Lagale Lavavang At Ne Iesu Karisito Luk Ga Malagan i 8:21 - Madak

²¹ Ketla ne Iesu ga lok tidi axap keretna, “Nedi mun ding tonga levelinga at ne Moroa la di mumu asu i, nedi mun luvutnaga mi luvutnetak.”

Lagale Lavavang At Ne Iesu Karisito Luk Ga Malagan i 8:21 ပူးပေါင်းရင်းမြစ်များ

Metiu 17:5

Pita move ga paase la lusugao gamgames ga ravasi la ga vaa di; la diga ronga laxaka at lara boro at lusugao ga lok, “Ana ne Nuruk, mo a balamu i la a lok momo aleng min. Mina mumu asu levelinga ren.”

Metiu 25:40

La nenia, Loorong Silok, anaba vorang i ridi xeretna, ‘A tong tuturun i rinimi. Do miga lox i na ri tara atdi limixin banbalo rak, i lok ngan mun miga lox i ria!’

Metiu 25:45

La nenia anaba vorang i ridi xeretna, ‘A tong tuturun i rinimi. Do mi goxo lox i na ri tara atdi limixin banbalo, mi goxo lox i ria.”

Metiu 28:10

La ne Iesu ga lok tidu xeretna, “Nemen gat muta marat. Munat pas la muna tong i ri luvuttadi loklok ka anasa rak dola dinat pas uto Galili la dinaba ven ia ve.”

Lagale Lavavang At Ne Iesu Karisito Luk Ga Malagan i 8:15

Ti levenit no ga subu ro at loxongkangka avukat, i ru katling nedi di ronga levelinga la di lok li avukar i xeneng at lebelen di la i lox avukat, la ia nemen lolos se di visik levempeven avukat.”

Lagale Lavavang At Ne Iesu Karisito Luk Ga Malagan i 8:20

Lara laradi ga lok ti ne Iesu, “Nenam eburu mi luvutnetam no di tu kamang la di vara i do dina epaase eburu minu.”

Lagale Lavavang At Ne Iesu Karisito Jon Ga Malagan I 13:17

Do mina xasep at na levelinga, la mina lox epovo i, Moroa naba lox anarong nimi.”

Lagale Lavavang At Ne Iesu Karisito Jon Ga Malagan I 20:17

Iesu ga lok tin, “Nemen uta ranga tu rak, mila a xovisi ana onon uto vana at ne Tamak. Ketla una vosiga luvutnetak la una tong i ridi do anamlong be uto at ne Tamak, neni ne Temen nimi bok, Moroa rak, neni ne Moroa box atnimi.”

2 Korin 5:16

Kuren la i ru ka nga i mo, nema maxo doma mumu bok ba lodoxoma at na lavatbung menemen ti ila mumu loklok at limixin, ngan no nema maga ila mumu bok loklok at ne Karisito xerepmo, ketla mo nga maxo lok bok ba i xuren.

2 Korin 6:18

La nia aba ngan ne Temen nimi, la nemi miba lok ngan luvutnuruk; nenia Leeme Silok ne Moroa a lolos aleng la a tong na levelinga.”

Jems 1:22

Nemen mita lok ngan luvuttadi rongtonga xape mun di ronga levelinga at ne Moroa, la kopmen dina mumu asu i.

1 Jon 2:29

Nemi mi xasep do ne Iesu neni Leeme Mokmokso, la kerepmo nemi mi xasep bok do laradi ik lok leveloklok nunuan, i lox asuusu i do neni i ruuna ka vam livipisik amaxat.

3 Jon 1:11

Lentangas tinotno rak. Nemen gat uguta mu asu loklok at luvuttadi xapmek; ketla una mu asu leveloklox avukat. Do nege i lok leveloklox avukat, neni at ne Moroa; la do nege i lok laxakapmek, neni kovisi na ven kibis ne Moroa.