Metiu 18:15 - Madak

¹⁵ La ne Iesu ga lok bok tidi, “Mo do netam i lok tavanga i lok kapmek tu, una vosiga i la una vaxase i mi mo losoogong teren, ketla mo lavanga nak lok kantubu xusuk mene atnumu. Mo do ni i ronga res at levelinga ram, ura lok kaka amlong pam i ri langas in manton.

Metiu 18:15 ပူးပေါင်းရင်းမြစ်များ

Sam 141:5

I lox avukat do laradi nunuan na vaase sox ia mumu laxakapmek kopla na sep aleeng ia, ketla a noxo siam kaka loklox asinorong at luvuttadi xapmek; a ngising amisik kusu Leeme Silok na lok kepe mo leveloklok kakapmek atnedi.

Metiu 18:14

La kuren mun ne Temen nimi no vana at laxalibet i xopara i do legesara atdi na laxamdak lixilik na soogong basinge i.”

Metiu 18:21

Melemu Pita ga vot posiga ne Iesu la ga sue i, “Leeme Silok. Nenia aba domampe xepe laxakapmek at netak i lox i ria naba vanisa? Ba vanuti?”

Metiu 18:35

La ne Iesu ga lok, “Ne Tamak no vana at laxalibet naba lok mun nimi xuren do nemi mi noxo domampe laxakapmek tara i lox i rinimi.”

Lovoang At Ne Pol Ti Limixin Nunu to Rom 12:21

Nemen gat miguta ke xepe laxapmek na sev asi nemi; ketla mina sev asi laxapmek mi loklox avukat.

1 Korin 8:12

La kerepmo nemi mira lok pam laxakapmek ti luvutneton nimi atla mira lok kapmek tinotno vam lodoxoma avukat atdi la ira ekakan; la kerepmo mira lok pam laxakapmek ti ne Karisito.

2 Korin 7:12

Kerepmo la mo lovoang nia aga malagan i rinimi, a goxo malagan i mumu mo laradi ga lok laxapmek, kopla mo lara ga suma mo laxapmek; ketla aga malagan i ri lox axasev i rinimi, at lemeren ne Moroa, do lodoxoma liplivi atnimi mumu nama i lolos aleng.

Galesia 6:1

Luvutnetak mi luvurinuk. Amo dola limixin nuunu dina long terek tara xantubu atdi do neni i lok tavanga i lok kapmek, nemi limixin tongtonga res at Loroonan Kaala, mina lox akmokso mo laradi; ketla mina lox i mi lumulus. La mina lok tatao avukat lorooro atnemi axa, kusu mo laxakapmek teren noxo lok tong pen nemi.

Kolosi 3:13

Mina mulus kaka nedi limixin di vamigis nimi la mina domampe laxakapmek atnedi di lok laxakapmek tinimi. Mina domampe laxakapmek atnedi kerekngan Leeme Silok i doxoma xepe laxakapmek atnimi.

1 Tesalonia 4:6

La kerepmo bok nemen mita lok kapmek lixitkis at luvutneton nimi di nuunu at ne Iesu. Maga tong axasep pam i do Leeme Silok ne Moroa naba lox asongot nedi di lok kapmek lixitkis epot.

2 Tesalonia 3:15

Nemen mita edax i, ketla mina paase aronga i ngan neton nimi.

Taitas 3:10

Una vaase sok nege taradi i lok leven ekarakat. Do neni move na lox axis epeseves limixin, una vaase sok box i. Dola neni noxo ronga res at levelinga ram, una ke xepe i.

1 Pita 3:1

At na mun langas bok la nemi lavakin minang tonga res at levendoxoma at lavatlok atnemi, kusu do tentaba atnedi do dixo nuunu at levelinga at ne Moroa, loklok mun atnemi naba lok nedi la dina nuunu. La ixo epovo bok do minaba vaase axa toxolinga ri lox amlong levendoxoma atnedi.