Metiu 22:16 - Madak

¹⁶ La diga riki luvuttadi loklok ka anasa atdi eburu mi limixin diga mumu asu ne Erodes uto saparap ne Iesu. Diga lok tin keretna, “Leeme loklox ase. Maklen i do nenu laradi ruturun la u anasa limixin mi leveloklok at ne Moroa la mo levelinga ram ik mokso. Uxo lok tooro legesa binam tadi xusuk mun mila uxo doxoma solo i do tara i ruuna laasen silok kopla kopmen.

Metiu 22:16 ပူးပေါင်းရင်းမြစ်များ

Sam 12:2

Nedi axap di vekarang taba; la di velok atdan ka la kerepmo dira xaxarang arup bok di.

Sam 5:9

Levempanga salai limixin munepen minia dina tong i, a noxo mu asu i; nedi mun limixin sepsep tadi. Levelinga atnedi ik sixit nunuan ketla ni levelinga loklok atdan mun la i umsu mi laxaxarang arup kusu dina sep amet limixin.

Sam 55:21

Levelinga ren ga nunuan aleng, ketla longlong angtungun ga umsu at lebelen, levelinga ren gang sengsen ngan lavarise sepsep.

Metiu 22:24

“Leeme loklox ase. Moses ga tong i rinama do taradi na met la kopmen tamdak teren, neton nom laradi naba epot at mo lanaa rixin, kusu duba visik tamdak ti ruuna ka lempanga ap mo laradi ga met.

Metiu 22:26

La lara sepsev agepura ga met bok la lara sepsev avantun bok ga met; la nedi loxoeton axap diga epot at nom latkin diga met.

Metiu 26:18

La ni ga vorang i ridi xeretna, “Mina vubeles at lemenemen silok la mina vosiga lara laradi; la mina lok tin keretna, ‘Leeme loklox ase atnama i tong i do laaleng meremet teren i auret la neni eburu mi luvuttadi loklok ka anasa ren diba lok katling Lovovolo Pe ro at loogu ram.”

Metiu 26:49

La soso mun ne Judas ga vas saparap ne Iesu la ga lok, “Laxanimin avukat, Rabai.” La ni ga nes i.

Lagale Lavavang At Ne Iesu Karisito Mak Ga Malagan I 10:17

La ne Iesu ga vas kaxat uto at lenep petpes la lara laradi ga sixit pot, la ga xis tiktikbu mi luvatgulom teren to melamgo at ne Iesu la ga lok tin keretna, “Leeme loklox ase avukat. Nenia ba lok lavanga sala, kusu anaba lok kaka lorooro avolo?”

Lagale Lavavang At Ne Iesu Karisito Mak Ga Malagan I 12:13

Melemu nedi lubung amgomgo diga riki lubung Parisi mi larapen tangas at ne Erodes kusu dina lok tong pen ne Iesu mi levelinga.

Lagale Lavavang At Ne Iesu Karisito Mak Ga Malagan I 12:14

La diga rupot la diga lok tin keretna, “Leeme loklox ase, maklen i do nenu laradi ruturun la u anasa limixin mi leveloklok at ne Moroa la mo levelinga ram ik mokso. Uxo lok tooro legesa binam tadi xusuk mun mila uxo doxoma solo do tara i ruuna laasen silok kopla kopmen. Una tong i rinama do ua lusumsuma ram. Kereva, ik mokso do mana xepe pilas ti ne Kaisar kopla kopmen?

Lagale Lavavang At Ne Iesu Karisito Mak Ga Malagan I 3:6

La lubung Parisi diga on basinge loogu singising la soso mun diga vot pasa luvuttadi diga etangas mi ne Erodes. La nedi diga puse ngas kusu dina sev amet ne Iesu.

Lagale Lavavang At Ne Iesu Karisito Mak Ga Malagan I 8:15

La ne Iesu ga lok tidi xeretna, “Mina lok tatao avukat nimi basinge laiis at lubung Parisi mi ne Erodes.”

Lagale Lavavang At Ne Iesu Karisito Luk Ga Malagan i 20:21

Nom larapentu sixim diga lok ti ne Iesu, “Leeme loklox ase, maklen i do levelinga axap taram ik mokso. Maklen i do uxo doxoma solo i do tara i ruuna laasen silok kopla xopmen, ketla u lox ase luruturun mumu lavavara at ne Moroa ri limixin.

