Lovoang At Ne Pol Ti Limixin Nunu to Rom 12:8 - Madak

⁸ Mo dola ti paase tooro lentaba vetpes, ata lox epovo box i xuren. Mo dola tim taba, ata raba solo mi lempanga atdik; mo dola ti lok tatao limixin, ata lok tatao avukat di; mo dola ti belemumu leventaba vetpes, ata lox epovo i mi lomomo.

Lovoang At Ne Pol Ti Limixin Nunu to Rom 12:8 ပူးပေါင်းရင်းမြစ်များ

Sam 112:9

Neni im taba leventamtaba solo mi lebelemulus ti limixin banbalo; la amisik ik lox asuusu labalamu ren ti limixin; la naba ruuna laasen silok la limixin diba xip aurut laasen teren.

Sam 37:21

Laradi xapmek i ngising panga ketla kopmen na porang amlong i. Ketla laradi avukat ik lok momo rim taba mi leventamtaba ren.

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Leven Gugu 11:23

Ni ga rupot la ni ga ven i do ne Moroa ga lox aumsu mo limixin mi letaba nabalamu ren. Ni ga lok momo la ga vaase lolos tinedi axap kusu dina tu lolos mi lunuunu la luruturun atnedi saparap Leeme Silok mi lodoxoma atdi axap.

Leven Gugu 13:12

Laradi gomgo ga ven mo lavanga la ga nuunu; ni ga sangu ap mo levenanasa ni ga ronga i mumu Leeme Silok.

Leven Gugu 13:15

Melemu at leexes at Lenavolo at ne Moses la levelinga at lavaeme vapaase alii, luvuttadi amgomgo at loogu singising diga lok tidu, “Lunetak, ma vara i do muna vaase ri limixin do nemu mu ruuna tevelinga loklox alolos tinedi.”

Leven Gugu 15:32

Judas la ne Sailas, nedu vam luradi vapaase alii, duga vaase abao aleng eburu mi luvuttadi nuunu, la duga lox alolos nedi.

Leven Gugu 20:2

Ni gat pas to xeneng ap mo loxot la ni ga vaase loklok tooro ri limixin nuunu mi levelinga buaang. La melemu ni gat pas uto Grik.

Leven Gugu 20:28

Mina lok tatao avukat nemi la mina lok tatao nedi bok limixin, Loroonan Kaala gara lok li vam nedi maxopok at loklok tatao atnimi. Mina lok ngan luvuttadi loklok tatao sipsip kantubu at limixin at ne Moroa, no ni ga lok li di do ateren axa mumu lanmet at ne nitna.

Leven Gugu 4:36

La ne Josep neni at libibinat at ne Levi, neni boro Saipras, mo luvuttadi vavang diga tong box i do Banabas (Lavasuun at laasen Banabas do, “Laradi loklox alolos.”)

Lovoang At Ne Pol Ti Limixin Nunu to Rom 12:13

Mina lox epovo lavakpakes at limixin at ne Moroa, la mina lok maraose mi limixin petpes.

Lovoang At Ne Pol Ti Limixin Nunu to Rom 13:6

Ni lavasuun bok at na la nemi mi kepe vempilas atla nedi na luvuttadi amgomgo di gugu ri ne Moroa at loxonaleng di lox epovo lugugu atnedi xeneng atnedik.

1 Korin 12:28

Keneng at lotu Moroa gara soxolik ka vam limixin ti lok leven gugu; neni ga lok katling ka luvuttadi vavang ngan neni lugugu avot la i silok ti leventaba vetpes, la lara mumu ren luvuttadi vapaase alii, la lara mumu luvuttadi ri anasa limixin mi levelinga at ne Moroa; la lara mumu manga ren nedi di lok levempanga sangsangu; lara melemu manga nedi ne Moroa ga raba di mi lololos kusu ri lox avukat limixin mekmeres; leventaba ri lok tooro limixin, leventaba ri gomgo nga di la lara mumu rinotno leventaba ri paase mi levempapaase vetpes.

1 Korin 14:3

Ketla mo laradi i paase asu levelinga at ne Moroa, ni i paase ri limixin, la kerepmo bok i lok tooro di, la i lox alolos di, la i lox aulis levendoxoma atdi.

