La ne Iesu ga lok bok tidi, “Nemen mita sok tixirixes kepe tara at na laxamdak kakalik mila lubung angelo atdi dit pot pasa amisik ne Tamak to vana at laxalibet. Nia a tong tuturun i.
Nenia Laradi Mevana la loklok tarak ik lok bok kuren. Nia xopmen a goxo vot kusu limixin dina ba lok ngan lavasaxaruki rak. Ketla nia aga vot kusu ana lok ngan lasaxaruki ridi, la kusu ana raba lorooro rak ngan laxaavuk tidi buaang limixin.”
Ketla mo nga ana tong i rinimi do; nemen mita vorang amlong laxakapmek at tara do i lox i ru. Mo do tara na vasa lavapaales tino ram, una ke box i na vasa lavapaales piang taram.
La ne Iesu ga lok, “Tamak, una doxoma xepe na laxakapmek atdi. Dixoklen lavanga salai mo di lox i.” La diga epes levempanga singsiga ren kantubu atdi, diga lu buru mi lengkonuat, kusu ri lok kisip ka nege ba lok kaka i.
Laradi xipkip pilo ik beles mene rip kip pilo, tip sep amet, la rik lok kapmek laxasipsip. Nenia agara vot pam kusu ti raba lorooro ri limixin, la mo lorooro rak naba umsu atdi.
Do tara na ronga levelinga rak la kopmen na ronga res teren, nenia noxo lok li i at lavapaase, mila aga vot ti lox arooro limixin, la kopmen do ti lok li di at lavapaase.
Moroa ga riki ne Nitna ude at na lavatbung menemen kopmen do neni na lok li loxokoxo ri limixin. Ketla Moroa ga riki ne Nitna xusu neni Laradi Loklox Arooro ridi.
Anai levelinga ruturun tidik, ata siam ka i la ata nuunu bok teren. Iesu Karisito ga si ude xopok at na lavatbung menemen kusu ri lox arooro limixin kapmek. Loklok kakapmek tarak i silok aleng ti loklok kakapmek atnedi.