Metiu 5:30 - Madak

³⁰ Mo do lakngam tino na lox u la una lok laxakapmek, una ra korop pes i la una lu min! I lox avukat tu do una lok pes lara lakngam; lavanga labantuxu axap taram nat pas ti lemenemen songsongot.”

Metiu 5:30 ပူးပေါင်းရင်းမြစ်များ

Metiu 11:6

Luvukat ti neni laradi kopmen noxo subu basinge ia la lebelen ixo lok kapmek ti na lugugu rak.”

Metiu 13:21

Ketla ixo vubeles ukeneng at lorooro atdi; la lunuunu atdi ixo nemen abao solo. Kuren la ise do levenmumuat i vot eburu mi levesongsongot mumu levelinga at ne Moroa, lunuunu atnedi i subu soso mun.

Metiu 16:23

Iesu ga rem gili ri ne Pita la ga lok tin, “Uto u basinge ia. Nenu u lok ngan ne Satan. U vara i do una lok pe ia. U xopara na mu asu lavavara at ne Moroa, ketla u vara mun levendoxoma at limixin.”

Metiu 17:27

Ketla ta noxo lox amusak nedi na limixin. Kuren la unat pas uto at lavatdan kis la una xanom. La leemat avot una rep ka i, uba long lenget ka legesa derakma silok to xeneng at lungusno la mo legesa derakma silok naba epovo rida kusu ri kepe pilas ti loogu laplavang.”

Metiu 18:8

Mo do lakngam mi laxangkedek taram na lox asubu lunuunu ram, una ra korop pes i la una lu xepe min. I lox avukat do una beles at lorooro avolo mi tenep mene at luxangkedek mi lukngam; lavanga ne Moroa na lu arup minu at laxao at lemenemen songsongot i nemen amisik.

Metiu 22:13

La loorong silok ga tong i ri luvuttadi gugu ren keretna, ‘Mina xoxo lukngen mi luxangkedek teren la mina lu asu min uto xamang kusu neni na vubeles at lamain bonot no limixin dibang teng boron la diba rungur ivivilis.”

Metiu 25:20

Mo lasaxaruki avot ga lok ka vam lavalimo talen, ga vosiga mo leeme silok la ga lok tin, ‘Leeme silok. Nenu ga raba ia mi lavalimo talen la nia agara gu asu vam lara lavalimo talen bok.’

Metiu 26:31

Melemu ne Iesu ga lok tidi, “Lingina at laxanimin, nemi axap minaba subu basinge ia; i lok ngan Lovoang Kaala i tong i xeretna, ‘Nia ne Moroa, anaba sep laradi loklok tatao at levesipsip la levesipsip at loxonbinam sipsip dinaba epeseves.’ Sak 13:7

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Metiu 5:29

Do laxatli tino ram na lox u la una subu, una lik gogo su min. I lox avukat tu do una lok pes tenep at labantuxu ram; lavanga labantuxu axap taram nat pas ti lemenemen songsongot.

Lagale Lavavang At Ne Iesu Karisito Mak Ga Malagan I 9:43

Mo do lakngam na lox asubu lunuunu ram, una ra korop pes i. I lox avukat do una beles at lorooro avolo mi legesakngam mene nga. Lavanga ne Moroa na lu arup minu eburu mi lukngam uto at laxao at lemenemen songsongot, mo laxao i nemen amisik.

Lagale Lavavang At Ne Iesu Karisito Luk Ga Malagan i 12:5

Ana tong i rinimi do legesa radi mun minak marat teren. Minak marat at ne Moroa, melemu do ira sev amet tara, neni i ruuna bok lololos kusu na lu abeles min uto at lemenemen songsongot. I ruturun tinotno. A tong i rinimi do minak marat kusuk mun at ne Moroa.

Lagale Lavavang At Ne Iesu Karisito Luk Ga Malagan i 17:2

I epovo do diba sevut li tangsangan tavatkinem to at laxaka ren la diba dong asi i uto xopok at laras; lavanga na lok tara at laxamdak kakalik dina beles at laxakapmek la na suma lebelemamao at ne Moroa.

Lovoang At Ne Pol Ti Limixin Nunu to Rom 9:33

no Lovoang Kaala i paase min keretna, “Mina ven ba i, a lok li luat to xeneng at lemenemen Saion ti lok limixin dinaba sak kikixin teren. Mo luat naba lok nedi dina subu. Ketla nege do i nuunu ren, neni noxo doma saasaa.” Ais 8:14, 28:16

1 Korin 8:13

Kuren la, do mo leveluxa nia a anan i, i lox asubu lunuunu at tara, nia a noxo epovo bok ba ri anan teveluxa xerepmo, kusu nia noxo lox asubu bok ba taradi ri laxakapmek.

Galesia 5:11

Luvutnetak mi luvurinuk. Lentaba di tong i do nenia move a vavang do loklok ti rivit kepe levengkontuxu i lox avukat. Do kuren, tila ba la leme Judaia move di lox asongor ia? Dola amo langas ti rivit kepe lengkontuxu i ruturun, naba milik ngan ta do levempavang tarak mumu laxaba at ne Karisito, noxo vaxaru kaxat tepenekarakat.

1 Pita 2:8

La loxot bok at Lovoang Kaala i vaase xeretna, “Na luat naba lok limixin kusu dina sak kikixin la naba lox asubu nedi.” Ais 8:14 Di sak kikixin atla xopmen dina nuunu at levelinga at ne Moroa; anai i epovo mi lavavara at ne Moroa rinedi.