Metiu 6:13 - Madak

¹³ Nemen uta lok li nema ri leveloklok tong pen i lolos, ketla unang tanga amlong ka nema basinge ne Satan.’

Metiu 6:13 ပူးပေါင်းရင်းမြစ်များ

Sam 10:16

Leeme Silok, neni Loorong amisik la kopmen tekavaxap teren. Nedi di lotu saparap lomoroa vetpes, dinaba sonao rino basinge lenep kangka ren.

Sam 106:48

Ata emi asu mi Leeme Silok, Moroa me Israel; ata emi asu min monga la amisik. La limixin axap dina vaase xeretna, “Tuturun!” Ata emi asu mi Leeme Silok!

Sam 22:28

Leeme Silok neni Loorong Silok mavana at limixin axap. La neni im gomgonga limixin at leven abungmixin axap.

Sam 41:13

Leemi asu ri Leeme Silok, ne Moroa me Israel! Leemi asu rin na, la kopmen tekavaxap teren! Tuturun. Tuturun.

Sam 47:2

Leeme Silok, ni Leeme Avolo. Dik atana lok ngangao aleng teren; neni Loorong Silok, im gomgonga na lavatbung menemen axap.

Sam 47:7

Moroa ni Loorong Silok ti limixin axap at na lavatbung menemen, mina emi asu min mi livikpixan!

Sam 72:19

Leemi asu amisik la kopmen tekavaxap teren ti laasen melemelengan teren! Keke lisisinang teren na suxuna axap lavatbung menemen. Tuturun! Tuturun!

Sam 89:52

Leemi asu amisik ti Leeme Silok la kopmen tekavaxap teren! Tuturun! Tuturun tinotno!

Metiu 26:41

Mina reven tatao la mina ngising kusu mi noxo subu at loklok tong pen. Loroonan at laradi i epovo ri ronga res, ketla labantuxu ren i molos.”

Metiu 28:20

La mina lox ase di xusu dinang tonga res at levelinga axap nenia agara tong pam i rinimi. La nenia anabak lox eburu amisik minemi naba se at laxavaxap at na lavatbung menemen.”

Metiu 5:37

Mina tong mene i do, ‘I ruturun!’ kopla ‘Kopmen!’ Toxolinga bok tara na tong i mavana at nai, i laa boro at ne Satan.”

Metiu 6:10

Linintoo ram na vot, lavavara ram limixin dina mu asu i nade xopok at na lavatbung menemen, i ngan mun di mu asu i ro vana at laxalibet.

Lagale Lavavang At Ne Iesu Karisito Jon Ga Malagan I 17:15

Lisingising tarak kopmen do una lam ka di basinge na lavatbung menemen, ketla una lok tatao di basinge mo laradi xapmek.

1 Korin 10:13

Leveloklok tong pen axap it pot saparap nimi, ni i lok ngan mun mo leveloklok tong pen it pot saparap limixin axap. La ne Moroa i ruturun; la ni noxo ke xepe nimi ri loklok tong pen, nemi xopmen mina epovo xusu miba xip tutu min. Se at nom laaleng do loklok tong pen na vot saparap nimi, neni naba lox alolos nimi xusu minaba tu lolos la minaba vas su basinge mo loklok tong pen kusu mi noxo subu.

1 Korin 14:16

Do mina emi asu mi ne Moroa mi levempapaase vetpes boro xeneng at loroonan kusuk mun atnimi, la do taradi go xopmen na lotu i nemen eburu minimi ap mo lixitkis buru, la neni ixo xasep at levempanga salai mo mi paase asu i. La ni naba tong i do “I ruturun!” kereva, do mina lox axap lisingising loklox avukat atnimi?

2 Korin 1:20

I ngan do buaang laxampapaase alii at ne Moroa, ne Iesu ga lox asorun i. Kuren la ne Iesu Karisito ni luruturun la ma vaase asu i ri lox asuusu lisisixam at ne Moroa.

