Metiu 17:22 - Madak

²² Gase ne Iesu eburu mi luvuttadi loklok ka anasa diga vot eburu ro Galili, Iesu ga lok tidi, “I auret kusu limixin diba ranga alis ia, Laradi Mevana la diba song araba ia ri limixin esep.

Metiu 17:22 ပူးပေါင်းရင်းမြစ်များ

Metiu 16:21

Ga se ap mo laaleng ne Iesu ga ru ka i xusu na tong i ri luvuttadi loklok ka anasa ren do neni na onon uto Jerusalem; la mo go loxongkulao silok, lavamaasa silok la luvuttadi loklox ase at Lenavolo diba lox asongot aleng i la diba sev amer i la at laaleng sepsev avantun neni naba roo xat amlong.

Metiu 16:28

La a tong tuturun i rinimi do lentaba atdi di tu de, di noxo met avot ti lovotpot tarak at laaleng nenia, Laradi Mevana, anaba vot ngan Loorong Silok.”

Metiu 17:12

Ketla a tong i rinimi do ne Elaisa ga vot pam la limixin di goxo ven kibis i, la diga lok lempanga xapmek tin kerekngan diga vara i. La kuren mun diba lox asongor ia, Laradi Mevana.”

Metiu 17:23

La diba sev amer ia; ketla melemu nenia anaba roo xat amlong bok at laaleng sepsev avantun.” La luvuttadi loklok ka anasa diga bulu aleng.

Metiu 17:9

Diga si at lakaana la ne Iesu ga tong lolos i ridi do, “Nemen mita tong i na ri teta, se nenia, Laradi Mevana, anaba roo xat amlong basinge lanmet.”

Metiu 24:10

Ap mo laaleng buaang limixin diba ke xepe lunuunu atdi la di noxo ebalamu ela la diba song araba di ri limixin kapmek;

Metiu 26:16

Ga ru ka i ap mo laaleng ne Judas ga reven ti taaleng kusu na song araba ne Iesu ridi.

Metiu 26:46

Mina xatu. Ata vas tangarang na laradi boro it pas kusu nam taba minia ri limixin kapmek.”

Lagale Lavavang At Ne Iesu Karisito Mak Ga Malagan I 8:31

Melemu ne Iesu ga ru xaka levelinga ren keretna, “Nenia, Laradi Mevana, anaba xip levesongsongot silok. La loxongkulao silok at limixin me Judaia, lavamaasa silok, luvuttadi loklox ase at Lenavolo diba sok tixirixes kepe ia la diba sep amer ia la melemu at lavantun aleng nenia ba roo xat amlong.”

Lagale Lavavang At Ne Iesu Karisito Luk Ga Malagan i 24:26

Kereva, muxoklen i do Lanarong naba xip losongsongot at na lempanga la na beles at lixitkis orong teren?”

Lagale Lavavang At Ne Iesu Karisito Luk Ga Malagan i 24:46

La ni ga lok tidi, “Diga malagan i at Lovoang Kaala xeretna; Lanarong naba xip losongsongot la at laaleng sepsev avantun neni naba roo xat amlong.

Lagale Lavavang At Ne Iesu Karisito Luk Ga Malagan i 9:22

La ne Iesu ga lok, “Nenia Laradi Mevana, anaba xip losongsongot solo, la loxongkulao silok at limixin me Judaia, la lavamaasa silok la luvuttadi loklox ase at Lenavolo diba sok tixirixes kepe ia. Diba sev amer ia, la nenia anaba roo xat amlong at laaleng sepsev avantun.”

Lagale Lavavang At Ne Iesu Karisito Luk Ga Malagan i 9:43

Nom axap limixin diga sangu aleng at nom lololos silok at ne Moroa. Limixin move diga paase mumu lempanga axap ne Iesu gak lox i, la neni ga lok ti luvuttadi loklok ka anasa ren,

Leven Gugu 7:52

Lavalabat atnimi diga lox asongot lavaeme vapaase alii axap. Digap sev amet luvuttadi at ne Moroa, no gano migomgo diga paase asu lovotpot at laradi mokmokso la lasaxaruki ren. Ketla nanga nemi miga song araba i ri limixin esep la miga sev amer i.

1 Korin 11:23

Na levenanasa Leeme Silok ga raba ia min, nia aga raba avolo vam nimi min. Ap mo laxanimin diga ranga alis kaka Leeme Silok ne Iesu ren, neni ga lok ka loxongkide.