Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lagale Lavavang At Ne Iesu Karisito Mak Ga Malagan I 14:18 - Madak

18 La diga xis la digara anan, la ne Iesu ga lok tidi xeretna, “A tong tuturun i rinimi, lara atnimi naba song araba ia ri lavamaasa silok. Mo it kis de la i anan eburu minia.”

အခန်းကိုကြည့်ပါ။ ကော်ပီ




Lagale Lavavang At Ne Iesu Karisito Mak Ga Malagan I 14:18
36 ပူးပေါင်းရင်းမြစ်များ  

Lentangas tino bok tarak, nia aga nunu saga ren; ni ga anan amisik eburu minia, la neni bok ira raba arulu ia.


Nedi diga anan la ni ga lok tidi, “Nia a tong tuturun i na rinimi. Legesara mo atnimi naba song araba ia ri limixin kapmek.”


A tong tuturun i rinimi. Laxalibet mi lavatbung menemen naba nemen at laxanaleng solo, la ap mo levenaleng kopmen tamangkot lixilik at levelinga keneng at Lenavolo naba xap asonao, i se ap mo laaleng levelinga ren naba sorun.


La ne Iesu ga lok bok tidi, “La do mina mun an, nemen gat mita ven bukbulu, i ngan lavapen aala di mumu asu i. Dit pas saasaa ro xantubu at limixin kusu limixin diba reven lemeren di do nedi mo di mun an. A tong tuturun i rinimi do luunun atdi, dira lok ka axap pam i.


Kuren la, do mina raba tavanga ri taradi banbalo, nemen mita tong asu i na ro melamgo at limixin axap kerekngan lavapen aala, dik lox i ro xeneng at laraugu singising la to at larangas. Dik lox i xusu limixin diba emi asu midi. A tong tuturun i rinimi do luunun atdi dira lok ka axap pam i.


Do mina ngising, nemen mitak lok ngan luvuttadi vempen aala. Di vavara aleng i do dina tu la dina ngising to xeneng at laraugu lotu la to bok at larangas etang kusu limixin diba reven di. A tong tuturun i rinimi do dira lok ka axap pam luunun atdi.


A tong tuturun i rinimi; do nege xopmen na siam kaka Linintoo at ne Moroa xerekngan lamdak kakalik, neni noxo beles teren.”


La ne Iesu ga lok tidi xeretna, “A tong tuturun i rinimi; do tara na on basinge lemenemen teren kopla luvutneton kopla luvurinen kopla nenen kopla temen kopla laxamdak mi laxaalik teren kopla leventaamang teren ti lok tooro ia la ri tong asu Lagale Lavavang at ne Moroa,


La diga lok bukbulu la nedi getgesara diga sue i xeretna, “Kopmen nenia, do?”


A tong tuturun i rinimi, nenia noxo in at lavaen i ru xaka i lingina se ap mo laaleng nia aba in lavaen maxat to xeneng at Linintoo at ne Moroa.”


A tong tuturun i rinimi. At ua lengkot axap at na lavatbung menemen, limixin diba tong asu Lagale Lavavang, la na lavanga neni i lox i, diba tong box i xusu limixin dibaklen i.”


Nia a tong tuturun i rinimi. Moroa ba doxoma xepe leveloklok kakapmek at limixin axap la neni ba doxoma xepe levelinga kapmek limixin dina paase mumu i min.


Do limixin di noxo siam ka nemi la di noxo ronga levelinga atnimi, mina on basinge mo lemenemen la mina semla xepe lengkakup at lengkangkedek atnimi, i ngan loklok katling tidi xusu ri lox asuusu levenmukmusak at ne Moroa.”


La ne Iesu ga lok bukbulu la ga lok tidi xeretna, “Ua lavasuun teren la limixin at na loola di vara lavanga sangsangu? Nenia a noxo lox ase nimi mi tempanga sangsangu.”


La ne Iesu ga lok tidi xeretna, “Nenia a tong tuturun i rinemi, lentaba di tu de, di noxo met avot ti lovotpot at laaleng Linintoo at ne Moroa na vot mi lololos teren.”


