Lagale Lavavang At Ne Iesu Karisito Mak Ga Malagan I 9:25 - Madak

²⁵ La ne Iesu ga ven i dola buaang limixin digak sixit pot, la ni ga vaase lolos ti nom lagas keretna, “Nenu lagas, ugak lox angtangku na lamdak la uga lox aba i; a tong i ru, una ravasu basinge na lamdak la nemen bok ba utamlong mu i.”

Lagale Lavavang At Ne Iesu Karisito Mak Ga Malagan I 9:25 ပူးပေါင်းရင်းမြစ်များ

Metiu 12:22

La limixin diga lam ka lara laradi uto at ne Iesu. Lagas kapmek ga suxuna i la goxo epovo na paase la luxatli ren ga main; la ne Iesu ga riki asu lagas basinge mo laradi la ni ga lox epovo i xusu na paase la na reven.

Metiu 17:18

La ne Iesu ga vaase lolos ti mo lagas, la lagas ga sixisu basinge nom lamdak. La ap mo mun loxonaleng lamdak ga lox avukat ta.

Lagale Lavavang At Ne Iesu Karisito Mak Ga Malagan I 9:15

La soso mun nom limixin axap diga ven ne Iesu la diga sangu aleng la digak sixit la diga seega rangarang i.

Lagale Lavavang At Ne Iesu Karisito Mak Ga Malagan I 9:24

La soso mun temen mo lamdak ga xup keretna, “A nuunu ram, ketla lunuunu rak ixo epovo, una lok tooro lunuunu rak.”

Lagale Lavavang At Ne Iesu Karisito Mak Ga Malagan I 9:26

La mo lagas ga xup lolos la ga lox adede lamdak la ga sixisu basinge i. La lamdak ga lok ngan ta do ga met la buaang limixin diga lok do ira met pam.

Lagale Lavavang At Ne Iesu Karisito Luk Ga Malagan i 11:14

Iesu ga riki xepe lagas gak lok at laradi kopmen goxo paase; se nom lagas ga sixisu, laradi ga lox epovo xusu na paase. Buaang limixin diga sangu.

Lagale Lavavang At Ne Iesu Karisito Luk Ga Malagan i 4:35

La ne Iesu ga vaase lolos ti mo lagas keretna, “Una lok pilo, la una vas su basinge na laradi!” La mo lagas ga lu asi mi nom laradi ro melamgo atdi, la ga sixisu basinge i la kopmen goxo lok kapmek toxot at labantuxu ren.

Lagale Lavavang At Ne Iesu Karisito Luk Ga Malagan i 4:41

Iesu ga paase ri lubunggas la lubunggas bok diga vas su basinge buaang nedi limixin, la lubunggas digap kup keretna, “Nenu nitna ne Moroa!” La ne Iesu ga vaase lolos tidi la ni xopmen goxo ke xepe tara atdi gita vaase, mila digaklen i do neni Lanarong.

Lagale Lavavang At Ne Iesu Karisito Luk Ga Malagan i 8:29

Ni ga tong i na mila ne Iesu ga tong pam i ri lagas kusu na vas su basinge i. Buaang laxanaleng na lagas ga sep kapmex i la do neni ga nemen maxopok at loklok tatao at limixin, diga xoxo lukngen la luxangkedek teren mi lemparoos sen, ketla neni ga baba koxorop nom lemparoos sen la lagas ga sasat ka i uto at lenep goxopmen tempanga ren.

Lagale Lavavang At Ne Iesu Karisito Luk Ga Malagan i 9:42

Se nom lamdak ga vas saparap ne Iesu, mo lagas ga sev asi i uto xopok at laxangka la ga sev adede lolos i. La ne Iesu ga vaase lolos ti nom lagas la lagas ga on basinge mo lamdak la lamdak ga lox avukat ta, la ne Iesu ga raba amlong nom lamdak ti ne temen.

Leven Gugu 16:18

La buaang levenaleng, ni ga lox i na; se ne Pol gara molo nga, la ni ga rem gili la ga lok ti mo lagas, “At laasen at ne Iesu Karisito, a tong i ru do una vas su basinge i!” Ap mo mene loxonaleng lagas ga on basinge i.

Lovoang At Ne Jut 1:9

I ngan ganoxa laangelo gomgo ne Mikael ga etep mi levelinga eburu mi ne Satan; nedu ga etep mi levelinga do nege naba lok ka labantuxu at ne Moses. Mikael goxo sok taba ne Satan mi levelinga xapmek. Ni ga lok mene xeretna, “Satan. Moroa axa i vaase sox u.”