Metiu 25:31 - Madak

³¹ La ne Iesu ga lok bok, “Do nenia, Laradi Mevana, ana vot mi lisisixam, eburu mi lubung angelo, nenia anabat kis at loxonin orong tarak mi lisisixam silok boro vana at laxalibet.

Metiu 25:31 ပူးပေါင်းရင်းမြစ်များ

Sam 9:7

Ketla Leeme Silok, neni Loorong Avolo la naba nemen amisik kuren; ira lox agagas li vam loxonin teren ti viila mumu loklok at limixin.

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

Metiu 19:28

La ne Iesu ga vorang i ridi, “Nia a tong tuturun i rinimi. At laaleng ne Moroa na lox amaxat lempanga axap, ap mo laaleng nenia, Laradi Mevana, anabat kis at loxonin orong tarak mi lisisixam silok tarak, la nemi mi mumu asu ia, mibat kis bok at lasangaun mi legepura lengkot kitkis orong la mibang tonga linga at lasangaun mi legepura levenbibinat at limixin me Israel.

Metiu 25:6

At laxanimin tubu limixin diga xup aoon min keretna, ‘Laradi i gagas ti epot nom ta i boro! Minat pas la mina ekip tangarang min!’

Metiu 26:64

La ne Iesu ga lok, “I ruturun, nenia vam. Ketla nia a tong i rinimi. Melemu minaba ven ia, Laradi Mevana, anabat kis saparap lekngen tino ne Moroa i lolos aleng, la anaba vot at loxontakabu boro vana at laxalibet.”

Lagale Lavavang At Ne Iesu Karisito Mak Ga Malagan I 14:62

La ne Iesu ga vorang i rin keretna, “Nenia vam. La nemi minaba ven ia, Laradi Mevana, anabat kis saparap lekngen tino at ne Moroa i lolos aleng la anaba vot eburu mi lenbantakabu boro vana at laxalibet.”

Lagale Lavavang At Ne Iesu Karisito Mak Ga Malagan I 8:38

Mo do taradi na lok mamangan kepe ia eburu mi levelinga rak kantubu at limixin at na loola, nenia, Laradi Mevana, anaba sok tixirixes i ap mo laaleng nenia ana si ukopok mi lisisixam silok at ne Tamak la at lubungangelo ren.”

Lagale Lavavang At Ne Iesu Karisito Luk Ga Malagan i 22:69

Ketla i ru ka nga i mo lingina, nenia, Laradi Mevana, anabat kis to saparap lekngen tino at ne Moroa i lolos aleng.”

Lagale Lavavang At Ne Iesu Karisito Luk Ga Malagan i 9:26

Mo do taradi na lok mamangan kepe ia eburu mi levelinga rak, nenia, Laradi Mevana, anaba sok tixirixes xepe i ap mo laaleng nenia ana si ukopok mi lisisixam silok tarak la lisisixam silok at ne Tamak la at lubung angelo ren.

Lagale Lavavang At Ne Iesu Karisito Jon Ga Malagan I 1:51

La ni ga lok bok tidu, “A tong tuturun i rinumu do muba ven laxalibet na rem suang la muba ven lubung angelo at ne Moroa dinat pas si la dinat pas urut uto saparav ia Laradi Mevana.”

Leven Gugu 1:11

La duga lok, “Luvuttadi me Galili, lai mo mi tu mu i la mia reven upana at lamavangkap? Na ne Iesu, ne Moroa i lam kaka i basinge nimi uto vana, ni nabamlong bok kerekngan tai mo nemi mi ven i, i urut uto vana at laxalibet.”

1 Tesalonia 3:13

La kerepmo neni na lox alolos lorooro atnimi xusu lorooro atnimi nak mokso aleng at lemeren ne Moroa ne Temen dik, ap mo laaleng ne Iesu, Leeme Silok atdik nabamlong eburu mi limixin dadat teren.

1 Tesalonia 4:16

Ap mo laaleng limixin dinaba ronga luxupkup lolos la laangelo gomgo naba toro, la luru at ne Moroa nabang teng, la Leeme Silok naba si ukopok boro vana at laxalibet. La nedi limixin nuunu diga met pam, dinaba roo xat amlong la dinaba urut avot.

Ibru 1:8

Ketla neni ga lok ti ne Nitna xeretna, “Nenu ne Moroa, lixitkis orong taram naba nemen amisik la amisik la nenu uba lok limixin axap kusu diba mu asu loklok mokmokso ram.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Lovoang At Ne Jut 1:14

Enok ni laradi sepsev avanna melemu at ne Adam, la neni ga paase alii mumu nom luvuttadi kapmek. Ni ga lok keretna, “Mina reven avukat. Leeme Silok naba rupot eburu minedi buaang limixin dadat teren,

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

Lisilimet 20:11

La nia aga ven langsangan loxonin orong bunbun la mo Laradi gat kis teren; la lavatkangka eburu mi laxalibet duga sixiro basinge i la duga sonao nga.

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.