Nia a tong tuturun i rinimi. Do tara na raba nimi mi toxodan ti inin mila nemi at ne Karisito, neni noxo sang apkap luunun teren.”


at laniu at ne Abel ga se at laniu at ne Sakaria, no lavalabat atnimi diga sev amer i ro xantubu at loxot kokotos taba levempanga e xusu ri ne Moroa la loxot i xaala. I ruturun tinotno. A tong i rinimi do limixin at na levenaleng dinabap kip langsangan lumumuat mumu nedi axap!


Ketla lara laradi naba song araba ia ri luvuttadi xapmek; it kis de eburu midik.


La ne Iesu ga lok bok tidi, “A tong tuturun i na rinimi. Leeme vapaase alii, limixin di noxo siam ka i ro at lemenemen axa ren.


La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”


La ne Iesu ga lok tidi, “Ketla kopmen nemi axap ta miba lok ka loklox anarong. Aklen nedi leventaba agara lok katling pam nedi ngan luvuttadi vavang tarak, ketla legesara mun atnimi, kopmen. Neni ik lok ti lox asorun levelinga xeneng at Lovoang Kaala i lok keretna, ‘Neni mo lara i an eburu minia at loxongkide, ira raba vam ia ri limixin kapmek.’ Sam 41:9


Iesu ga vaase axav i na la lebelen goxo xis saga avukat. La ga lok keretna, “A tong tuturun i rinimi, do lara mo xantubu atnimi naba song araba ia ri limixin kapmek.”


Luvuttadi loklok ka anasa ren diga epen etang, di goxoklen i do, Iesu ga paase mumu nege.


La ne Iesu ga vorang i rin, “Kereva, u epovo ri raba ruturun lorooro ram tia? A tong tuturun i ru, avot ti laxaxak naba reng ningina nubung la unaba sev apkap naba vantun do uxoklen ia.”


A tong tuturun i. Ga se nenu laau maxat mene, uga siga lempanga singsiga ram la ugat pas mu lavavara ram. Ketla do una sioxo, ubang song asu mi lukngam la tara vetpes nabak paxasiga u la dibam lam ka u uto at lengkot u noxopara unat pas uve.”


A tong tuturun i ru, nema ma paase mi lempanga makleklen i, la ma tong lempanga maga ven i, ketla kopmen tinotno tara atnimi limixin amgomgo, na lok do na siam ka levelinga atnama.


Iesu ga vorang i rin keretna, “A tong tuturun i na ru; do tara noxo lok kaka livipisik amaxat, neni noxo vubeles at Linintoo at ne Moroa.”


La ne Iesu ga vorang i rin, “A tong tuturun i na ru; do tara noxo lok kaka lesep susu la noxo lok kaka lorooro maxat boro at Loroonan Kaala, neni noxo beles at Linintoo at ne Moroa.


La ne Iesu ga lok tidi, “A tong tuturun i rinimi, nenia ne Nitna xopmen anak lok tevempanga mi lololos axa rak; nenia ak lok mun levempanga salai nenia a ven i at ne Tamak. Levempanga salai ne Tamak ik lox i, nenia ne Nitna bok ak lox i.


Iesu ga vorang i ridi xeretna, “A tong tuturun i rinimi. Mi reven pupuse ria mila miga anan levengkongkide la nemi axap miga an mais teren, ketla kopmen do miga xasep avukat at lavasuun at levempanga sangsangu nenia aga lox i.


Iesu ga lok tidi, “A tong tuturun i rinimi. Ne Moses goxo raba nemi mi lakde boro vana at laxalibet, ketla ne Tamak axa im taba nemi mi lakde ruturun boro vana at laxalibet.


A tong tuturun i rinimi; do tara na nuunu rak, neni naba ruuna ka lorooro avolo.


Iesu ga lok tidi, “Nia aga soxolik ka nemi lasangaun mi legepura ngan luvuttadi loklok ka anasa rak. Ketla legesara atnimi ni lamdak at ne Satan.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