Lagale Lavavang At Ne Iesu Karisito Mak Ga Malagan I 8:34 - Madak

³⁴ La ni ga ro xaka limixin mi luvuttadi loklok ka anasa ren la ga lok tidi, “Mo do tara i vara na emu eburu minia, neni na domampe lorooro axap teren la na gagas li i xusu nap kip losongsongot at levenaleng axap la na mumu asu ba ia.

Lagale Lavavang At Ne Iesu Karisito Mak Ga Malagan I 8:34 ပူးပေါင်းရင်းမြစ်များ

Metiu 10:38

Do nege i xopara na xip ka levenmumuat, i lok ngan laradi na solok ka laxaba ren la ira mumu asu ia, neni xopmen na epovo do na nemen ngan laradi rak.

Metiu 16:24

La ne Iesu ga lok ti luvuttadi loklok ka anasa ren, “Mo do tara i vara i do na emu eburu minia, neni na domampe lorooro axap teren, la na gagas li i xusu nap kip losongsongot at levenaleng axap, la neni na mumu asu ba ia.

Metiu 27:32

Luvuttadi esep mi ne Iesu diga sixisu ap mo loogu la diga ekip tangarang mi lara laradi boro Sairini, laasen teren ne Simon, la luvuttadi esep diga sox aruru parang i xusu na xip ka laxaba at ne Iesu.

Lagale Lavavang At Ne Iesu Karisito Mak Ga Malagan I 10:21

La ne Iesu ga ven tooro i la ga balamu i la ga lok tin keretna, “Nenu move uk pakes ti legesa vanga. Una sesep mi lempanga axap taram la una raba lempilas ti limixin banbalo la unaba ruuna ka lapnovos silok to vana at laxalibet. La melemu una mumu asu ba ia.”

Lagale Lavavang At Ne Iesu Karisito Mak Ga Malagan I 7:14

La ne Iesu ga ro xaka limixin uto saparav i la ga lok lavapaase poovo tidi xeretna, “Nemi axap mina ronga na levelinga rak la mina xasep teren.

Lagale Lavavang At Ne Iesu Karisito Luk Ga Malagan i 13:24

“Mina lolos kusu miba beles at lumusaragu lixilik at Linintoo at ne Moroa, mila buaang limixin diba lok tong i do dina beles ukeneng, ketla di noxo epovo.

Lagale Lavavang At Ne Iesu Karisito Luk Ga Malagan i 14:33

La ne Iesu ga lok, “Lavasuun at nai lempapaase poovo keretna; dola tara xopmen na ke xepe axap lempanga ren, neni kopmen na epovo xusu neni laradi loklok ka anasa rak.

Lagale Lavavang At Ne Iesu Karisito Luk Ga Malagan i 18:22

Se ne Iesu ga ronga i na, neni ga lok tin, “Uk pakes bok kusu una lok legesa vanga. Una sesep mi lempanga axap taram la una raba lempilas ti luvuttadi banbalo, la unaba ruuna ka lapnovos to vana at laxalibet; la ude u la una mumu asu ia.”

Lagale Lavavang At Ne Iesu Karisito Luk Ga Malagan i 20:45

Nom limixin axap digang tonga i, la ne Iesu ga lok ti luvuttadi loklok ka anasa ren keretna,

Lagale Lavavang At Ne Iesu Karisito Luk Ga Malagan i 9:23

La neni ga lok ti luvuttadi loklok ka anasa ren, “Mo do tara i vara i do na emu minia, neni na domampe lorooro axap teren, la na gagas li i xusu nap kip losongsongot at levenaleng axap, la na mumu asu ba ia.

Lagale Lavavang At Ne Iesu Karisito Jon Ga Malagan I 10:27

Laxasipsip tarak ding tonga laxaka rak. Akleklen di, la di mumu asu levelinga rak.

Lagale Lavavang At Ne Iesu Karisito Jon Ga Malagan I 19:17

La ne Iesu ga vas su la ga sosolok laxaba ren la gat pas uto at loxot, laasen teren, “Lavatlak Tongan.” At lavapaase Ibru, laasen teren do Golgata.

Leven Gugu 14:22

Duga lox alolos lunuunu at luvuttadi nuunu, la duga vaase alolos di xusu dina tu tuxuruxun at lunuunu atnedi. Duga lok, “Nedik ataba ekip tangarang mi laxanmumuat solo, la kerepmo ataba beles at Linintoo at ne Moroa.”

Lovoang At Ne Pol Ti Limixin Nunu to Rom 6:6

La nedik taklen i na, lorooro maut atnedik gara met pam eburu mi ne Karisito ro vana at laxaba, kusu ri sele utut lololos at laxakapmek atnedik getgesara, la kusu nedik ata xok lok at loxokoxo at laxapmek,

Lovoang At Ne Pol Ti Limixin Nunu to Rom 8:17

La nedik luvutnitna, kuren la atanaba ruuna xaka leveloklox anarong ne Moroa ga lok li ri limixin teren, la nedik eburu mi ne Karisito atanaba ruuna ka bok leveloklox anarong no ne Moroa ga lok li i rin; atla do nedik ata xip tooro ne Karisito mi losongsongot teren, nedik tanaba ruuna ka bok loxot at lisisixam teren.

