Lovoang At Ne Pol Ti Limixin Nunu to Rom 12:12 - Madak

¹² Lodoxoma voovo atnemi na umsu mi lomomo. Minak lok atnaasan at levenaleng mi ekip tangarang mi levenmumuat, la mina ngising amisik.

Lovoang At Ne Pol Ti Limixin Nunu to Rom 12:12 ပူးပေါင်းရင်းမြစ်များ

Sam 109:4

Nia agat kis etangas eburu midi la aga ngising tidi, ketla dixo tu tooro ba ia.

Sam 37:7

Mina mulus mun, la mina nemen tangais Leeme Silok na lok tooro nimi; nemen mita doma mu solo nedi di ngasang kobot, kopla nedi di lox asoorun leventaangas kakapmek atnedi diga vit li i.

Sam 40:1

Nia aga ngangais atnaasan ti loklok tooro at Leeme Silok tia; la ni ga ronga bok lanteng tarak la ga ronga res tarak.

Sam 62:8

Nemi limixin tarak. At levenaleng axap mina nuunu saga at ne Moroa. Mina tong asu levenmumuat atnemi rin, atla neni loxot loklox alipe atnedik.

Metiu 5:12

Do dina lox i xuren, mina momo la mina sosoro, mila langsangan luunun miba ruuna ka i ro vana at laxalibet. Limixin kakapmek me gano diga lox asongot lavaeme vapaase alii no diga rooro gano. La kerepmo limixin kakapmek diba lox asongot bok nimi.”

Lagale Lavavang At Ne Iesu Karisito Luk Ga Malagan i 10:20

Ketla nemen mita momo mumu i do lubunggas di ronga res atnimi; ketla mina momo mila levenasen atnimi, Moroa ira malagan pam i ro at laxalibet.”

Lagale Lavavang At Ne Iesu Karisito Luk Ga Malagan i 21:19

Do mina tu lolos, miba rooro.”

Lagale Lavavang At Ne Iesu Karisito Luk Ga Malagan i 8:15

Ti levenit no ga subu ro at loxongkangka avukat, i ru katling nedi di ronga levelinga la di lok li avukar i xeneng at lebelen di la i lox avukat, la ia nemen lolos se di visik levempeven avukat.”

Leven Gugu 1:14

Digat pot eburu amisik mi lentaba lavakin la ne Maria nenen ne Iesu mi luvutneton ngan loxonbinam tadi xusu dina ngising.

Leven Gugu 12:5

Kuren la ne Pita ga nemen to xeneng at loogu xokoxo, ketla luvuttadi nuunu diga ngising amisik ne Moroa mi lorooro axap atnedi xusu ne Moroa na lok tooro i.

Leven Gugu 2:42

Diga tupot eburu amisik mi luvuttadi vavang kusu rik lok ka levenanasa at ne Moroa; digak lok levengkitkis buru la levenanan buru la levesingising atdi.

Leven Gugu 6:4

La nema xa maba raba lorooro axap atnema ri lugugu at lisingising la lugugu at lavapaase asu Lagale Lavavang.”

Lovoang At Ne Pol Ti Limixin Nunu to Rom 15:13

A ngising do ne Moroa at levendoxoma voovo axap, na suxa aumsu nemi mi lomomo la limila mumu lunuunu atnemi saparav i, kusu levendoxoma voovo atnemi naba su silok eburu mi lolos at Loroonan Kaala.

Lovoang At Ne Pol Ti Limixin Nunu to Rom 15:4

Levempanga axap ik lok at Lovoang Kaala, diga malagan i gano xusu ri lox ase nedik, kusu nedik ataba lok kaka lodoxoma voovo xeneng at Lovoang Kaala mo im taba dik mi loklox atnaasan la lavapaase tooro.

Lovoang At Ne Pol Ti Limixin Nunu to Rom 2:7

Leventaba at limixin dik lox amisik leveloklok i nunuan, kerepmo di puse ri lisisixam mi loklok ngangao la lorooro nunuan; ne Moroa naba raba di mi lorooro avolo.

