Metiu 10:28 - Madak

²⁸ Nemen mita marat atnedi dip sev amet labantuxu, ketla kopmen dina epovo ri sev amet loroonan; kusuk mun minak marat at ne Moroa, neni i ruuna lolos kusu ri sev amet labantuxu la na riki loroonan at laradi uto at lemenemen songsongot.

Metiu 10:28 ပူးပေါင်းရင်းမြစ်များ

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Jems 4:12

Moroa xusuk mun ik lok li levelinga ngan Lenavolo kusu limixin dina mumu asu i la ni xusuk mun i viila mumu loklok atdik. Ni xusuk mun i epovo ri lox arooro laradi kopla na riki i uto at lemenemen songsongot. Ketla kopmen nak mokso do mina viila mumu loklok at limixin di nemen saparap nimi.

1 Pita 3:14

Ketla do mina lok kaka loklox asongot mumu loklok avukat mi lox i, minaba ruuna xaka bok leveloklox anarong. Kuren la nemen gat miguta marat at teta, kopla mina bulu.

Sam 119:120

Nenia a dede aleng atla a marat taram, la a lingun aleng mumu leventaangas taram.

Metiu 25:46

La ne Iesu ga lok bok, “Na limixin Moroa ba riki aonon di ri losongsongot i nemen amisik, ketla limixin mokmokso dinaba lok ka lorooro avolo.”

Ibru 10:31

Naba lok kapmek aleng do tara na ekip tangarang mi lebelemamao at ne Moroa, mo i rooro.

Metiu 10:26

La ne Iesu ga lok bok keretna, “Nemen gat mita marat at limixin di munepen minimi; mila levenai mo nga di se bopbop li i, naba men at lasaxaven, la lempanga sai mo dik lox alipe, naba ravasu at lasaxaven la limixin axap dibaklen i at laaleng ete.

Ibru 11:35

Leventaba lavakin diga ruuna lunuunu kuren la leventaba atnedi digara met pam, ketla ne Moroa ga lox aroo amlong bok di. Leventaba atnedi luvuttadi nuunu, diga lok ka losongsongot kapmek tinotno, lavamolon diga lok mo leveloklok ti lok kepe lunuunu atdi, ketla diga tu lolos la diga siam ka mo laxanmumuat, mila diga nuunu do melemu diba lok ka lorooro avolo.

Leven Gugu 21:13

Ketla ni ga lok, “Lai nom nemi mik lox i, ming teng keretnom la mirak lox abulu lorooro rak? Nia a gagas pam kusu dinaba xoxo ia. La nia a gagas bok kusu ri met mo go Jerusalem kusu ri xip aurut laasen at Leeme Silok ne Iesu.”

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Lagale Lavavang At Ne Iesu Karisito Jon Ga Malagan I 5:29

la diba ru suu boro at lara maaut atdi; la nedi, diga lok loklok nunuan, diba xatu la dina rooro, la nedi digak lok laxakapmek, diba xatu la dinat pas uto at lemenemen songsongot.