1 Korin 15:31

Luvutnetak mi luvurinuk. At levenaleng axap nia a vekip tangarang mi limixin dik lok do dinap sev amer ia. La a lok momo rinotno atla nemi mi nuunu saparap ne Iesu Karisito, Leeme Silok atnedik la na lomomo i sok lodoxoma rak kusu ana tong asu i na levelinga rinemi.

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

1 Korin 9:19

Nenia laradi sepmus mun, ketla nenia a lox ia ngan lasaxaruki at limixin axap kusu anaba lok ka buaang nedi limixin ukeneng, kusu dina nuunu at Lagale Lavavang at ne Iesu.

Galesia 2:20

I lok ngan ta do diga vaxarem ia eburu mi ne Karisito ro at laxaba; la kopmen nenia xa na a rooro, ketla ne Karisito axa na i rooro xeneng tarak. La lorooro nenia ak lok keneng teren, ni lorooro mi lunuunu keneng at ne Nitna ne Moroa, la neni ga balamu ia la ga raba lorooro ren kusu na uu nop loklok tarak.

Galesia 5:24

La nedi limixin at ne Iesu Karisito, digara ke xepe vam lorooro maut la levendoxoma xapmek eburu mi lavavara at labantuxu atnedi.

Galesia 6:14

Ketla nenia anaba lolos kusuk mun ti paase aurut laxaba at Leeme Silok atdik ne Iesu Karisito; mumu mun mo laxaba ren, levendoxoma momo rak ti loklok at na lavatbung menemen ga met axa gano, la levempanga bok gak lox angtang ia at na lavatbung menemen ga met axa gano.

Pilipai 3:10

A vara i xusu anaklen ne Karisito la ana lok kaka lololos i ngan mo lololos at laxakatu kaxat amlong teren basinge lanmet, la a vara i do ana vubeles at losongsongot teren kusu anap kiv i la ana lok kepe lorooro xapmek, i ngan ta do ana met basinge i kerekngan ne Karisito ga met basinge na lorooro.

Pilipai 3:7

Nia aga nua i do na levempanga ba lok tooro ia ro melamgo at ne Moroa, ketla xopmen; ara ke xepe vam i na la agalok kun i mi ne Karisito.

Kolosi 1:24

La na nga nia a lok momo mumu levesongsongot tarak nia ap kiv i ti lok tooro nimi; la kerepmo a lox epovo levesongsongot no ne Moroa ga lok katling i ria kusu na lok tooro limixin at lotu min, mo i lok ngan labantuxu at ne Karisito.

Kolosi 3:5

Kuren la mina lok kepe leveloklok kakapmek i nemen atnemi, kerekngan loklok kakapmek maxamang at lixitkis epot, loklok kakapmek at labantuxu, lodoxoma liplivi tik lok laxakapmek, lavavara rik lok laxakapmek, la loklok ti belegaao, mo i lok ngan nom loklok ti lotu parap levempoovo moroa.

2 Tesalonia 3:11

Ma tong i na rinimi mila magang tonga i do leventaba atnimi dik molo mene la dit pas tangtagap mi lavapaase siksikma la kopmen dina gugu.

Taitas 2:12

Kuren la ata ke xepe leveloklok kakapmek keretna; dina ke xepe lorooro xapmek; nemen dik ta puse lolos ti levempanga at na lavatbung menemen; nemen dik gutak lok tangtangku, ketla lorooro atdik na dadat; la ata lok mo levempanga ne Moroa i vara i at na lavatbung menemen kopok.

Ibru 13:13

Kuren la mina xis esogo mi ne Iesu, la minap kip lainmangan kerekngan ne Iesu gap kiv i ap mo laaleng neni ga merem at laxaba ro maxamang ap mo lemenemen,

1 Pita 4:1

Karisito ga suma losongsongot at labantuxu ren, kuren la nemi bok mina ru lolos ngan levendoxoma neni ga ruuna i; mo do nege i ekip tangarang mi losongsongot at labantuxu ren mumu lunuunu ren saparap ne Karisito, i lox asuusu i do neni ixok lok bok ba xeneng at laxapmek.

1 Pita 4:13

Ketla mina sosoro atla nemi mi ru buru mi ne Karisito at losongsongot teren, kusu minaba umsu mi lomomo at laaleng lisisixam teren na ru asuvos.

2 Pita 1:14

atla aklen i do, noxo lox abao la ana on basinge labantuxu at na lavatbung menemen, ngan levelinga at Leeme Silok atdik ne Iesu Karisito ga tong taba ia min.

1 Jon 3:16

At na loklok at ne Iesu Karisito nedik ta xasep at lavasuun at labalamu. I lok keretna, Iesu Karisito ga met nop loklok atdik. Kuren la nedik bok ata raba lorooro atnedik ti lok tooro limixin at ne Moroa.

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.