2 Korin 1:12

Nema ma lok momo aleng, mila lodoxoma nunuan atnema i lox ase nema do, loklok atnema at na lavatbung menemen ngan maga ebibinat ka minemi, ga lok nunuan mene nga la kopmen taxakapmek teren ngan ne Moroa ga lok tooro nama min. Kuren mun maga mumu asu letaba nabalamu at ne Moroa la kopmen do at lakleklen maut at laradi at na laxangka.

2 Korin 11:3

Ketla a marat do lavanga tara na sasar asoogong levendoxoma atnimi la mina ke xepe lunuunu lolos la lotu ruturun atnimi ri ne Karisito, kerekngan ne Iva; lisii ga xarang i mi lakleklen kapmek teren.

2 Korin 8:12

Mo do lebelen nimi naplivi ri raba, ne Moroa ba siam ka laramtaba atnimi i epovo at levempilas mi ruuna i la kopmen at levempilas mixo ruuna i.

2 Korin 9:11

Neni nabak lok nimi minap novos aleng at levempanga axap, kusu miba lok tooro amisik limixin petpes. La buaang bok atnedi limixin diba tong aorong ti ne Moroa ri laramtaba atnimi ridi, no miba raba mu nama min.

2 Korin 9:13

Mo laramtaba atnimi ba lox asuusu i do nemi limixin tuturun; la limixin petpes diba emi asu mi ne Moroa mumu lorongtonga res mi lurutu lolos atnimi ri Lagale Lavavang at ne Karisito, la mumu bok mo lomomo atnimi ri lok tooro mi leventamtaba ridi la ti limixin petpes bok.

2 Korin 9:7

Nedi getgesara dina raba kerekngan lodoxoma atdi la nemen gat loklox angtungun kopla tara na pu soso di, mila ne Moroa i momo mi laradi i raba mi lomomo xeneng teren.

Epesas 6:5

Lavasaxaruki. Minang tonga res at luvuttadi amgomgo atnimi la mina umsu mi loklok ngangao la lanmarat; la lebelen nimi nak lox avukat tidi. Minang tonga res atdi kerekngan nemi ming tonga res at ne Karisito.

Kolosi 3:22

Nemi lavasaxaruki. Minang tonga res at luvuttadi amgomgo atnemi at levempanga axap; kopmen do ap mo mene nga loxonaleng di reven tata nemi kusu mi vara i do dinaba ven lenget luruptuvuk nunuan atnimi; ketla mina lok lugugu atnimi mi lomomo at lebelen nimi la loklok ngangao saparap Leeme Silok.

1 Tesalonia 2:3

Se maga vavang tinimi, maga paase mokmokso, la luruptuvuk atnama ga lox avukat aleng la ma goxo xarang nimi.

1 Tesalonia 2:8

La maga lolos aleng kusu mana tong asu Lagale Lavavang tinimi la magap kip levenmumuat. Kerepmo maga balamu nimi.

1 Timoti 4:13

Avot ti lovotpot tarak, una raba axap lorooro ram ti utus levelinga keneng at Lovoang Kaala ti mo limixin, la una vavang la una vanasa bok di.

1 Timoti 5:17

Luvuttadi amgomgo at lotu mo di lok leven gugu avukat ngan lubung amgomgo, i epovo do dina lok ka bok luunun mavana at luunun atnedi, nedi mene di gugu lolos mi lavavang la di anasa;

1 Timoti 6:18

Una tong i ridi xusu dina lok mun luvukat, la dinap novos mi leven gugu nunuan, kusu dina episa levempanga atdi mi limixin petpes.

Ibru 10:25

Nemen mita ke xepe mo leveloklok tit pot buru, kerekngan leventaba atnimi dira ke xepe vam i. Ketla nemi xa mina epang aru xusu lunuunu atnimi naba lolos; la mina lox amisix i na, mila laaleng ete i auret na vot.

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

Ibru 13:22

Luvutnetak mi luvurinuk. Nia a sing nimi do mina siam ka levelinga rak keneng at na lovoang. Na levelinga kopmen na baalom solo, i xubulik mene nga.

Ibru 13:24

A lox aonon lavapaase momo rak ti luvuttadi amgomgo atnimi la ti limixin axap at ne Moroa. La nedi bok limixin nuunu boro Itali di lox aonon lavapaase momo rinimi.

Ibru 13:7

Mina doma loklok at luvuttadi amgomgo atnimi gano, mo diga vaase nimi mi Lagale Lavavang at ne Moroa. Mina doma lunuunu diga ruuna i at lorooro atdi se diga met, la mina lok ka lunuunu xerepmo.