Lagale Lavavang At Ne Iesu Karisito Luk Ga Malagan i 24:27 - Madak

²⁷ La ne Iesu ga soxomus levelinga at Lovoang Kaala ridu mumu i; ga ru ka i at levenbuk at ne Moses la levenmamalagan at lavaeme vapaase alii.

Lagale Lavavang At Ne Iesu Karisito Luk Ga Malagan i 24:27 ပူးပေါင်းရင်းမြစ်များ

Sam 132:11

Uga lok laxakaape lolos ti ne Devit la ni laxakaape ua u noxo lok ka amlong i, la i lok keretna, “Nenia anaba soxolik tara tamdak taram kusu naba ravasu ngan loorong, la naba rukun u rim gomgonga limixin.

Lagale Lavavang At Ne Iesu Karisito Mak Ga Malagan I 4:34

Neni ga vavang mi lempapaase poovo xusuk la ni ga tong asu lavasuun at nai ri luvuttadi loklok ka anasa xusuk mene ren.

Lagale Lavavang At Ne Iesu Karisito Luk Ga Malagan i 24:25

La ne Iesu ga lok tidu, “Nemu luradi rangtangku. Kereva, lodoxoma atnumu i repe vam la mu domampe levelinga at lavaeme vapaase alii?

Lagale Lavavang At Ne Iesu Karisito Luk Ga Malagan i 24:44

La neni ga lok tidi, “Anai lempanga nia aga tong i rinimi ap mo levenaleng nenia aga nemen eburu minimi; lempanga axap diga malagan i mumu ia keneng at Lenavolo at ne Moses, la levenmamalagan at lavaeme vapaase alii, la levempikpixan mo ira sorun.”

Lagale Lavavang At Ne Iesu Karisito Jon Ga Malagan I 1:45

Pilip ga vot pasa ne Natanael la ga lok tin, “Mara long lenget ka vam laradi ne Moses ga malagan axasep mumu i ro xeneng at levenbuk at Lenavolo; la lavaeme vapaase alii bok diga malagan mumu i. Neni ne Iesu, lamdak at ne Josep, boro Nasaret.”

Lagale Lavavang At Ne Iesu Karisito Jon Ga Malagan I 12:41

Aisaia ga tong i na mila neni ga ven lisisixam silok at ne Iesu la ni ga paase alii min.

Lagale Lavavang At Ne Iesu Karisito Jon Ga Malagan I 5:37

La ne Tamak, mo ga riki ia, neni bok i paase aru ia. Nemi mi goxo ronga xibis tinotno laxaka ren, kopla mi gita ven labantuxu ren.

Lagale Lavavang At Ne Iesu Karisito Jon Ga Malagan I 5:39

Mi reven mumu amisik Lovoang Kaala mila mi doxoma i do keneng teren miba vuse ka lorooro avolo. La mo levelinga i paase mumu ia.

Leven Gugu 10:43

Nedi axap, lavaeme vapaase alii diga paase mumu vam i, diga tong alii i do tara i nuunu ren, nom laxakapmek teren, ne Moroa naba doxoma xepe i xeneng at laasen teren.”

Leven Gugu 3:18

Gano migomgo ne Moroa ga vaase asu levelinga at lavaeme vapaase alii ren do Lanarong teren naba xip losongsongot silok; la ne Iesu ga lox asorun mo levelinga.

Leven Gugu 3:22

Kerepmo ne Moses ga lok, ‘Moroa, neni Leeme Silok atnimi naba sak tiki leeme vapaase alii naba vot kantubu atnimi lubungmixin me Judaia, i ngan ni ga sak tiki ia. Mina ronga levelinga axap neni naba tong i rinimi.

Leven Gugu 3:24

La ne Pita ga lok bok, “Lavaeme vapaase alii ga vaxaru ka i at ne Samuel la nedi bok lentaba diga rupot melemu ren, nedi axap diga paase alii mumu lorooro at Leeme Silok.

Leven Gugu 7:37

Moses neni laradi ga paase ri limixin me Israel do ‘Moroa naba riki taradi vapaase alii xerekngan neni ga riki ia; la neni at tara xa atnimi.’

Leven Gugu 8:35

Pilip ga vaase rin, ga vaxaru ka i ap mo loxot, neni ga utus i, neni ga tong Lagale Lavavang at ne Iesu rin.

Lisilimet 19:10

Nia aga ronga i na la aga xis tiktikbu mi luvatgulom tarak to saparap luxangkedek teren kusu ana lotu parav i, ketla ni ga lok tia, “Nemen gat uta lotu parav ia. Nenia lasaxaruki mun at ne Moroa kerekngan nenu eburu mi luvutnetam, mo mim tebeng levelinga ruturun at ne Iesu. Una lotu parap ne Moroa. Mo levelinga ruturun ne Iesu ga tong asu i, ni lavasuun at levempavang at luvuttadi vapaase asu levelinga.”