Lagale Lavavang At Ne Iesu Karisito Luk Ga Malagan i 7:40

La ne Iesu ga lok tin keretna, “Simon, a ruuna lara lavanga kusu ana tong i ru.” Simon ga lok tin, “Laradi loklox ase, una tong i ria.”

Lagale Lavavang At Ne Iesu Karisito Jon Ga Malagan I 14:6

Iesu ga vorang i rin, “Nenia langas, luruturun mi lorooro. Kopmen teta naba vosiga ne Tamak at tangas petpes, ketla atarak kusuk mun.

Lagale Lavavang At Ne Iesu Karisito Jon Ga Malagan I 18:37

La ne Paelat ga sue, “Kereva, nenu loorong silok?” Iesu ga vorang i rin keretna, “I ruturun do nenia loorong silok. Lavasuun at lovotpot tarak ti na lavatbung menemen i lok keretna; ana tong asu luruturun. Do luruturun ik lok at tara, neni ing tonga ia.”

Lagale Lavavang At Ne Iesu Karisito Jon Ga Malagan I 7:18

Laradi do i paase aru xa i, neni i ngan do i lox asilok axa i. Do tara i vara i do na lox asilok mo lara ga riki i, neni i paase ruturun la kopmen taxaxarang na nemen teren.

2 Korin 2:17

Nema maxo lok ngan nedi mo buaang lentaba di tong asu levelinga at ne Moroa xusu dina lok kaka lempilas. Ketla ma paase asu levelinga at ne Moroa mi luruturun, ma gugu at lemeren ne Moroa ngan lavaanat saxaruki at ne Karisito.

2 Korin 4:2

La keneng at na lugugu ma lok kepe leventaangas kakapmek la leveloklok kaxarang. La maxo bala vukpuk bok limixin mi lakleklen atnama, la kopmen mana lox ekun levelinga at ne Moroa; ketla ma tong asu axasep aleng levelinga ruturun at ne Moroa la kerepmo ma lox aru nama ti limixin axap to at lemeren ne Moroa.

2 Korin 5:16

Kuren la i ru ka nga i mo, nema maxo doma mumu bok ba lodoxoma at na lavatbung menemen ti ila mumu loklok at limixin, ngan no nema maga ila mumu bok loklok at ne Karisito xerepmo, ketla mo nga maxo lok bok ba i xuren.

Galesia 1:10

Nenia xopmen ana vaase i na xusu do ti lok limixin diba lok momo minia, kopmen tinotno. Nenia a vaase i na xusu ti lox amomo ne Moroa. La nenia kopmen ana vaase i na xusu limixin dinaba emi asu minia. Kopmen. Do nenia gita lox i xuren, ixo epovo bok do nenia giba lok ngan lasaxaruki at ne Karisito.

Galesia 2:6

Tinedi no limixin di tong di do lubung amgomgo at lotu, nenia axo doma solo i do nedi di silok kopla xopmen; atla ne Moroa xopmen na viila mumu leveloklok at tara mi levereven teren. Nedi di goxo vaase bok ba tekolinga mavana at lavavang tarak.

1 Tesalonia 2:4

Ganoxa ne Moroa ga ven i do lorooro atnama ga lox avukat la ga raba nama mi Lagale Lavavang teren kusu mana tong asu i. Maga xopara na emi asu minama; ketla maga vavang kusu ne Moroa na lok momo minama, neni iklen lodoxoma atnama do i lox avukat kopla kopmen.

Jems 3:17

Ketla nedi limixin di ruuna lodoxoma at ne Moroa, di ruuna loklok keretna. Lara avot, luruptuvuk atdi i dadat, limila i nemen kantubu atdi, loklok mulus bok mo, la ding tonga res at lentaba vetpes; di umsu mi lebelemumu la dik lox amisik leveloklok nunuan. La di ke xepe loklok tik lox asi tara, la loklok kaxarang.

1 Jon 5:20

Nedik ta xasep bok pam keretna, ne Nitna ne Moroa ga rupot la ga raba vam dik mi laxasep, kusu nedik tabakleklen ne Moroa, neni laradi ruturun. Nedik dik lok at ne Moroa i ruturun la at ne Nitna, Iesu Karisito. La ne Moroa neni lavasuun at lorooro avolo.