Lagale Lavavang At Ne Iesu Karisito Luk Ga Malagan i 16:24 - Madak

²⁴ La neni ga xup lolos keretna, ‘Tamak ne Abaram, una balamu ia, la una riki ne Lasaro xusu na song arup lisivisip teren uto at taxadan, la na lox amumudut lagam tarak min; nia na a nemen at langsangan losongsongot keneng at na laxao!’

Lagale Lavavang At Ne Iesu Karisito Luk Ga Malagan i 16:24 ပူးပေါင်းရင်းမြစ်များ

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Metiu 3:9

Ketla mi guta nua i do miba sixiro at lebelemamao at ne Moroa mumu nga i do ne Abaram, neni lurubuno avolo atnimi. A tong i rinimi do Moroa i epovo na ba gili na laxanuat la dina vee ngan livipisik li avolo ri ne Abaram.

Metiu 5:22

Ketla mo nga ana tong i rinimi do, nege i musak mene neton, neni naba tu at lavapaase ro melamgo at laradi rongtonga linga; la do nege i tong i ri neton do ‘Nenu laradi pis,’ neni naba tu at lavapaase ro melamgo at lixitkis buru at lavanuti sangaun nedi loxongkulao silok at limixin me Israel; la do nege i lok ti neton do ‘nenu lavanga baulang’, i auret do ne Moroa naba riki i uto xeneng at laxao at lemenemen songsongot.

Lagale Lavavang At Ne Iesu Karisito Luk Ga Malagan i 16:30

Laradi nopnovos ga lok, ‘Tamak ne Abaram; kopmen na epovo! Ket do tara na xatu kaxat amlong basinge lanmet la nat pas uto saparap di, agut diba leeng ba basinge laxakapmek atdi.’

Lagale Lavavang At Ne Iesu Karisito Luk Ga Malagan i 19:9

Iesu ga lok ti limixin axap, “Lingina Moroa ira lok arooro vam limixin at na loogu; nia a lok tooro na laradi mila neni livisik li at ne Abaram.

Lagale Lavavang At Ne Iesu Karisito Luk Ga Malagan i 3:8

Ketla mina lok lempanga kusu naba lox asuusu i do mira leeng basinge vam laxakapmek atnimi. La nemen nemi mita etong i kantubu atnimi do, ‘Maba nemen avukat mila nema luvuttubuno avolo at ne Abaram.’ A tong i rinimi do Moroa i epovo xusu na lok ka na laxanuat la na lok di laxamdak ti ne Abaram!

Lagale Lavavang At Ne Iesu Karisito Jon Ga Malagan I 4:10

La ne Iesu ga vorang i rin, “Do uklen laramtaba at ne Moroa la mo laradi i sing u ri toxondan, i epovo do una sing i ri laxadan too, la ni naba raba u min.”

Lagale Lavavang At Ne Iesu Karisito Jon Ga Malagan I 4:14

Ket do tara na inin at laxadan nenia ana raba i min, neni noxo minu bok ba. I ruturun do laxadan nia ana raba i min naba lok ngan loxodan i puvut su xeneng at lorooro ren, la naba raba i mi lorooro avolo.”

Lagale Lavavang At Ne Iesu Karisito Jon Ga Malagan I 7:37

At laaleng kavaxap ap mo leluxa ni laaleng silok. At mo laaleng, ne Iesu ga ru upana la ga xup lolos keretna, “Do tara go i minu, neni na vosiga ia la na inin.

Lovoang At Ne Pol Ti Limixin Nunu to Rom 4:12

Neni ne temen nedi bok mo diga vit kepe vam lengkontuxu atnedi la diga lok ka lunuunu ngan lunuunu at ne temen nedik ne Abaram ga ruuna i, avot tinotno ri laaleng diga vit kepe loxontuxu ren.

2 Tesalonia 1:8

La ne Moroa naba lox asongot nedi, dixokleklen i la nedi bok kopmen dinang tonga res at Lagale Lavavang at Leeme Silok atdik ne Iesu.

Jems 2:13

At lorooro atnimi do kopmen mina ruuna lebelemumu, Moroa naba vaxaru nimi at lavapaase la ni noxo lox asuusu lebelemumu ren tinimi. Loklok ti vaxaru tara at lavapaase ixo lox avukat solo, ketla loklok ti lox asuusu lebelemumu i lox avukat aleng.

Jems 3:6

La lagam i lok ngan mo laxao. Ni i ngan lavanga xapmek ti lengkot axap at labantuxu, la ik lox axatu kaxat leveloklok kakapmek at labantuxu, la ik lox axatu kaxat bok leveloklok i bilingot at lorooro axap at laradi. La laxao xerepmo ip tavasu at lemenemen songsongot.

Lisilimet 19:20

La nedi diga ranga alis lavatpanga sio eburu mi leeme vapaase alii xaxarang, mo gak lok lempanga sangsangu ri sar asoogong limixin kusu dina lox asilok laasen at lavatpanga sio. Ni ga lok mo lempanga sangsangu xusu na bala arup buaang nedi limixin la diga ruuna ka loklok katling at lavatpanga sio la diga lotu parap lavatpoovo vanga ren. La diga lu arup mi lavatpanga sio la leeme vapaase alii xaxarang, move duga rooro, ro at lemet kao, mo i tos amisik mi lasalpa.

Lisilimet 20:15

La nedi limixin levenasen atdi goxok lok at lubuk at lorooro, Moroa ga lu arup bok midi uto at lemet kao.

Lisilimet 22:1

La laangelo ga lox ase ia mi ladan at lorooro ga xasep aleng. La ga puvut su boro at loxot kitkis at ne Moroa la Lanasip;