Lovoang At Ne Pol Ti Limixin Nunu to Rom 8:25

Ket do nedik ata doma voovo ri tavanga dik dixo ven i, ataba ngais atnaasan i.

1 Korin 13:13

Kuren la ana lavantun levempanga naba nemen amisik, lunuunu saparap ne Moroa, lodoxoma voovo ti lomlong at ne Karisito, la labalamu; la lara i silok aleng at nai lavantun, ni labalamu.

2 Korin 12:8

I vantun levenaleng aga sing ne Moroa mumu i na lavanga, la aga sing i xusu na lok pes i.

Pilipai 3:1

Luvutnetak mi luvurinuk. Ti lox axap levelinga rak; mina momo at Leeme Silok. I lox avukat mene do nia ana sox amu bok mo levelinga nia aga malagan pam min tinimi, mo ba lok tooro nimi xusu mi noxo subu.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.

Kolosi 1:11

la miba ruuna ka lololos, mo i laa boro vana at lololos silok at ne Moroa kusu miba tu tuxuruxun at lunuunu atnimi la mi noxo subu kot kantubu; la miba umsu mi lomomo,

Kolosi 1:27

Moroa ga soxovo li i do na lox asuvos Lagale Lavavang ti limixin teren; mo levelinga i lok ngan lapnovos silok la i lox asuusu lisisixam at ne Moroa. Mo levelinga i lok keretna, Karisito nabat kis esogo eburu mi limixin kopmen di me Judaia la nedi bok diba ruuna ka loxot at lisisixam teren.

Kolosi 4:12

Lavapaase momo rinimi boro at ne Epapras, lara at libinam tadi atnemi; neni lasaxaruki at ne Iesu Karisito. Neni i ngising lolos amisik tinemi, i ngising amisik ne Moroa ri lox alolos nemi kusu miba tu tuxuruxun keneng at lunuunu atnemi kerekngan limixin mukun la miba xasep aleng at lodoxoma at ne Moroa.

Kolosi 4:2

Mina ngising amisik, la levesingising atnimi na ruturun mene nga, la mina tong loklox avukat ti ne Moroa.

1 Tesalonia 1:3

Mam doma su amisik atnimi at lemeren ne Moroa mumu leven gugu nunuan miga lox i, mila mi nuunu at ne Iesu Karisito, la mi balamu box i. La mi tu lolos mila mim doma voovo ri lovotpot at Leeme Silok, ne Iesu Karisito.

1 Tesalonia 5:8

Ketla nedik limixin at laxasep, atam tebeng lodoxoma nunuan la ata umsu mi lunuunu mi labalamu, i lok ngan lavatban tik lok pe laxakapmek. La ata lok ka lodoxoma voovo ri loklox arooro at ne Moroa. Na lodoxoma i lok ngan lavatkiam ti lok tooro nedik at lorooro atdik.

2 Tesalonia 1:4

Kuren la nema ma xip aurut nimi ri levelotu at ne Moroa, mila nemi mi tu lolos at lunuunu atnimi kantubu at levesongsongot mi levenmumuat, mo mip kiv i.

2 Tesalonia 3:5

La ma sing Leeme Silok do neni na lok tooro nimi xusu mina xasep avukat ti labalamu at ne Moroa, la mina tu lolos kerekngan ne Iesu Karisito ga tu lolos at lorooro ren.

1 Timoti 6:11

Ketla nenu, laradi at ne Moroa, una ru asepsu at nai levempanga. La una lolos ti loklok mokmokso at ne Moroa, lunuunu, labalamu, la loklok ti tu lolos kantubu at levenmumuat, la lixitkis atnaasan.

2 Timoti 3:10

Ketla nenu u mumu asu avukat levenanasa rak la loklok tarak; ura lok kaka vam lorooro rak, la ura ven kibis lunuunu rak; ngan loklok mulus, labalamu la a tu lolos bok at lunuunu rak.

Taitas 2:13

La kerepmo atam tebeng loklox avukat ap mo levenaleng atat kis tangais ti mo langsangan laaleng avukat, la lovotpot nunuan at ne Iesu Karisito, neni ne Moroa silok atdik la neni Leeme Loklox Arooro atdik; neni naba rupot mi lisisixam silok at ne Temen.

