Metiu 25:20 - Madak

²⁰ Mo lasaxaruki avot ga lok ka vam lavalimo talen, ga vosiga mo leeme silok la ga lok tin, ‘Leeme silok. Nenu ga raba ia mi lavalimo talen la nia agara gu asu vam lara lavalimo talen bok.’

Metiu 25:20 ပူးပေါင်းရင်းမြစ်များ

Leven Gugu 20:24

Ketla nia a lok do lorooro rak i lok ngan ta do lavanga gamasa mun tia; nia a vara mun i do ana lox axap lavatpas tarak la ana lox axap lugugu at Leeme Silok ne Iesu ga raba ia min; mo lugugu ri tong asu Lagale Lavavang mumu letaba nabalamu at ne Moroa.

Jems 2:18

Taradi na lok keretna, “I lox avukat mun do lara i ruuna lunuunu la lara vetpes i ruuna leven gugu nunuan;” ketla nia a tong i rin keretna, “Do tara xopmen na lok teven gugu nunuan, neni xopmen na ruuna lunuunu. Nia a ruuna leven gugu nunuan, mo i lox asuusu lunuunu rak.”

Kolosi 1:29

Ti lox empana na lugugu, nenia a gugu lolos, mi nom lololos ne Karisito i vetaba min tia la i gugu keneng tarak.

1 Korin 15:10

Ketla ne Moroa ga lox asuusu langsangan letaba nabalamu ren tia la ni ga lox amaxar ia, i ngan ta laradi vavang; la maxeneng at na letaba nabalamu ni ga raba ia min, laxampanga nunuan ga ravasu at lorooro rak, i ngan aga gugu lolos tinotno rinedi lentaba luvuttadi vavang. Ketla xopmen lololos tarak na nia aga gugu min, ketla letaba nabalamu at ne Moroa mo ga lox ia xusu a epovo ana gugu lolos.

Metiu 18:24

Se neni ga vaxaru kaxat ka lugugu ren, lara ap mo luvuttadi gugu ren diga lox abeles i, ga lok ka legesa sangaun larabin sangsangaun kobot talen.

Lagale Lavavang At Ne Iesu Karisito Luk Ga Malagan i 19:13

Avot at lavatpas kaxat teren neni ga xup kaka lasangaun lavasaxaruki ren la ga raba nedi getgesara mi legetges uxuven minas, la ga lok tidi, ‘Mina gugu mi na lempilas, se nenia anabamlong.’