Lagale Lavavang At Ne Iesu Karisito Luk Ga Malagan i 18:30 - Madak

³⁰ neni naba ruuna aleng laxampanga solo at na lorooro kopok, la at lorooro melemu ni naba rooro amisik.”

Lagale Lavavang At Ne Iesu Karisito Luk Ga Malagan i 18:30 ပူးပေါင်းရင်းမြစ်များ

Sam 119:103

Levelinga ram i so misigisigis aleng, la i volo loso at ladan misiu.

Sam 119:111

Lempapaase matmatkun taram i lok ngan loxom pulus nunuan naba nemen amisik eburu minia, la i lox aumsu labalak mi lomomo.

Sam 119:127

Labalak i tu aleng levempapaase ali ram i volo lavavara ri leven gol, la mo leven gol i nunuan aleng.

Sam 119:162

Levengkakaape ram ik lox amomo ia, kerekngan laradi i ruuna laplus i silok aleng.

Sam 119:72

Mo levelinga nenu uga raba ia min, ni i lok nunuan aleng ti lempilas axap at na lavatbung menemen.

Sam 37:16

I lox avukat do laradi nunuan i ruuna lempanga xakalik mene, ketla i lok kapmek do laradi i ruuna lapnovos silok la ik lok keneng at laxakapmek;

Metiu 12:32

La ne Moroa naba doxoma xepe tara i paase kapmek mumu ia, Laradi Mevana, ketla neni noxo doxoma xepe tara i paase kapmek mumu Loroonan Kaala, at na levenaleng la at lorooro melemu bok.

Metiu 4:24

Levelinga mumu ne Iesu ga epeseves keneng at lenep silok axap Siria. Kuren la limixin diga lok kaka nedi luvuttadi digak meres mi levenasen anmeres axap, la nedi bok diga suma levesongsongot silok, la nedi luvuttadi mi lubunggas ga suxuna di, la nedi diga ruuna lanmeres diga so asen i do lobomet, la nedi labantuxu atdi ga molo axap. La ne Iesu ga lox aroo nedi axap.

1 Timoti 4:8

Lugugu at labantuxu i lox asuusu loklok tooro ri labantuxu; ketla leveloklok at Loroonan at ne Moroa, naba lox asuusu leventaangas axap i nunuan, la uba ruuna ka lorooro avukat at na lorooro xopok la at lorooro melemu bok.

1 Timoti 6:6

Ketla do laradi i ruuna xobot ka vam leveloklok i nunuan la i lok momo mun mi mo lempanga i ruuna i, i lok ngan ta do neni ip novos aleng.

Lisilimet 2:10

Nemen mita marat ap mo levenmumuat minabap kiv i. Mina ronga i na, Satan naba lok li teventaba atnemi ri loklok tong, la ba lok li teventaba atnimi at loxokoxo; la mibap kip mo levesongsongot at lasangaun aleng mun. Mina tu lolos mi lunuunu atnimi saparav ia, keke i do miba met mumu i, la aba raba nemi mi lorooro avolo ngan lavatbungorong tinimi.

Lisilimet 2:17

Do tara i ruuna lubaalung, i lox avukat kusu neni na ronga na levelinga Loroonan at ne Moroa i tong asu i ri limixin lotu. Ti mo lara do i tu lolos la it pas asi amisik laxapmek, aba raba i mi leveluxa boro vana at laxalibet, laasen teren lamaana, no i nemen alipe. La aba raba box i mi luat bunbun, eburu mi laasen maxat, mo bak lok at luat bunbun. Kopmen teta naklen mo laasen, ketla mo laradi xusuk mun naba ruuna ka mo luat nabaklen i.”

Lisilimet 3:21

Do tara na tu lolos at lunuunu ren la it pas asi lololos laxapmek, aba mulus ka i xusu ni nabat kis eburu minia ro at lixitkis orong tarak, kerekngan ia aga sak tup mi lavamunepen tarak la na nga nia at kis eburu mi ne Tamak to at loxonin orong teren.