Lagale Lavavang At Ne Iesu Karisito Luk Ga Malagan i 23:9 - Madak

⁹ Kuren la ne Erodes ga sue ne Iesu mi laxasusue solo, ketla ne Iesu goxo vorang i mi tekolinga.

Lagale Lavavang At Ne Iesu Karisito Luk Ga Malagan i 23:9 ပူးပေါင်းရင်းမြစ်များ

Metiu 27:14

Ketla ne Iesu xopmen goxo vorang mo levelinga, ni goxo vaase asu tekolinga kusu ri vorang mo levelinga atdi; laradi gomgo ga sangu aleng.

1 Pita 2:23

At loxonaleng diga paase aksaksa rin, neni goxo vorang di mi teloklok bok kuren; la at laaleng neni ga lok kaka loklox asongot, neni goxo lok tepanga, ketla neni ga lok li levendoxoma axap teren at ne Moroa neni laradi rongtonga linga la na lugugu ren ik mokso rinotno.

Leven Gugu 8:32

Mo levelinga at ne Moroa xeneng ap mo lubuk ni ga utus i, ga lok keretna, ‘Neni ga lok ngan ta lisipsip no diga lok ka i xusu dina sev i; neni ga lok ngan lisipsip maxat no xopmen nak lok gusugus do di sep korop levengkabinim teren, ni goxo tong tekolinga.

Lagale Lavavang At Ne Iesu Karisito Luk Ga Malagan i 13:32

Iesu ga vorang i ridi xeretna, “Mina vot pasa nom lavatman atat la mina tong asu levelinga rak tin do, ‘Nenia anak tiki asu lubunggas basinge limixin la anak lox avukat limixin lingina la kantamak bok, la at laaleng sepsev avantun aba lox axap lugugu rak.

Metiu 7:6

Nemen gat mita raba lubungman mi lempanga i xaala. Mo do mina lox i xuren, dinaba rem gili mu nimi la diba at koxorop nimi. La nemen mita lu raba lababo mi leven peal atnimi; mo do mina lox i xuren, diba but axangka i mi lengkangkedek atdi.”

Sam 39:9

Nia anaba lok pilo la a noxo tong toxolinga, atla nenu mun uga raba ia mi na levesongsongot.

Metiu 27:12

Lavamaasa silok eburu mi loxongkulao silok diga sok taba i mi levelinga, ketla neni xopmen goxo vaase porang di.

Lagale Lavavang At Ne Iesu Karisito Mak Ga Malagan I 15:5

Ketla ne Iesu xopmen goxo vorang levelinga atdi la ne Paelat ga sangu aleng.

Lagale Lavavang At Ne Iesu Karisito Luk Ga Malagan i 23:10

Lavamaasa silok mi luvuttadi loklox ase at Lenavolo digak lok bok go, la diga vaase babala raba aleng ne Iesu.

Lagale Lavavang At Ne Iesu Karisito Jon Ga Malagan I 19:9

Neni gamlong uto xeneng at loogu silok la ga sue ne Iesu xeretna, “Nenu uga laa meva?” Ketla ne Iesu goxo vorang lususue ren.