Lovoang At Ne Pol Ti Limixin Nunu to Rom 12:10 - Madak

¹⁰ Mina balamu rinotno leventaba vetpes i ngan loxoeton tinotno xeneng at ne Karisito, la mina lolos amisik kusu ri lox asuusu loklok ngangao atnimi ti leventaba vetpes.

Lovoang At Ne Pol Ti Limixin Nunu to Rom 12:10 ပူးပေါင်းရင်းမြစ်များ

Sam 133:1

I milik maraanu la i nunuan aleng at loxonaleng limixin at ne Moroa di nemen buru xeneng at lenmila oon.

Metiu 20:26

Ketla nemen gat na loklok nak lok kantubu atnimi. Mo do tara atnimi i vara i do na silok, neni na lok ngan lasaxaruki atnemi axap.

Lagale Lavavang At Ne Iesu Karisito Luk Ga Malagan i 14:10

Dola tara na xup ka u uto at leluxa, unat pas la una xis to at lisigege, kusu nom laradi at leluxa naba vot la na lok tu xeretna, ‘Ude vana u, lentangas tarak, uto u at loxot kitkis avukat.’ Anai ba lox u la dina lok ngangao ram to melamgo atnedi lavaose.

Lagale Lavavang At Ne Iesu Karisito Jon Ga Malagan I 15:17

Lavapaase rak tinimi xeretna; mina ebalamu ela minimi xa.

Lagale Lavavang At Ne Iesu Karisito Jon Ga Malagan I 17:21

A sing u do nedi dina lok ngan mun legesara, Tamak, kerekngan mun nenu uk lok keneng tarak la nia ak lok keneng taram. Una lok li di xusu dinak lok keneng atda, kusu limixin mun at lavatbung menemen diba nuunu do nenu uga riki ia ude.

Leven Gugu 4:32

Mo luvuttadi nuunu diga nemen mun keneng at legeso doxoma la legese belen. Kopmen teta atnedi ga lok do mo lempanga ren, ateren axa; ketla diga epes di getgesara mi lempanga axap diga ruuna i.

Lovoang At Ne Pol Ti Limixin Nunu to Rom 13:7

Mina raba di mi levempanga di ngising tin. Do nedi dina sing pilas, mina kepe pilas; dola ri loklok ngangao, mina lox asu bok loklok ngangao atnimi rinedi.

Galesia 5:13

Luvutnetak mi luvurinuk. Lorotoro gak lok tinemi xusu minaba sepmus basinge leveloklok la leventaangas at Lenavolo. Ketla nemen gat mi guta ke na loklok at lesepsepmus basinge Lenavolo na lok ngan mun lavanga ri sisiam avolo nemi xusu lorooro at labantuxu atnemi na sasat nemi. Ketla mina ke labalamu ri lok tooro nemi xusu minaba elok tooro ela,

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

Kolosi 1:4

mila maga ronga i do lunuunu atnimi saparap ne Iesu Karisito i tu tuxuruxun, la lorooro atnimi i umsu mi labalamu saparap limixin nuunu.

1 Tesalonia 4:9

Nema noxo malagan tevelinga mumu labalamu atnimi saparap limixin nuunu; mila ne Moroa ga lox ase vam nimi do mina ebalamu ela.

2 Tesalonia 1:3

Luvutnetak mi luvurinuk. I lox avukat do nema ma tong avukat amisik ti ne Moroa mumu nimi. I lox avukat mila lunuunu atnimi ira susu silok la labalamu ela xantubu atnimi ira sisilok bok.

Ibru 13:1

Mina balamu ela nimi mila nemi limixin at ne Moroa.

1 Pita 1:22

La mo nga, mira ronga ka vam levelinga ruturun la kerepmo lorooro atnemi ira dadat pam la labalamu ruturun i ravasu at lorooro atnimi ti luvutneton nimi; kuren la mina ebalamu ela mi lorooro axap atnemi;

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

1 Pita 5:5

La nemi bok luvuraau minang tonga ka levelinga at limixin mukun la mina mumu asu i. La nemi axap mina lok kaka langsangan loklok ngangao kusu na umsu kantubu atnemi. I ngan Lovoang Kaala i vaase xeretna, “Moroa naba vaase asi luvuttadi di simi aurut nedi, ketla i lox asu letaba nabalamu ren tinedi dik lox asi di.” Ler 3:34

2 Pita 1:7

la minak lox epasum luvukat ti luvutneton nemi ukeneng ti lomokmokso; la minak lox epasum labalamu ukeneng at luvukat ti luvutneton nemi.

1 Jon 4:11

Larapen tangas orong tarak. Do ne Moroa i balamu nedik kerepmo, nedik bok ata ebalamu ela.

1 Jon 4:20

Do tara i lok dola i balamu ne Moroa ketla ik milik angtungun ti neton, ni laradi xaxarang; atla neni ixo epovo xusu ni na balamu ne Moroa no neni goxovisi ven tu ren do neni noxo balamu avot be neton ua neni ira ven tu vam teren.