Pilipai 1:26 - Madak

²⁶ Kuren la do nia ana nemen buru bok minemi, anaba lok nimi xusu lomomo atnimi naba susu aleng keneng at laasen at ne Iesu Karisito.

Pilipai 1:26 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 16:22

I lok kuren mun tinimi; monga nemi mi bulu, ketla aba ven bok ba nimi la minaba umsu mi lomomo, la kopmen tara naba lok pes mo lomomo basinge nimi.

Lagale Lavavang At Ne Iesu Karisito Jon Ga Malagan I 16:24

Ga ru ka i gano la ia se nga mo, mi goxo sing ti tevempanga xeneng at laasen tarak. Mina ngising ti tevempanga la miba ruuna ka i, kusu lomomo atnimi naba umsu.”

2 Korin 1:14

nemi mi goxo xasep nunuan teren; kuren la nemi minaba lok momo aleng mumu nama kerekngan nema maba lok momo mumu nimi ap mo laaleng Leeme Silok ne Iesu namlong teren.

2 Korin 5:12

Nema maxo lok do mana lox aru lorooro atnema rinimi; ketla ma vara i xusu mana lok nimi xusu mina mumu lorooro atnama. Kerepmo la miba epovo ri vorang nedi luvuttadi dik lox asilok di mumu lixitkis silok atdi la dixo ila mumu luruptuvuk atdi.

2 Korin 7:14

Gano aga tong i rin do nemi limixin avukat la miga lox asorun levelinga rak, la mi goxo lox amangan ia. Maga paase luruturun tinimi, la at na mun langas levempapaase loklox aurut atnama maga lox i ri ne Taitas, ira ravasu ruturun ta.

2 Korin 7:4

Lunuunu rak i rem saga atnimi, a ruuna lusumsuma momo i umsu aleng mumu nimi. Kuren la a umsu mi lolos la keneng at na laxanmumuat a lok momo aleng.

2 Korin 7:6

Ketla ne Moroa mo ik lox amenemen limixin bukbulu, ga lox amenemen nama mi lovotpot at ne Taitas saparap nema.

Galesia 6:4

Nemi getgesara mina viila avukat luruptuvuk atnemi. Dola luruptuvuk at tara atnemi na lox avukat, i epovo ba do neni na momo at levempanga neni ga lox i; ketla ixok mokso do neni na mii poovo i mi luruptuvuk at leventaba vetpes.

Pilipai 3:1

Luvutnetak mi luvurinuk. Ti lox axap levelinga rak; mina momo at Leeme Silok. I lox avukat mene do nia ana sox amu bok mo levelinga nia aga malagan pam min tinimi, mo ba lok tooro nimi xusu mi noxo subu.

Pilipai 3:3

Nedik na digara ruuna ka vam loklok katling tuturun at ne Moroa la nedik di lotu saparap ne Moroa keneng at Loroonan Kaala la nedik di momo xeneng at lixitkis atdik eburu mi ne Iesu Karisito. Nedik kopmen tana nuunu do mo loklok ti rivit kepe lengkontuxu la leveloklok kerepmo at leme Judaia ba lok tooro dik.

Pilipai 4:10

Nia a lok momo aleng keneng at lorooro rak eburu mi Leeme Silok mumu mo laramtaba miga raba ia min. Gano loklok tooro atnimi ria ga xap ketla miga lok kaxat manga i. Aklen i do labalamu atnimi saparav ia goxo xap, ketla mi goxo lok epovo mene i, atla goxopmen tangas tinimi.

Pilipai 4:4

Lomomo atnimi keneng at Leeme Silok na nemen amisik. A tong amu box i do mina momo.