Pilipai 2:10 - Madak

¹⁰ Kuren la limixin axap dina lok ngangao at laasen at ne Iesu; nedi limixin no vana at laxalibet la nedi bok at na lavatbung menemen la nedi bok diga met pam; nedi axap dinaba xis tiktikbu mi lempatgulom atdi.

Pilipai 2:10 ပူးပေါင်းရင်းမြစ်များ

Metiu 28:18

La ne Iesu ga vas saparap nedi la ga lok tidi xeretna, “Moroa gara raba vam ia mi lololos axap to vana laxalibet la de xopok at lavatbung menemen.

Ibru 1:6

La at loxonaleng ne Moroa ga riki asi lamdak avot teren ude xopok ti na lavatbung menemen, neni ga lok, “Lubung angelo axap tarak dina lotu saparav i.” Len 32:43

Epesas 3:14

Do nenia a doxoma na lodomdoma alii ren, nia a xis tintiding to melamgo at ne Tamak.

Lisilimet 4:10

mo legepu sangaun mi lavanuet loxongkulao amgomgo dit kis tiktikbu mi lempatgulom atdi to melamgo at ne Moroa mo it kis at loxonin orong teren la di lotu parap ne Moroa naba rooro amisik la kopmen taxavaxap teren. La di lok li lempatbungorong atdi ro melamgo at loxonin la di lok keretna,

Epesas 1:10

La at laaleng mokmokso ne Moroa naba lox epovo nom lodomdoma alii la naba sat tomtom buru ka lempanga axap, mo ik lok to vana at laxalibet la ik lok bok nade xopok at lavatbung menemen, kusu ne Karisito naba nemen ngan lamgomgo atdi.

Metiu 27:29

La diga lok lixiam tin mi livin gagas la diga vaxaxua lavatlak teren min, la diga vaxarebeng i mi lakdak at loorong silok to at lekngen tino. Melemu diga xis tiktikbu ro melamgo ren la diga lok kalise i. Diga lok, “Ma lok ngangao aleng taram, loorong silok at limixin me Judaia.”

Lisilimet 20:13

La nedi limixin diga met to at laras la nedi bok limixin diga met la diga nemen to Edesa, la limixin axap diga met, diga tu ro melamgo at ne Moroa la neni ga ila mumu loklok atdi la diga lok ka luunun ga epovo mi leveloklok digara lok pam i.

Epesas 4:9

Anai, i tong i do neni gat pas uto vana at laxalibet, kuren la avot ti nom neni ga si ukopok ti na lavatbung menemen.

Lovoang At Ne Pol Ti Limixin Nunu to Rom 11:4

Lovoporang sala ne Moroa ga raba i min? Ni ga vorang i rin keretna, “Nenia move a ruuna lavanuti larabin sangsangaun kobot (7000) limixin di kox ia la kovisi dina lotu saparap lomoroa xaxarang ne Baal.” 1 Lav 19:18

Metiu 12:40

Jona ga nemen to xeneng at lebelen lavatmat silok at lavantun aleng kangking la lavantun aleng kanimin, la kerepmo nenia, Laradi Mevana, aba nemen to xeneng tubu at lavatkangka at lavantun aleng kangking la lavantun aleng kanimin.

Sam 95:6

Ude nimi, la ata xis tintiding la ata ngising tin; ata xis mi lempatgulom atdik at lemeren Leeme Silok, neni laradi runtudum li atdik!

Lisilimet 5:3

Ketla kopmen teta ro vana at laxalibet kopla ro xopok at lavatbung menemen kopla de maxopok at lavatkangka gita epovo xusu na obes mo lugun linga la gita us mo levelinga ga nemen keneng teren.