Taitas 3:7

Kuren la ne Moroa ga lox asuusu letaba nabalamu ren tidik, la kerepmo diga tong i do nedik limixin mokmokso; la kerepmo nedik ta lok ngan laxamdak teren la dik tanaba ruuna ka lorooro avolo.

Ibru 10:32

Mina doma amlong ti mo levenaleng miga lok ka avot lunuunu. Ap mo levenaleng miga ekip tangarang mi levenmumuat la leveloklox asongot mumu lunuunu atnimi. Ketla miga tu lolos la mi goxo subu.

Ibru 10:36

Do mina suma levenmumuat at lorooro atnimi, mina tu lolos at lunuunu atnimi xusu minaba ruuna ka mo leveloklox anarong ne Moroa ga vaase alii min tidik, mo do mina mu asu lavavara ren.

Ibru 12:1

Buaang nedi lavalabat atdik no vana at laxalibet mo di reven dik ngan laneelen di reven lekampoovo; kuren la mina ke xepe levempanga axap mo ik lox angtang lunuunu atnimi la mina ke xepe bok laxakapmek mo nemi mik sak kikixin teren, la minak sixit eburu mi lololos ap mo lekampoovo ne Moroa ga lox agagas i rinimi.

Ibru 3:6

Ketla ne Karisito i ruturun at lugugu ri lok tatao limixin at ne Moroa xerekngan lanarong i lok tatao libibinat teren. Do atam tebeng lolos lunuunu atdik la tana ngangais mi lomomo ri lomlong teren, i lox asuusu i do nedik limixin at ne Karisito.

Ibru 5:7

Ap mo levenaleng ne Iesu ga rooro ren at na lavatbung menemen, neni ga sing eburu mi lerengteng silok ti ne Moroa do na lox arooro i basinge lanmet, la ne Moroa ga sepo lisingising teren la ga lox alolos i mila neni ga lox asi i maxopok at lavavara at ne Moroa.

Ibru 6:12

Ma xopara i do mina molo at lunuunu atnimi xetla mina mu asu loklok atnedi lavalabat atnimi diga tu lolos amisik at lunuunu atdi la digat kis tangais mo leveloklox anarong ne Moroa ga paase alii min tidi.

Ibru 6:15

La ne Abaram gat kis atnaasan mun la ga ngangais ne Moroa, se ni ga lox asorun mo lavapaase alii rin.

Jems 5:7

Luvutnetak mi luvurinuk. Mina ngangais mi lomomo se Leeme Silok nabamlong. Mina doma mumu laradi loklok tatao at laraamang; i tu tuxuruxun, la ia ngangais se laxangka na lox asuusu lempanga. Neni i nemen kangais bok ti larakabu mo na vot at leven gaaling teren.

1 Pita 4:13

Ketla mina sosoro atla nemi mi ru buru mi ne Karisito at losongsongot teren, kusu minaba umsu mi lomomo at laaleng lisisixam teren na ru asuvos.

1 Pita 4:7

Laxavaxap at levempanga axap, mo nga i auret. Kuren la levendoxoma atnemi na xasep nunuan la mina lok tatao avukat levempatpas atnemi, kusu miba epovo na lok levesingising.

2 Pita 1:6

la minak lox epasum lavatpas adoxoma at luruptuvuk atnemi ukeneng at lakleklen atnemi; la minak lox epasum lurutu lolos ukeneng at lavatpas adoxoma atnemi; la minak lok epasum lomokmokso ukeneng at lurutu lolos atnemi;

Lisilimet 13:10

‘Do ne Moroa gara tong li vam i do tara nabat pas ti loxokoxo, neni naba vubeles ti loxokoxo; la do ne Moroa gara tong li vam i do diba sep tara mi lavarise sepsep, neni naba uu at leesep mi lavarise sepsep.’ Jer 15:2, 43:11 Kuren la limixin at ne Moroa dina tu tuxuruxun at lunuunu atdi la dina ngangais mi lomomo keneng ap mo levenmumuat.