Galesia 1:4

Iesu ga raba lorooro ren ti ru korop ti laxapmek atnedik kusu neni naba lox asepmus nedik basinge leveng kakapmek at na levenaleng lolos; ana ga ravasu ngan lavavara at ne Moroa ne Temen nedik.

1 Tesalonia 1:10

La di tong i do nemi mit kis tangais ne Nitna, mo naba ravasi boro vana at laxalibet. Moroa ga lox arooro amlong ne Iesu basinge lanmet, la ni naba lox arooro bok dik basinge lebelemamao at ne Moroa, mo naba rupot.

2 Tesalonia 3:3

Ketla Leeme Silok i lok tooro ruturun amisik limixin teren la neni naba lox alolos lorooro atnimi la naba lok tatao nimi basinge ne Satan.

1 Timoti 1:17

Kuren la ata emi asu mi Loorong Silok naba rooro amisik, la kopmen noxo met la dik taxo epovo ri ven i; neni xusuk mun ne Moroa. Ata lox asuusu amisik loklok ngangao la leemi asu rin! Tuturun.

Ibru 11:36

Lavamolon diga lok kalise xapmek leventaba atdi la digak pixis kapmek tino di, la diga koxo alis leventaba bok la diga lox abeles di at laraugu xokoxo.

1 Pita 5:8

Mina lok tatao avukat lavatpas atnimi la mina reven avukat, atla laradi munepen atnemi neni ne Satan im booro saasaa ngan lavat laion mukmusak, la i puse ri tuvuttadi xusu neni nak lox epeseves nedi basinge ne Karisito.

2 Pita 2:9

Kuren la Leeme Silok ne Moroa i epovo ri lox asepsu limixin avukat basinge levesongsongot, la i epovo bok kusu na lok li limixin tongtonga xepe ro xeneng at loxokoxo la na lox asongot nedi se at laaleng ete.

1 Jon 3:8

Do tara ik lox amisik laxakapmek, neni at ne Satan, mila ne Satan ga lok laxakapmek, ga ru ka i ganoxa at lereot. Lavasuun at lovotpot at ne Nitna ne Moroa do neni na sele utut kepe lugugu at ne Satan.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

Lisilimet 19:1

Melemu at nai, aga ronga laxaka linga atnedi buaang limixin to vana at laxalibet, digap kup lolos keretna, “Ata emi asu mi ne Moroa, neni Leeme Loklox Arooro atdik, la i ruuna lisisixam la lololos teren i silok aleng,

Lisilimet 19:4

La mo legepu sangaun mi lavanuet loxongkulao amgomgo la lavanuet levempanga rooro diga xis tiktikbu mi lempatgulom atdi la diga lotu parap ne Moroa. La diga lok, “I ruturun, ata emi asu mi ne Moroa.”

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Lisilimet 21:4

Neni naba ves kepe lengkabili dan basinge lengkatli atnedi. La limixin kopmen di noxo met bok ba, la di noxo saxaanu bok ba kopla dinang teng la di noxo songot bok ba; mila lavatkangka avot ga sonao vam eburu mi lempanga axap gak lok keneng teren.”

Lisilimet 3:10

Nemi miga momo ri mumu asu levelinga rak, ga lok keretna, ‘Mina tu lolos kantubu at levenmumuat.’ Kuren la aba lok kepe nimi basinge nom levenmaares mumuat mo naba vot at na lavatbung menemen, kusu na lok tong pen limixin axap.

Lisilimet 3:14

La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 5:13

Melemu aga ronga leemi asu boro at lempanga axap ne Moroa ga rudum li di, nedi limixin eburu mi levempanga mi lavanuet kangkedek atdi, la nedi bok pana at laxalibet la nade xopok at lavatbung menemen la lempanga bok dik lok keneng at lebelen laxangka la lempanga dik lok at lebelen laras; diga lok, ‘Ti mo lara it kis at loxonin orong la ti Lanasip bok, ma raba numu mi leveloklox anarong, loklok ngangao, leemi asu la lololos ba nemen amisik la kopmen taxavaxap teren.’ 1 Let 29:11