karisito. La a malagan i na levelinga rinemi limixin miga ruuna xaka lunuunu xeneng at lomokmokso at ne Moroa atnedik, neni Laradi Loklox Arooro ne Iesu Karisito; la mo lunuunu i lox avukat ngan lunuunu atnama.