Lagale Lavavang At Ne Iesu Karisito Mak Ga Malagan I 9:22 - Madak

²² Amisik axa lagas i soso aruv i at laxao la at laradan la ik lok dola nap sev amer i. Dola u epovo, una balamu nama la una lok tooro nama.”

Lagale Lavavang At Ne Iesu Karisito Mak Ga Malagan I 9:22 ပူးပေါင်းရင်းမြစ်များ

Metiu 14:31

Soso mun Iesu ga song asu mi lekngen la ga ranga ka i la ga lok, “Nenu u ruuna lunuunu i xakalik mun. Tila uxo nuunu do nenia a epovo ana lox u xusu unat pas to mavana at ladan ude saparav ia?”

Metiu 17:15

La ni ga lok, “Leeme Silok. Una balamu lamdak tarak. Ing kanovot amisik mi lobomet la i ekip tangarang aleng mi laxasongsongot. La im subu tup amisik at laxao la at ladan.

Metiu 20:34

Iesu ga balamu du la ga long tu at lengkatli atdu. La soso mun lengkatli atdu ga xasep la duga mumu asu ne Iesu.

Metiu 8:2

La lara laradi ga meres mi lanmeres gu ga vot posiga ne Iesu la ga xis tiktikbu mi luvatgulom teren la ga sing i, “Leeme Silok. Mo do u vara i, una lox aroo ia.”

Metiu 9:28

La ne Iesu ga vubeles at lara loogu la mo luradi ga vot pasa i, la ni ga lok tidu xeretna, “Kereva, mu nuunu do nenia a epovo na lox avukat levengkatli atnumu?” Duga vorang i rin keretna, “Laaba, Leeme Silok.”

Lagale Lavavang At Ne Iesu Karisito Mak Ga Malagan I 5:19

Ketla ne Iesu goxo siam la ga lok tin keretna, “Una onon uto xolonu ram la una tong lavanga salai Leeme Silok i lox i ru, la i lox asuusu lebelemumu ren tu.”

Lagale Lavavang At Ne Iesu Karisito Mak Ga Malagan I 9:21

La ne Iesu ga sue ne temen keretna, “Lavanisa maares ni gak lok keretna?” La ne temen ga vorang i, “Ga lamdak lixilik axa i min.

Lagale Lavavang At Ne Iesu Karisito Mak Ga Malagan I 9:23

La ne Iesu ga lok tin, “Nemen uta vaase mi na levelinga dola u epovo xeretnom. Moroa ba lok lempanga axap tu, mo do u nuunu ren.”

Lagale Lavavang At Ne Iesu Karisito Luk Ga Malagan i 7:13

Se Leeme Silok ga ven i, lebelen ga lok bukbulu aleng tin la ni ga lok ti mo labannaa, “Nemen utang teng.”