Lagale Lavavang At Ne Iesu Karisito Mak Ga Malagan I 5:23 - Madak

²³ La ni ga sing lolos ne Iesu xeretna, “Loolik tarak i auret do na met. A vara i dola una vot pasa i la una lok li lukngam teren kusu una lox aroo i la neni noxo met.”

Lagale Lavavang At Ne Iesu Karisito Mak Ga Malagan I 5:23 ပူးပေါင်းရင်းမြစ်များ

Sam 107:19

Melemu diga reng ti Leeme Silok mumu levenmumuat digap kiv i, la neni ga lox asepmus di basinge mo levenaknixip.

Sam 50:15

Naba lox avukat do mina ro ke rak mo do mina ekip tangarang mi levenmumuat, la anaba lox asepsu nemi, la minaba emi asu minia.”

Metiu 8:3

Iesu ga song su mi lekngen la ga long tu ren, la ga lok tin, “A vara i. Lanmeres taram na xap ta.” La soso mun mo lanmeres ga xap basinge mo laradi.

Lagale Lavavang At Ne Iesu Karisito Mak Ga Malagan I 16:18

La dinaba rebeng kaka levesii xapmek la limixin dinaba sep sak di, ketla di noxo meres la di noxo met, la dinaba lok li levengkikngen di at limixin mekmeres la nom limixin dinaba lox avukat.”

Lagale Lavavang At Ne Iesu Karisito Mak Ga Malagan I 5:24

La ne Iesu ga emu min. La buaang limixin bok diga emu min la digat pas esi xakape.

Lagale Lavavang At Ne Iesu Karisito Mak Ga Malagan I 6:13

La diga riki xepe lubunggas basinge limixin la diga so li ladan avukat at limixin mekmeres ngan loklok at lubungmixin me Judaia la diga lox aroo di.

Lagale Lavavang At Ne Iesu Karisito Mak Ga Malagan I 7:32

La lentaba luvuttadi diga lam kaka laradi lubaalung teren ga ba uto saparap ne Iesu, neni xopmen goxo paase avukat, la diga sing ne Iesu xusu na lok li lekngen teren la na lox avukar i.

Lagale Lavavang At Ne Iesu Karisito Mak Ga Malagan I 8:23

La ne Iesu ga rebeng tu at lekngen la ga lam ka i ukamang basinge nom lemenemen; la ni ga xalaubis luxatli ren, la ga lok li lukngen teren la ga sue i xeretna, “U ven tempanga?”

Lagale Lavavang At Ne Iesu Karisito Luk Ga Malagan i 13:13

Iesu ga lok li lukngen to at nom latkin la soso mun latkin ga lox akmokso lengkot teren upana la ga emi asu mi ne Moroa.

Lagale Lavavang At Ne Iesu Karisito Luk Ga Malagan i 4:38

Iesu ga on basinge loogu singising la gat pas uto at loogu at ne Simon la ga vubeles teren. Luvutulom at ne Simon ga meres aleng mi liplivi, la diga tong i na ri ne Iesu.

Lagale Lavavang At Ne Iesu Karisito Luk Ga Malagan i 4:40

Ga ukantinao laxangking ga lok do na lotup, mo limixin diga ruuna larapen tangas atdi, digak meres mi levenasen anmeres axap, diga lam ka di uto at ne Iesu; la ni ga lok li lukngen to mavana atnedi getgesara, la ga lox aroo nedi axap.

Lagale Lavavang At Ne Iesu Karisito Luk Ga Malagan i 7:12

Diga rupot go at langas povolo ap mo lemenemen. La limixin mo digap kip lara lorongan, neni leges amdak mun at labannaa, la buaang nedi limixin ap mo lemenemen digat pas eburu min.

Lagale Lavavang At Ne Iesu Karisito Jon Ga Malagan I 11:3

La na lueton duga lox aonon levelinga ri ne Iesu keretna, “Leeme Silok. Lentangas orong taram i meres.”

Leven Gugu 28:8

Temen ne Pabilias mo gak midi at loora, ni gak meres aleng mi liplivi la lebelen dedele. Pol ga beles uto xeneng at loogu ren, ga sing, la ga lok li lukngen to mavana ren, la ni ga lox avukat ta.

Leven Gugu 6:6

Nedi na diga raba nedi ri luvuttadi vavang la diga lok lising la diga lok li levengkikngen di ro mavana atdi, kusu dina lox anarong di.

Leven Gugu 8:17

La ne Pita mi ne Jon duga lok li levengkikngen du at lempatlak atdi, la nedi diga lok ka Loroonan Kaala.

Leven Gugu 9:12

la at lisilimet teren ni i ven lara laradi, laasen teren ne Ananias i beles ukeneng la i lok li lukngen at lavatlak teren kusu ni na ven bok ba.”

Leven Gugu 9:17

La ne Ananias ga vas kaxat la ga rupot to at loogu at ne Judas la ga beles ukeneng la ga lok li lukngen to at ne Sol la ni ga lok, “Netak ne Sol, Leeme Silok i riki ia, Iesu axa, no ga rupot saparav u ro at langas at lavatpas taram ude. Ni i riki ia xusu una reven bok ba la una lok ka Loroonan Kaala.”