Lagale Lavavang At Ne Iesu Karisito Mak Ga Malagan I 8:35 - Madak

³⁵ Do nege i vara na ranga alis lorooro ren, neni naba sang apkav i; ket do nege i soxope lorooro ren ti mumu asu ia la ti tong asu Lagale Lavavang, neni naba lok kaka lorooro avolo.

Lagale Lavavang At Ne Iesu Karisito Mak Ga Malagan I 8:35 ပူးပေါင်းရင်းမြစ်များ

Metiu 10:22

Limixin axap diba belemamao nimi mila mi mumu asu ia. Ketla lara do i tu lolos keneng at levesongsongot ise at laxavaxap ap mo levenaleng, ne Moroa naba lox arooro i.

Metiu 10:39

Do nege i vara i do na ranga alis lorooro ren, neni naba sang apkav i; ket do nege i soxope lorooro ren ti lok luvukat tarak, neni naba lok kaka lorooro avolo.”

Metiu 16:25

Do nege i vara i do na ranga alis lorooro ren, neni naba sang apkav i; ket do nege i soxope lorooro ren ti mumu asu ia, neni naba lok kaka lorooro avolo.

Metiu 19:29

La nedi axap diga on basinge laraugu atdi, luvutneton di, luvurinen di, luvuttemen di, luvutnen di, laxamdak mi laxaalik kakalik atdi, la leventaamang atdi kusu dina lok lugugu rak, nedi dinaba ruuna ka laxampanga solo la dinaba rooro amisik at lorooro melemu.

Lagale Lavavang At Ne Iesu Karisito Mak Ga Malagan I 8:36

I lok kapmek do taradi na ruuna ka lempanga axap at na lavatbung menemen, la neni i subu basinge lorooro at ne Moroa.

Lagale Lavavang At Ne Iesu Karisito Luk Ga Malagan i 17:33

Do nege i lok do na ranga alis lorooro ren, neni naba sang apkav i; la do nege na soxepe lorooro ren, neni naba ranga alis i.

Lagale Lavavang At Ne Iesu Karisito Luk Ga Malagan i 9:24

Do nege i vara i do na ranga alis lorooro ren, neni naba sang apkav i; ket do nege i soxope lorooro ren ti lok luvukat tarak, neni naba lok kaka lorooro avukat.

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Leven Gugu 21:13

Ketla ni ga lok, “Lai nom nemi mik lox i, ming teng keretnom la mirak lox abulu lorooro rak? Nia a gagas pam kusu dinaba xoxo ia. La nia a gagas bok kusu ri met mo go Jerusalem kusu ri xip aurut laasen at Leeme Silok ne Iesu.”

Leven Gugu 9:16

La nia aba lox ase i mi mo lempanga ni naba songot teren mumu lunuunu ren saparav ia.”

1 Korin 9:23

Na levempanga axap a lox i ri lok ka buaang limixin kusu dina nuunu at Lagale Lavavang la kerepmo aba lok ka bok tenep at leveloklox anarong boro at ne Moroa.

2 Korin 12:10

Ti lox aru ne Karisito, a lok momo aleng ti lomolo rak, la levempapaase vupu la levenmumuat la levesongsongot la levenmumuat i lolos aleng, mila do nia a molo, aba suma xaka lololos silok.

2 Timoti 1:8

Kuren la nemen uta lok mamangan ti paase asu levelinga at Leeme Silok atnedik. La nemen uta lok mamangan mu box ia atla nenia a nemen at loxokoxo mumu ne Karisito. Ketla atap kip levesongsongot mumu Lagale Lavavang mi lololos ne Moroa ga raba dik min.

Ibru 11:35

Leventaba lavakin diga ruuna lunuunu kuren la leventaba atnedi digara met pam, ketla ne Moroa ga lox aroo amlong bok di. Leventaba atnedi luvuttadi nuunu, diga lok ka losongsongot kapmek tinotno, lavamolon diga lok mo leveloklok ti lok kepe lunuunu atdi, ketla diga tu lolos la diga siam ka mo laxanmumuat, mila diga nuunu do melemu diba lok ka lorooro avolo.

Lisilimet 12:11

La luvutneton nedik dira sak tup pam mi ne Satan mila diga nuunu at lada at Lanasip la at lempapaase ruturun at ne Moroa, mo levelinga diga tong asu i la di goxo marat mi lorooro atdi, diga gagas kusu dina met.

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Lisilimet 7:14

La aga lok tin keretna, “Leeme Silok. Axoklen i, nenu uklen i.” La ni ga lok tia, “Nedi na limixin digap tavasu basinge levenmaares lolos; la dira gos pam levesingsigaara atdi mi lada at Lanasip la dira lox anbun axap pam i.