Lagale Lavavang At Ne Iesu Karisito Luk Ga Malagan i 20:47 - Madak

⁴⁷ la di lok kaka gamasa lempanga at lubungnaa rixin, la di ngising babaalom kusu limixin diba lok ngangao atdi. Losongsongot tidi naba lok kapmek aleng tinotno!”

Lagale Lavavang At Ne Iesu Karisito Luk Ga Malagan i 20:47 ပူးပေါင်းရင်းမြစ်များ

Metiu 23:13

Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mik soxoba pe lumusaragu ri Linintoo no vana at laxalibet kusu limixin kopmen dina epovo dina beles teren. Ketla nemi xa xopmen minoxo beles teren la mi tu pe mo lumusaragu ri limixin dik lok tong i xusu dina beles.

Metiu 23:14

[Naba lok kapmek aleng tinimi, luvuttadi loklox ase at Lenavolo eburu minemi lubung Parisi. Nemi lavapen aala. Mip kip pilo lempanga at lempatnaa sioxo rixin, la melemu at na mik lok levesingising to melamgo at limixin kusu rik lox ase di do loklok atnimi i nunuan axap. Kuren la ne Moroa naba lok li lumumuat silok atnimi.]

Lagale Lavavang At Ne Iesu Karisito Mak Ga Malagan I 12:40

La dik lok kaka gamasa lempanga at lubungnaa rixin, la di ngising babaalom kusu limixin dibak lok ngangao atdi. Losongsongot tidi naba lok kapmek aleng tinotno!”

Lagale Lavavang At Ne Iesu Karisito Luk Ga Malagan i 12:1

Ap mo laaleng buaang nedi limixin diga vot buru, la diga umsu aleng; kuren la diga epas gat; la ne Iesu ga vaase avot ti luvuttadi loklok ka anasa ren keretna, “Mina lok tatao avukat nimi basinge laiis at lubung Parisi. Di xarang nedi xa.

Lagale Lavavang At Ne Iesu Karisito Luk Ga Malagan i 20:46

“Minak lok tatao avukat nimi basinge loklok at luvuttadi loklox ase at Lenavolo, mo di vavara i xusu dinat pas tangtagap mi laxasingsigaara babaalom atdi la di vavara i xusu limixin diba seega rangarang di mi loklok ngangao ro at loxot etang; la di vavara aleng i do dinat kis at lengkot kitkis avukat to at laraugu singising la lengkot avukat to at lara peluxa;

Lagale Lavavang At Ne Iesu Karisito Luk Ga Malagan i 21:1

La ne Iesu gat kis to xeneng at loogu laplavang la ga reven luvuttadi nopnovos diga kepe lempilas atdi ro at loxot lili pilas,

1 Tesalonia 2:5

Ap mo laaleng maga vavang tinimi, ma goxo lox atdan kaka tevempanga atnimi la ma goxo ruuna loklok belegaao. Nemi miklen i na la ne Moroa bok iklen i do loklok atnama ga lox avukat mun.

Taitas 1:16

Di tong i do di nuunu at ne Moroa, ketla kopmen na ruturun; mila levempanga nunuan kopmen na ravasu at lorooro atdi. Loklok atdi i lok kapmek at lemeren ne Moroa la at lemeren limixin. Nedi limixin tongtonga xepe mun, la dixo epovo na lok tevempanga i nunuan.

Jems 3:1

Luvutnetak mi luvurinuk. Kopmen na lox avukat do buaang atnimi na lok ka lugugu ngan luvuttadi loklox ase at levelinga at ne Moroa, mila ne Moroa naba ila mumu aleng lugugu at luvuttadi loklox ase. Mira xasep pam at na.