Lovoang At Ne Pol Ti Limixin Nunu to Rom 12:9 - Madak

⁹ Nemen gat miguta voovo mene i do mi ruuna labalamu, ketla mina balamu rinotno limixin axap. La mina sok tixirixes kepe leveloklok kapmek, la minam tebeng alolos at leveloklok avukat.

Lovoang At Ne Pol Ti Limixin Nunu to Rom 12:9 ပူးပေါင်းရင်းမြစ်များ

Sam 101:3

la a noxo esuuxun mi laxapmek. Nia ak lox angtungun ti leveloklok atnedi dim taba arulu ne Moroa; nia a noxot kis esogo rinotno eburu minedi.

Sam 119:104

Lempapaase auru mun taram im taba ia mi levendoxoma nunuan; kuren la nia axo esuxun mi limixin sosolo arup.

Sam 119:163

Ak sok tixirixes laxaxarang la labalak i xapmek tin, ketla labalak i tu aleng Lenavolo ram.

Sam 34:14

Mina repukus basinge laxakapmek la minak lok leveloklok avukat. Mina lolos amisik ti ruuna ka limila ukeneng at lorooro axap atnemi.

Sam 36:4

Im doma agagas li levempanga xakapmek do ik midi ro at loora ren; kopmen nak lok tevempanga avukat, la kopmen tinotno nak sok sisixe lempanga xapmek.

Sam 45:7

Uk lok momo mun mi leveloklok ik mokso la uk lox angtungun ti leveloklok ik lok kapmek. Ni lavasuun teren la ne Moroa, ni ne Moroa ram, ga soxolik ka u ngan loorong la ga raba u mi langsangan lomomo i volo lomomo atnedi lentaba lavaorong.

Sam 55:21

Levelinga ren ga nunuan aleng, ketla longlong angtungun ga umsu at lebelen, levelinga ren gang sengsen ngan lavarise sepsep.

Sam 97:10

Leeme Silok i balamu nedi ding tungun ti laxapmek; neni ik lok tatao lorooro at limixin teren. Neni ik lox asepmus di basinge lolos at limixin dik lok lengkakapmek.

Metiu 26:49

La soso mun ne Judas ga vas saparap ne Iesu la ga lok, “Laxanimin avukat, Rabai.” La ni ga nes i.

Lagale Lavavang At Ne Iesu Karisito Jon Ga Malagan I 12:6

Ni ga tong i na, mila neni laradi xipkip pilo la kopmen do ni ga doxoma limixin banbalo, ketla neni ga vara i do neni ba xip pilo xaka i. Neni gak lok tatao lempilas atdi la amisik ni gam nem teren.

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

2 Korin 6:6

At loklok dadat atnema, la lakleklen, la loklok mumulus, la loklok nunuan, maga lox asuusu i do nema lavasaxaruki at ne Moroa, la at Loroonan Kaala bok mi labalamu ruturun.

2 Korin 8:8

A noxo lok li teventaangas linga xusu miba mu asu i. Ketla a paase mumu leventamtaba limixin petpes diba raba i, kerepmo ana lok tong mun labalamu atnimi do i lolos aleng ti labalamu at limixin petpes kopla xopmen.

1 Tesalonia 2:3

Se maga vavang tinimi, maga paase mokmokso, la luruptuvuk atnama ga lox avukat aleng la ma goxo xarang nimi.

1 Tesalonia 5:15

Nemen gat tara guta vorang laxakapmek mi laxakapmek. Ketla mina lolos amisik kusu mina lox asuusu loklox anare kantubu atnimi la limixin petpes bok.

1 Tesalonia 5:21

La mina lok tong pen levempapaase maxat; minam tebeng lolos mo levelinga i lox avukat

1 Timoti 1:5

Lavasuun at nai levelinga rak, ti lox axatu labalamu xantubu at limixin nuunu; nom labalamu i ravasu boro xeneng at lorooro kopmen taxakapmek teren la boro bok at lodoxoma, kopmen tusumsuma xapmek teren la boro bok at lunuunu ruturun.

Ibru 1:9

Nenu u vavara aleng ti lomokmokso la u xopara ri laxakapmek; kuren la Moroa, ne Moroa ram ira suxa aumsu vam u mi lomomo i silok aleng, mo i volo lomomo atnedi larapen tangas taram.” Sam 45:6,7

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 4:8

Mavana at levempanga axap, mina ebalamu ela nemi mi luruturun atla labalamu at limixin naba ru pe laxangkakapmek solo.