Lagale Lavavang At Ne Iesu Karisito Mak Ga Malagan I 9:50 - Madak

⁵⁰ Laxakures neni lavanga avukat. Ket do lololos teren na xap, kopmen bok ba tangas kusu diba lox i la na so xakures manga. Kuren la mina lox aumsu lorooro atnimi mi leven gugu nunuan kusu mibat kis eburu at limila.”

Lagale Lavavang At Ne Iesu Karisito Mak Ga Malagan I 9:50 ပူးပေါင်းရင်းမြစ်များ

Sam 133:1

I milik maraanu la i nunuan aleng at loxonaleng limixin at ne Moroa di nemen buru xeneng at lenmila oon.

Sam 34:14

Mina repukus basinge laxakapmek la minak lok leveloklok avukat. Mina lolos amisik ti ruuna ka limila ukeneng at lorooro axap atnemi.

Metiu 5:13

La ne Iesu ga lok bok tidi, “Nemi mi ngan laxakures ti limixin axap. Ket do lololos at laxakures na xap, kopmen bok ba tangas kusu naba so kakures manga. Kopmen bok ba na epovo xusu dina lok li i at teveluxa, kuren la diba lu xape mun min la limixin dibat pas abilinga i.

Lagale Lavavang At Ne Iesu Karisito Mak Ga Malagan I 9:34

Ketla digoxo vorang i mila diga epaase xantubu atdi do, nege lara i silok atdi.

Lagale Lavavang At Ne Iesu Karisito Mak Ga Malagan I 9:49

La ne Iesu ga lok lavapaase poovo ridi xeretna, “Limixin axap dinaba suma losongsongot ti lox alolos lunuunu atdi. I lok ngan laxakures di lok li i xusu leveluxa na so avukat.

Lovoang At Ne Pol Ti Limixin Nunu to Rom 12:18

Mina lok lempanga avukat i epovo atnimi, kusu minabak lok at lenmila eburu mi limixin axap.

2 Korin 13:11

Atnimi bok be luvutnetak mi luvurinuk. Mina lolos ti ruuna ka luruptuvuk i nunuan aleng mene nga la mina ronga res at lisingising tarak tinimi, la levendoxoma atnimi na ngan legesara mun; la mina nemen keneng at limila. La ne Moroa ni lavasuun at labalamu la limila, neni naba nemen eburu minimi.

Galesia 5:22

Ketla mo lara i ruuna Loroonan Kaala at lorooro ren i pisik asu labalamu, lomomo, lenmila, loklox atnaasan, loklox anare, luvukat, loklok tuturun,

Epesas 4:29

La lavapaase kapmek noxo ravasu at levenngusno atnemi. Levelinga avukat mene nga mina paase asu i, kusu na lox alolos nedi limixin dik pakes ti levelinga avukat la kusu na lok tooro limixin di ronga nimi.

Pilipai 1:27

Nemen mita doxoma solo ri lavanga salai mo naba vot saparav ia, ketla luruptuvuk atnemi na epovo mi Lagale Lavavang at ne Karisito. Kuren la do nia ana vot pasa bok nimi kopla a noxo vot, aba ronga ba i do mi tu lolos mi legese belen la legesedoxoma, la mit kis eburu ngan legesara kusu mina esep lolos ti lunuunu mumu Lagale Lavavang.

Kolosi 3:12

Nemi lavaanat soksoxolik at ne Moroa la neni i balamu nimi. Kuren la, mina siga ka lebelemumu, labalamu, langsangan loklok ngangao, loklox anare la loklox atnaasan.

Kolosi 4:6

Levempapaase atnimi nap tavasu nunuan amisik kusu rik lox amomo limixin, la mina gagas do miba vorang avukat limixin mi levelinga at ne Moroa.

1 Tesalonia 5:13

La mina balamu aleng di mila di gugu at lugugu at ne Moroa. La mina umsu mi limila at lixitkis atnimi.

2 Timoti 2:22

Kuren la una ke xepe leveloklok kakapmek, kerekngan loklok at luvuraau; la una lolos kusu una mu asu leveloklok keretna; loklok mokmokso, lunuunu, labalamu, la limila. Una lok na levempanga eburu minedi limixin di nuunu at Leeme Silok la nedi lorooro atdi i lok nunuan.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Jems 1:20

mila lumukmusak at laradi kopmen na lox asuusu luruptuvuk avukat, kerekngan ne Moroa i vara i.

1 Pita 3:8

Ti lox axap na levelinga xeretna, nemi axap mina ruuna legesa doxoma eburu mi legesa sumsuma xeretna; mina doma mumu nedi di ruuna levenmumuat, la mina ebalamu ela ngan nemi loxoeton la mina belemumu nedi la mina lox asi nemi.