Metiu 21:15 - Madak

¹⁵ Ket lavamaasa silok la luvuttadi loklox ase at Lenavolo diga ven mo lagale lempanga sangsangu ren, la diga ronga levelinga at laxamdak mi laxaalik kakalik digap kup keretna, “Ata emi asu mi livipisik li at ne Devit.” La nedi diga musak.

Metiu 21:15 ပူးပေါင်းရင်းမြစ်များ

Metiu 20:24

Se lasangaun luvuttadi loklok ka anasa diga ronga i na, diga edak du.

Metiu 21:23

Iesu ga vubeles uto at loogu laplavang, la neni ga anasa limixin, la lavamaasa silok mi loxongkulao silok at lubungmixin me Judaia diga vosiga i la diga lok, “Lololos salai nenu u ruuna i xusu ri lox i na lempanga? La nege ga raba u mi nom lololos?”

Metiu 21:9

La nedi buaang limixin digat pas to melamgo la nedi axap digat pas melemu digap kup keretna, “Ata emi asu mi livisik li at ne Devit. Luvukat ti na laradi it pas mi laasen at Leeme Silok. Ata emi asu aleng min.” Sam 118:26

Metiu 22:42

“Lanarong, neni lurubuno avolo atnege mo?” La diga vorang i xeretna, “Neni lurubuno avolo at ne Devit.”

Metiu 26:3

Ap mo mun laaleng lavamaasa silok, la loxongkulao silok at limixin me Israel diga vot eburu to at loogu silok at lamaasa gomgo, laasen teren ne Kaiapas.

Metiu 26:59

Nedi axap luvuttadi amgomgo eburu mi lavamaasa silok ap mo lixitkis buru diga puse ri tevelinga xaxarang kusu dina so raba ne Iesu min la diba epovo na sev amer i.

Metiu 27:1

Ga maxantamak suubu nedi axap lavamaasa silok eburu mi loxongkulao silok at lubungmixin me Judaia diga li levendoxoma atdi mumu ne Iesu do diba sev amer i.

Metiu 27:20

Ketla lavamaasa silok eburu mi loxongkulao silok diga vaase lolos ti limixin do dina lok katling ne Barabas la dina sev amet ne Iesu.

Metiu 9:27

La ne Iesu ga vas kaxat la at lavatpas teren, legepu radi levengkatli atdu ga main, duga mumu i la duga toro keretna, “Livisik li at ne Devit. Una balamu nama’.”

Lagale Lavavang At Ne Iesu Karisito Mak Ga Malagan I 11:18

La lavamaasa silok mi luvuttadi loklox ase at Lenavolo diga ronga nom levelinga ne Iesu ga tong i; kuren la diga puse ngas ti sev amer i. Diga marat teren mila limixin axap diga sangu at levenanasa ren.

Lagale Lavavang At Ne Iesu Karisito Luk Ga Malagan i 20:1

At lara laaleng ne Iesu ga nemen to xeneng at loogu laplavang, ga anasa limixin la ga vavang bok tidi mi Lagale Lavavang; la lavamaasa silok eburu mi luvuttadi loklox ase at Lenavolo, la loxongkulao silok diga vot posiga i,

Lagale Lavavang At Ne Iesu Karisito Luk Ga Malagan i 22:2

La lavamaasa silok eburu mi luvuttadi loklox ase at Lenavolo diga puse ngas xusu ri sev amet ne Iesu kusu limixin di noxoklen i, mila diga marat atdi.

Lagale Lavavang At Ne Iesu Karisito Luk Ga Malagan i 22:66

Laxangking ga losu, la loxongkulao silok at leme Judaia, la lavamaasa silok, la luvuttadi loklox ase at Lenavolo diga vot buru, la diga lok li ne Iesu uto melamgo atdi.

Lagale Lavavang At Ne Iesu Karisito Jon Ga Malagan I 11:57

Lubung Parisi mi lavamaasa silok diga raba linga vam di. Do tara na ven lenget ne Iesu go at toxot, neni naba tong i ridi xusu diba ranga alis i.

Lagale Lavavang At Ne Iesu Karisito Jon Ga Malagan I 12:19

Kuren la lubung Parisi diga lok tinedi getgesara, “Mina ven ba i. Ata noxo lox asoxos toxot at levendoxoma atdik. Limixin axap mo dia mumu asu nga ne Iesu.”

Lagale Lavavang At Ne Iesu Karisito Jon Ga Malagan I 4:1

Lubung Parisi diga ronga i do limixin solo diga mumu asu ne Iesu la ni ga sep susu di la kopmen bok ba timixin solo diga mumu asu ne Jon.

Lagale Lavavang At Ne Iesu Karisito Jon Ga Malagan I 7:42

Lovoang Kaala i tong i do Lanarong naba vot boro at libibinat at ne Devit, la diba visix i ro Betilem, lemenemen ne Devit gak lox e.”