Lagale Lavavang At Ne Iesu Karisito Luk Ga Malagan i 7:47 - Madak

⁴⁷ Kuren la monga a tong i ru, do langsangan labalamu ren mo ira lox asuusu vam i do a doxoma xepe buaang leveloklok kakapmek teren. Mo do nege, i ruuna lamanbalamu lixilik mun i tong asu i do laxakapmek lixilik mun, ara doxoma xepe vam i.”

Lagale Lavavang At Ne Iesu Karisito Luk Ga Malagan i 7:47 ပူးပေါင်းရင်းမြစ်များ

1 Jon 4:19

Nedik ta umsu mi labalamu atla ne Moroa ga balamu avot dik.

1 Jon 3:18

Luvutnuruk orong. Labalamu atnedik kopmen noxo lok ngan levelinga la lempapaase gamasa mene nga, ketla ata ruuna ka labalamu ruturun, kusu leveloklok atdik ba lox asuusu i do labalamu ruturun mo ik lok keneng atdik.

Galesia 5:6

Do nema mak lox eburu mi ne Iesu Karisito, mo leveloklok ti rivit kepe lengkontuxu kopmen lavanga silok; ixo lok petpes tinotno xantubu at taradi diga vit kepe toxontuxu ren la tara di goxo vit kepe toxontuxu ren. Ketla legesa vanga mene nga i silok aleng, neni lunuunu la labalamu i ravasu ren.

Lovoang At Ne Pol Ti Limixin Nunu to Rom 5:20

Lenavolo ga ravasu kusu limixin dina ven kisiv i do loklok kakapmek atdi i lok kapmek aleng, ketla at lengkot ua laxapmek ga ravasu solo ren, letaba nabalamu bok at ne Moroa ga ravasu silok tinotno.

Epesas 6:24

la letaba nabalamu naba nemen eburu minedi axap di balamu Leeme Silok atnedik, ne Iesu Karisito la mo labalamu noxo xap. I ruturun.

1 Jon 5:3

Do nedik ta ronga res at levelinga ren, i lox asuusu i do dik ta balamu ne Moroa. La noxo lolos tinedik kusu tana mumu asu levelinga ren.

1 Timoti 1:14

La Leeme Silok atdik ga sobang asi mo letaba nabalamu ren mavana rak la ga raba box ia mi lunuunu la labalamu, no i ravasu at ne Iesu Karisito.

Pilipai 1:9

Lisingising tarak saparap ne Moroa i lok keretna. Nenia a ngising do labalamu atnimi na sisilok, eburu mi lakleklen tuturun, la lodoxoma nunuan,

Leven Gugu 5:31

Moroa ga xiv aurur i upana la ga vaxaxis i ro at lekngen tino mila neni lamgomgo la Laradi Loklox Arooro xusu na raba limixin me Israel mi langas ti leeng basinge laxakapmek atdi la ne Moroa naba doxoma xepe i.

1 Jon 1:7

Ketla mo do nedik ta nemen at laxasep, kerekngan ne Moroa i nemen at laxasep, nedik atat kis esogo eburu; la lada at ne Iesu, nitna ne Moroa i lox adadat nedik basinge levengkakapmek axap.

Lagale Lavavang At Ne Iesu Karisito Luk Ga Malagan i 7:39

Nom laradi no ga sat kaka ne Iesu ga ven i na, la neni ga doma i xeretna, “Mo do na laradi neni leeme vapaase alii ruturun, neni gi baklen i do latkin salai mo i long tu ren la lorooro bilinga mo i nemen teren!”

Metiu 10:37

Do nege i balamu aleng ne temen kopla nenen la ixo balamu aleng ia, neni xopmen na epovo do na ravasu ngan laradi rak. Do nege i balamu aleng ne nitna xopla ne nitnono, la ixo balamu aleng ia, neni xopmen na epovo do na lok ngan laradi rak.

2 Korin 5:14

Labalamu at ne Karisito i sasat dik, la atakleklen tuturun i do legesara mun ga uu nop loklok at limixin axap, i lok ngan ta do limixin axap diga met.

Lagale Lavavang At Ne Iesu Karisito Luk Ga Malagan i 7:46

Uxo lok li laxadan mavak at lavatlak tarak, ketla neni i soli laxadan mavak at luxangkedek tarak.

Lagale Lavavang At Ne Iesu Karisito Luk Ga Malagan i 7:48

La ne Iesu ga lok ti mo latkin, “Leveloklok kakapmek taram, a doxoma xepe i.”