Lagale Lavavang At Ne Iesu Karisito Luk Ga Malagan i 6:17 - Madak

¹⁷ La ne Iesu eburu mi luvuttadi loklok ka anasa ren diga si boro vana at lakaana, la ne Iesu ga ru ro at loxot mamana eburu minedi buaang limixin loklox ase. Buaang nedi limixin mo digak lok go, boro at lengkot axap Judaia, la boro bok Jerusalem, la boro loxon bok saparap lumenemen Taia la Sidon.

Lagale Lavavang At Ne Iesu Karisito Luk Ga Malagan i 6:17 ပူးပေါင်းရင်းမြစ်များ

Sam 103:3

Neni ga doxoma xepe lengkakapmek tarak la ni ga lok kepe levenanmeres axap tarak.

Metiu 11:21

Iesu ga lok keretna, “Naba lok kapmek aleng tinemi limixin me Korasin. La naba lok kapmek aleng bok tinemi limixin me Betsaida. Mo levempanga sangsangu nia aga lox i ro xantubu atnimi, mo do nia gita lox i ro Taia la Sidon, soso mun limixin me go, nedi gita leeng pam la gita etara mun lengkontamon kapmek, la gita reeve vam laxakup at lengkot atdi.

Metiu 12:15

Iesu gaklen mo levendoxoma atdi la ga vas kaxat basinge mo lemenemen. Buaang limixin diga mumu asu i la neni ga lox aroo nedi diga meres.

Metiu 14:14

Se ne Iesu ga oso la ga ven nedi buaang limixin, ni ga balamu aleng di la ga lox aroo nedi, diga meres.

Metiu 15:21

Iesu ga on basinge mo lemenemen la gat pas uto at lengkot saparap Taia la Sidon.

Metiu 5:1

Iesu ga ven nedi buaang limixin la ni ga urut upana at lakaana, ni ga xis kopok, la diga xis to melamgo ren,

Lagale Lavavang At Ne Iesu Karisito Luk Ga Malagan i 5:15

Ketla levelinga mumu ne Iesu ga rem teles ampana uto at lengkot axap, la buaang limixin diga vot kusu dina ronga i la kusu neni na lox aroo nedi basinge levenanmeres atdi.

Lagale Lavavang At Ne Iesu Karisito Luk Ga Malagan i 6:12

At lara laaleng Iesu gat pas uto vana at lakaana kusu na lok lising, la ap mo laxanimin axap, neni gak lok lising teren ti ne Moroa go.

Lagale Lavavang At Ne Iesu Karisito Luk Ga Malagan i 6:16

Judas, nitna ne Jems mi ne piken ne Judas Iskariot. Neni mo laradi ga song araba ne Iesu ri limixin esep kusu dina sev amer i.

Lagale Lavavang At Ne Iesu Karisito Luk Ga Malagan i 6:18

Diga vot kusu dina ronga i la ni na lox aroo nedi basinge levenanmeres atdi. Nedi bok limixin, lubunggas ga lox asongot nedi, diga vot la ni ga riki asu lubunggas basinge di.