Lagale Lavavang At Ne Iesu Karisito Luk Ga Malagan i 17:30 - Madak

³⁰ Naba lok mun kuren at nom laaleng, nenia, Laradi Mevana, ana ru asuvos.

Lagale Lavavang At Ne Iesu Karisito Luk Ga Malagan i 17:30 ပူးပေါင်းရင်းမြစ်များ

Lisilimet 1:7

Mina ven avukat tin. Neni mo naba vot eburu mi loxontakabu, la larabung mixin axap eburu minedi diga vaxarem i at laxaba, dinaba ven i. La limixin axap at na lavatbung menemen dinaba saxaanu mu bok ba i. La nai naba ravasu ruturun kuren. I ruturun.

2 Tesalonia 1:7

La neni naba lok kepe levesongsongot basinge nimi la atnema bok ap mo laaleng Leeme Silok, ne Iesu naba si ukopok boro vana at laxalibet. Neni ba vot eburu mi lubungangelo lolos teren la lisisixam silok, naba soosoo ngan laxao bokbolot.

1 Korin 1:7

La livipisik teren keretna, ne Moroa ira raba vam nimi mi leveloklox anarong axap la mi noxotkis pakpakes bok ba se at nom laaleng Leeme Silok atdik ne Iesu Karisito naba vor asaxaven, i ngan tai mo mi nemen tangais i mi lomomo.

1 Pita 1:13

Kuren la mina lox agagas levendoxoma atnemi ri lok mo levempanga ne Moroa i vara i. Mina lok tatao avukat luruptuvuk atnimi la mina lok li axap levendoxoma atnemi pana at lorooro avolo, no mina lok ka i at laaleng ne Iesu Karisito na ru asuvos.

1 Pita 1:7

Ketla ana levempanga it pot ti lox asuusu mun i do lunuunu atnemi i lolos. I ngan bok leven gol ni i epovo xusu dina lok kapmex i, din tin tong pen box i ro at laxao; la lunuunu atnemi, neni lavanga i silok aleng ti logol, neni dinaba lok tong pen i xusu ri long lenget ka i do i lolos kopla kopmen. Melemu minaba ruuna ka leemi asu, la lisisixam eburu mi loklok ngangao at laaleng ne Iesu Karisito naba ru asuvos.

Lagale Lavavang At Ne Iesu Karisito Luk Ga Malagan i 21:27

Ap mo levenaleng limixin diba ven ia, Laradi Mevana, anaba vot at loxontakabu mi langsangan lololos mi lisisixam.

Metiu 24:3

Melemu ne Iesu gat kis to at Lakaana Olip la luvuttadi loklok ka anasa xusuk teren diga vosiga i la diga sue i xeretna, “Una tong i rinama. Lingisa nom lempanga naba vot la loklok katling salai naba lok katling lovotpot taram eburu mi laxavaxap at na levenaleng?”

Metiu 16:27

Nenia, Laradi Mevana, mo anaba vot mi lisisixam silok at ne Tamak la eburu mi lubungangelo, la ap mo laaleng limixin axap dinaba lok kaka luunun i epovo mi leveloklok diga lox i.

1 Pita 4:13

Ketla mina sosoro atla nemi mi ru buru mi ne Karisito at losongsongot teren, kusu minaba umsu mi lomomo at laaleng lisisixam teren na ru asuvos.

Lagale Lavavang At Ne Iesu Karisito Mak Ga Malagan I 13:26

La ap mo levenaleng limixin dinaba ven ia, Laradi Mevana, to vana at loxontakabu. Nenia anaba rupot mi langsangan lololos la lisisixam silok.

Metiu 26:64

La ne Iesu ga lok, “I ruturun, nenia vam. Ketla nia a tong i rinimi. Melemu minaba ven ia, Laradi Mevana, anabat kis saparap lekngen tino ne Moroa i lolos aleng, la anaba vot at loxontakabu boro vana at laxalibet.”

Metiu 24:39

Mo limixin kopmen di goxoklen i do laran mo naba vot, ketla ga rupot la ga sev amet axap nedi. Laaleng at lovotpot tarak, Laradi Mevana naba lok kuren.

Metiu 24:37

At lovotpot at Laradi Mevana, loklok at limixin naba lok ngan loklok at limixin ap mo levenaleng at ne Noa.

Lagale Lavavang At Ne Iesu Karisito Luk Ga Malagan i 21:22

Mila ap mo levenaleng Moroa naba vorang laxakapmek at limixin me Israel la kerepmo ni naba lox asorun levelinga, Lovoang Kaala ga vaase i.

Lagale Lavavang At Ne Iesu Karisito Luk Ga Malagan i 17:24

mila lovotpot tarak naba lok petpes; lavanga na mam la na so gamgames to vana at lamavangkap la na so xat boro at tenep la uto at tara tenep; la maba lok mun kuren ti Laradi Mevana ap mo laaleng teren.

Lagale Lavavang At Ne Iesu Karisito Luk Ga Malagan i 17:29

At nom laaleng ne Lot ga on basinge lemenemen Sodom, laxao silok ga vot boro vana at laxalibet la ga sev amet nedi axap.

1 Korin 1:8

Neni bok naba lox alolos lunuunu atnimi se at laaleng kavaxap la kerepmo at laaleng ete at Leeme Silok ne Iesu Karisito neni noxo ven terek kaka laxakapmek atnimi.

Kolosi 3:4

Karisito, ni lavasuun at lorooro ruturun atnemi, la do neni naba ru asuvos, kerepmo nemi bok miba ru asuvos eburu min la minaba ruuna ka lagale lisisinang teren.

1 Jon 2:28

Luvutnuruk orong. Minat kis esogo amisik mi ne Iesu kusu at lovotpot teren mi noxo marat la mi noxo mangan.

1 Jon 3:2

Larapen tangas orong tarak. Mo nga nedik luvutnitna ne Moroa, ketla kovisi bok ata xasep do nedik taba lok tinotno xereva. Ketla nedik takleklen i do at laaleng ne Iesu na ru asuvos, nedik taba lok ngan i mila ataba epen etang tinotno ba min.