Lagale Lavavang At Ne Iesu Karisito Mak Ga Malagan I 10:24 - Madak

²⁴ La luvuttadi loklok ka anasa ren diga sangu at na levelinga ren. La ne Iesu ga lok bok tidi, “Loxongkulao, i lolos aleng do tara na vubeles at Linintoo at ne Moroa.

Lagale Lavavang At Ne Iesu Karisito Mak Ga Malagan I 10:24 ပူးပေါင်းရင်းမြစ်များ

Sam 17:14

O Leeme Silok, una lox arooro ia mi lolos taram basinge nedi limixin at na lorooro di ruuna ka levempanga axap nedi xa di vara i. Una lox asongot di mi levesongsongot nu ga gagas li i ridi, teventaba bok ti laxamdak mi laxaalik atdi, la teventaba naba volo bok ti luvuttubuno avolo atdi.

Sam 52:7

“Mina ven ba na laradi goxo vara i do ne Moroa na lok tatao i. Ketla ni ga nuunu saga at lapnovos silok teren, la ga nunua i do loklok kakapmek naba lox aulis i.”

Sam 62:10

Nemen gat mita doma i do mina sak paxat ka tempanga, la nemen gat mita doma i do mina ruuna ka tavanga at loklok tip kip pilo. Keke i dola lapnovos atnemi na sisilok; nemen mita doma saga solo ren.

Metiu 19:25

Luvuttadi loklok ka anasa diga ronga i na, la diga sangu aleng la diga sue ne Iesu, “Nege ba naba lok kaka lorooro avolo?”

Lagale Lavavang At Ne Iesu Karisito Mak Ga Malagan I 1:27

La limixin axap diga sangu aleng la diga epaase xeretna, “Loklok salai mo? Laanasa maxat mo, do? Lololos teren i silok. Iesu i tong asu levelinga ti lubunggas la di mu asu i.”

Lagale Lavavang At Ne Iesu Karisito Mak Ga Malagan I 10:23

La ne Iesu ga ven tangtagap la ga lok ti luvuttadi loklok ka anasa ren keretna, “Naba lolos aleng ti luvuttadi dip novos aleng kusu dina vubeles at Linintoo at ne Moroa.”

Lagale Lavavang At Ne Iesu Karisito Luk Ga Malagan i 16:14

Lubung Parisi diga ronga i na; la diga lok kalise ne Iesu, mila diga vavara aleng lempilas.

Lagale Lavavang At Ne Iesu Karisito Jon Ga Malagan I 13:33

Luvutnuruk. Aba nemen eburu minimi at loxonaleng kakalik mun. La melemu miba reven tia, kerekngan nia aga tong pam i ri leme Judaia; kuren la a tong box i mo rinimi, mo loxot nia anat pas tin, ixo epovo do minat pas uve.

Lagale Lavavang At Ne Iesu Karisito Jon Ga Malagan I 21:5

Neni ga toro ridi xeretna, “Laxamdak. Kereva, mi sep ka tevenmat?” La diga vorang i rin keretna, “Kopmen.”

Lagale Lavavang At Ne Iesu Karisito Jon Ga Malagan I 6:60

Buaang atnedi luvuttadi loklok ka anasa at ne Iesu diga ronga i na la diga lok, “Anai levenanasa i lolos tinotno. Nege i epovo na siam ka i?”

Galesia 4:19

Luvutnuruk orong! Nenia a suma losongsongot mumu nemi ngan latkin ing songot at laaleng pipisik teren, la anaba suma na losongsongot se at laaleng lorooro at ne Karisito naba suxuna axap nemi.

1 Timoti 6:17

Una vaase axasep di dip novos aleng mi laxampanga at na lorooro do nemen ditak lox asilok di, la di noxo lok li lodoxoma atdi keneng at levenapnovos at na lorooro, mila lapnovos noxo nemen amisik; ketla dina lok li levendoxoma atdi at ne Moroa xusuk mun, mo im taba amisik dik mi levempanga axap ti lox amomo dik.

1 Jon 2:1

Luvutnuruk orong. Nia a malagan na levelinga rinemi kusu mi noxo lok taxapmek. Ketla do tara na lok laxakapmek, ne Iesu Karisito neni Leeme Mokmokso naba lok tooro i, naba sing saparap ne Moroa ne Temen dik, kusu ne Moroa naba doxoma xepe mo laxakapmek teren.

1 Jon 4:4

Luvutnuruk orong. Nemi limixin at ne Moroa. Mira ke xepe vam lavaeme vapaase xaxarang atla ne Moroa i nemen keneng atnemi la lololos teren i volo lololos at ne Satan, neni lamgomgo at limixin at na lavatbung menemen.

1 Jon 5:21

Luvutnuruk orong, mina lok tatao nimi basinge lempoovo moroa. I ruturun.

Lisilimet 3:17

Nemi mi tong i do, ‘Nema mo map novos aleng la ma ruuna lempanga axap la maxok pakes bok ti tempanga.’ Ketla mixoklen i do nemi limixin etaba la mi baava. Nemi mi lok ngan limixin pakpakes, lengkatli atdi i main, la dik lok beleben.