Pilipai 2:14 - Madak

¹⁴ At levempanga axap mi lox i, nemen mita gagalinga la mita etep mi levelinga,

Pilipai 2:14 ပူးပေါင်းရင်းမြစ်များ

Sam 106:25

Digak lok to xeneng at laraugu kadis atdi la digara gagalinga amisik la di goxo ronga ba levelinga at Leeme Silok.

Metiu 20:11

Diga lok ka mo lempilas la diga ru ka i xusu dina paase mukmusak ti ne temen mo laraamang.

Lagale Lavavang At Ne Iesu Karisito Mak Ga Malagan I 14:5

Ni i epovo ri sesep mi na laxadan mavak kusu ba lok ka lavantun sangaun kobot (300) denarias teren kusu ri lok tooro limixin banbalo.” La diga paase mukmusak ti mo latkin.

Lagale Lavavang At Ne Iesu Karisito Mak Ga Malagan I 9:14

La diga si posiga luvuttadi loklok ka anasa la diga ven buaang limixin diga tu kangkan di mi luvuttadi loklox ase at Lenavolo diga vetep mi levelinga eburu minedi.

Lagale Lavavang At Ne Iesu Karisito Luk Ga Malagan i 5:30

Lentaba atnedi lubung Parisi la lentaba bok atdi luvuttadi loklox ase at Lenavolo, diga vaase kuxurung ti luvuttadi loklok ka anasa at ne Iesu. Diga sue xeretna, “Tila mi anan la mi inin eburu mi luvuttadi loklok ka pilas la limixin kapmek bok?”

Leven Gugu 15:2

Pol mi ne Banabas duga ronga i na la duga vaase mukmusak aleng la duga etep mi levelinga minedi; kuren la limixin nuunu ro Antiok diga lok katling ne Pol mi ne Banabas la lentaba bok kusu dibat pas uto Jerusalem la dina vot pasa luvuttadi vavang la loxongkulao silok la dina paase mumu na lavanga.

Leven Gugu 15:39

Duga vaase lolos aleng mumu i na xantubu atnedu, la duga epeseves; Banabas ga lam kaka ne Mak la duga mu lavattaaxup uto Saipras.

Leven Gugu 15:7

Melemu at laxampapaase solo atdi ga xap, Pita ga xatu kaxat upana la ga lok, “Luvutnetak, mikleklen i do gano migomgo Moroa ga soxolik ka ia xantubu atnimi xusu ana tong asu Lagale Lavavang tinedi limixin kopmen di me Judaia kusu dina ronga i la dina nuunu ren.

Leven Gugu 6:1

Ap mo levenaleng leexes at luvuttadi nuunu ga uturut amisik upana; la leedak ga ravasu xantubu atnedi limixin me Judaia mo diga paase Grik la nedi limixin me Judaia diga paase Judaia. Limixin mo diga paase Grik, diga lok do lempat naa atdi, di goxop kip ka epovo levempanga loklok tooro ridi at levenaleng axap.

Lovoang At Ne Pol Ti Limixin Nunu to Rom 12:18

Mina lok lempanga avukat i epovo atnimi, kusu minabak lok at lenmila eburu mi limixin axap.

Lovoang At Ne Pol Ti Limixin Nunu to Rom 14:1

Mina siam abeles kaka mo laradi keneng at lotu atnimi, lunuunu ren kopmen na lolos, ketla nemen gat miguta etep mi levelinga eburu min mumu mo leveloklok ik paxaru kaxat lekarakat.

Lovoang At Ne Pol Ti Limixin Nunu to Rom 16:17

Luvutnetak mi luvurinuk, mo nga a sing nemi; minak lok tatao nemi basinge luvuttadi no dik lok do dinak lok levenekarakat, la dik lox antun lunuunu at limixin la nedi no dik lox abulubun leveloklox ase nemi migara lok kaka vam i; minak lok petpes basinge nedi.

1 Korin 10:10

Nemen mita paase ngunungun amisik ti ne Moroa i ngan leventaba atdi limixin me Israel digak lox i, la ne Moroa ga riki laangelo sepsep teren la ga sev amet di.

2 Korin 12:20

A marat do at loxonaleng nia ana vot dom, aba long lenget nemi do mira lok petpes aleng pam ti lodoxoma nia a vara i do mibap tuvuk kuren; la nemi bok miba long lenger i do nenia bok aba lok petpes ti lodoxoma nemi miga vara i do nia aba lok kuren. A marat do aba ven lenget levenedak la levereven peves la levenmukmusak la levenekarakat la lavapaase nemnem la loklox asilok patlak la levempanga xopmen na sixit nunuan keneng at lotu.

Galesia 5:15

Ketla do minap tuvuk ngan lempanga mi lavanuet lengkangkedek atdi la minak lox asongot ela axa nemi, mina memek avukat, atla lavanga mina eso reles.

Galesia 5:26

Nemen gat nedik guta simi aurut nedik kopla ata velox abelemamao ela minedik kopla ata reven peves mumu lempanga vetpes at lentaba atnedik.

Pilipai 2:3

Nemen mita doma i do mina lox asilok nimi, ketla mina lox asi nimi maxopok at limixin; amisik mina doxoma mumu nunuan nedi avot la melemu ba nemi, la mina umsu mi langsangan loklok ngangao.

1 Tesalonia 5:13

La mina balamu aleng di mila di gugu at lugugu at ne Moroa. La mina umsu mi limila at lixitkis atnimi.

1 Tesalonia 5:15

Nemen gat tara guta vorang laxakapmek mi laxakapmek. Ketla mina lolos amisik kusu mina lox asuusu loklox anare kantubu atnimi la limixin petpes bok.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Jems 1:20

mila lumukmusak at laradi kopmen na lox asuusu luruptuvuk avukat, kerekngan ne Moroa i vara i.

Jems 3:14

Ket dola tara i ruuna levereven peves ti lempanga at tara vetpes la loklox asilok, ixo epovo do neni na lox aurur i do neni laradi avukat, la ixo epovo na sev apkap do neni laradi rongtonga xepe at levelinga ruturun.

Jems 5:9

Luvutnetak mi luvurinuk. Nemen nemi mita gagalinga mu luvutneton nimi, mila ne Moroa naba vaxaru nimi at lavapaase. Lovotpot at laradi rongtonga linga i auret.

1 Pita 3:11

La neni na ke xepe laxakapmek la nak lok luvukat, la neni na lolos ti lok ka limila keneng axap at leveve ren.

1 Pita 4:9

Mina lok maraose abeles kaka leventaba vetpes uto xeneng at laraugu atnemi la nemen gat mita gagalinga.

Lovoang At Ne Jut 1:16

Nedi na limixin di paase xuxurung amisik, la dik sok taba xusuk mun limixin petpes mi laxapmek atdi; di mumu asu mun lavavara xapmek atdi xa, la di lox asilok levenasen atdi; la dik lox atdan limixin petpes kusu dinap kip paxat ka lempanga atnedi.