Pilipai 2:25 - Madak

²⁵ A doxoma i do i lox avukat bok do ana riki amlong neton dik ne Epaprodaitas udom saparap nemi; neni ga gugu la ga esep at lenep tarak, la ni ga lok ngan lasaxaruki atnemi atla neni gap kip leveloklok tooro atnemi ria.

Pilipai 2:25 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 13:16

A tong tuturun i rinimi, kopmen tasaxaruki na silok ti laradi gomgo ren, kopla laradi xipkip linga na silok ti lara ga riki i.

Lagale Lavavang At Ne Iesu Karisito Jon Ga Malagan I 17:18

Aga riki nedi mi levelinga ram ti limixin at lavatbung menemen kerekngan mun uga riki ia ude at na lavatbung menemen.

Lovoang At Ne Pol Ti Limixin Nunu to Rom 16:3

A lox aonon lavapaase momo rak ti ne Pirikila mi ne Akuila, nedu lenasun duga gugu eburu minia xeneng at lugugu at ne Iesu Karisito,

Lovoang At Ne Pol Ti Limixin Nunu to Rom 16:9

Lavapaase momo bok ti ne Eban laradi gugu bok tarak keneng at lugugu at ne Karisito la ti lentangas orong tarak ne Sitakis.

1 Korin 3:9

mila nema eburu mun luradi gugu at ne Moroa la nemi mi lok ngan laxantaamang teren. La nemi bok mi lok ngan loogu, ne Moroa ga vaxaru i.

2 Korin 2:13

Ketla aga bulu aleng mila nia agoxo ven kora ka netak ne Taitas go. Kuren la aga on basinge di, la agat pas uto Masadonia.

Pilipai 2:26

Neni i vara aleng i do na ven nemi axap ketla i lok bukbulu atla miga ronga i do neni ga meres.

Pilipai 4:18

Nia ara lok ka vam leventamtaba atnimi, no ne Epaprodaitas gap kiv i ria ude boro atnimi, la i volo mo levempanga agak pakes tin. Na leventamtaba i lok ngan leventamtaba somavak limixin di xotos i ri ne Moroa, la ni i sisiam kaka i la i sosoro rin.

Pilipai 4:3

Laa vaase bok tu, lagale laradi; uga gugu nunuan eburu minia. Una lok tooro na lutkin, la una lok lumulum kantubu atdu kusu duba xis eburu, atla gano nedu duga gugu lolos ti tong asu Lagale Lavavang, eburu bok mi ne Klemen, la nedi vetpes bok digara gugu vam eburu minia, nom levenasen atnedi ira nemen pam at lubuk at lorooro at ne Moroa.

Kolosi 1:7

Epapras ga anasa nimi mi nom letaba nabalamu; neni lagale laradi i gugu eburu minema’ la ni laradi ruturun i lok lugugu at ne Karisito ti lok tooro nimi.

Kolosi 4:11

Josua, laasen bok teren ne Jastas, i lox aonon bok lavapaase momo rinimi. Nedi na lavantun mene boro Judaia kantubu atnedi di gugu eburu minia rik lok ka limixin uto at Linintoo at ne Moroa, la dik lox amenemen ia.

1 Tesalonia 3:2

la maga riki ne Timoti kusu na vosiga nimi. Neni i lok ngan neton dik la neni bok ik lok lugugu at ne Moroa, la i vavang mi Lagale Lavavang at ne Iesu Karisito. Maga riki i xusu neni na lox alolos lunuunu atnimi la na paase tooro nimi;

Pilimon 1:24

La nedi bok di gugu eburu minia di lox aonon lavapaase momo ru; ne Mak, ne Aristakas, ne Demas, ne Luk, la nedi axap di gugu eburu minia.

Ibru 3:1

Luvutnetak mi luvurinuk. Nemi bok lavaanat soxolik at ne Moroa mo ga ro ka vam nimi ngan limixin teren. Kuren la mo levempanga ne Iesu gak lox i, ni na veve mam pixan amisik tidik. Iesu, neni Luun Pavang la Lamaasa Gomgo. La na nedik dira nuunu ren.