Lagale Lavavang At Ne Iesu Karisito Luk Ga Malagan i 15:24 - Madak

²⁴ Mila ana lamdak tarak ga met, ketla ira roo xat amlong pam; ga vuktanga, ketla ana nga ara lok ka amlong pam i.’ La diga ru ka leluxa.

Lagale Lavavang At Ne Iesu Karisito Luk Ga Malagan i 15:24 ပူးပေါင်းရင်းမြစ်များ

Metiu 8:22

Ketla ne Iesu ga lok tin, “Una mumu asu ia, la una ke laxampanga met dinak mikmit luvuttadi met.”

Lagale Lavavang At Ne Iesu Karisito Mak Ga Malagan I 8:22

La ne Iesu mi luvuttadi loklok ka anasa ren diga rupot to at lemenemen Betsaida. La limixin meve diga lam ka lara laradi luxatli ren ga main uto saparap ne Iesu, la diga sing i xusu neni na long tu ren kusu na lox avukar i.

Lagale Lavavang At Ne Iesu Karisito Luk Ga Malagan i 10:19

Mina ronga i na. Ara raba vam nimi mi lololos, kusu mibat pas mavana at laxasii la at laxan aksoxomet, la mavana bok at lololos at ne Satan la kopmen tepanga naba lox asongot nimi.

Lagale Lavavang At Ne Iesu Karisito Luk Ga Malagan i 15:23

La minat pas la mina lok ka lubulumaxao maxat, la mina sev amer i, la ata lok laanan la ata momo!

Lagale Lavavang At Ne Iesu Karisito Luk Ga Malagan i 15:25

Lamdak avot, ga nemen to at laraamang ga xanangking tubu. At lomlong teren boro xataamang, neni ga ronga lagamit gang teng at loxonaleng neni ga vas auret loogu.

Lagale Lavavang At Ne Iesu Karisito Luk Ga Malagan i 15:32

Ketla ata lok leluxa la ata momo, mila netam ga met, ketla ira roo xat amlong pam; neni ga vuktanga, ketla ara vuse ka amlong pam i.”

Lagale Lavavang At Ne Iesu Karisito Luk Ga Malagan i 15:4

“Dola tara atnimi i ruuna legesa sangaun kobot (100) sipsip la legesara atdi na soogong, neni naba lok lavanga salai? Neni naba on basinge lavasik sangaun mi lavasik laxasipsip to at laxampivilis atdi, la nat pas kusu na ven ti nom legesara no ga vas soogong, se rinotno neni ira long lenget ka i.

Lagale Lavavang At Ne Iesu Karisito Luk Ga Malagan i 19:10

La kerepmo, nenia, Laradi Mevana, aga vot kusu ana puse rinedi diga soogong la ana lox arooro di.”

Lagale Lavavang At Ne Iesu Karisito Luk Ga Malagan i 9:60

Ketla ne Iesu ga vorang i rin keretna, “Una ke nedi limixin kopmen toxot tidi xeneng at Linintoo, dinak mit limixin nedi di met pam. Unat pas at laramenemen la una vavang mi Linintoo at ne Moroa.”

Lagale Lavavang At Ne Iesu Karisito Jon Ga Malagan I 11:25

Iesu ga lok tin, “Nenia laxakatu kaxat amlong mi lorooro. Do tara i nuunu rak, neni naba rooro amlong do neni na met.

Lagale Lavavang At Ne Iesu Karisito Jon Ga Malagan I 5:21

Tamak ik lox axatu kaxat amlong nedi limixin diga met la im taba nedi mi lorooro; kuren mun la nenia ne Nitna am taba lorooro rinedi, nenia a vara i do ana raba di min.

Lovoang At Ne Pol Ti Limixin Nunu to Rom 11:15

At levenaleng ne Moroa ga lok kepe nedi, neni ga vaxat ka limixin at na lavatbung menemen saparav i. Naba lok avukat tinotno do ne Moroa na lox amlong ka leme Judaia. Naba lok ngan ta do luvuttadi met di roo xat amlong ti lorooro.

Lovoang At Ne Pol Ti Limixin Nunu to Rom 12:15

Mina lok momo minedi di momo la minang teng buru minedi ding teng.

Lovoang At Ne Pol Ti Limixin Nunu to Rom 6:11

At na mun langas mina doma mu i na do nemi miga met basinge laxapmek, ketla miga roo xat la mit kis esogo eburu mi ne Moroa xeneng at lixitkis eburu atnemi mi ne Iesu Karisito.

Lovoang At Ne Pol Ti Limixin Nunu to Rom 6:13

La nemen gat miguta raba tamangkot at labantuxu atnemi ri laxapmek, kusu mina lok levempanga xapmek. Ketla mina raba axa nemi ri ne Moroa, na ngan laradi ga ravasu at lanmet ti lorooro, la mina raba lorooro axap atnemi rin kusu rik lok lugugu i nunuan la ik mokso.

Lovoang At Ne Pol Ti Limixin Nunu to Rom 8:2

atla keneng at ne Iesu Karisito, Loroonan Kaala ga raba dik mi lorooro la gara lox asepmus pam dik basinge lololos at laxapmek eburu mi lanmet.

1 Korin 12:26

Mo do toxot at labantuxu na songot, nedi bok lentaba levengkot petpes at labantuxu diba songot eburu min. Mo do tenep at labantuxu na ruuna ka lomomo, mo bok levengkot petpes diba lok momo eburu min.

Epesas 2:1

Ganoxa nemi miga lok ngan laxampanga met mene, mumu laxakapmek,

Epesas 2:5

la ga lox arooro nedik mumu laxakatu kaxat amlong at ne Karisito, keke i do nedik taga lok ngan laxampanga met la taga umsu mi laxakapmek. Neni ga lox arooro nedik keneng mun at letaba nabalamu ren.

Epesas 5:14

mila lamain kopmen na epovo nak lox eburu mi laxasep. I lok ngan na levelinga, “Nenu laradi mo u vunga, soso una aus. Nenu una aus basinge lanmet la ne Karisito naba raba u mi laxasep.” Ais 26:19

Kolosi 2:13

Ganoxa leventoonan atnimi ga met, atla migak lok leveloklok kakapmek la mi goxovisi lok kepe lorooro maut, ketla ne Moroa ga sar asu nemi ri lorooro eburu mi ne Karisito. Moroa ga doxoma xepe leveloklok kakapmek axap atdik.

1 Timoti 5:6

Ketla lanaa no im taba amisik labantuxu ren ti loklok kapmek, neni ira met pam, keke i do neni move i rooro.

Lovoang At Ne Jut 1:12

Nedi dit kis eburu minimi mo do mi anan leveluxa at Leeme Silok. Nedi di lok ngan lempanga ik token kantubu atnemi la kopmen dinak lok mamangan. Nedi dixo doma bok ba teta, ketla di doma xusuk mun di. Nedi di lok ngan lempotakabu, lamanman it mas aonon di, ketla kopmen tarakabu atdi. Nedi di lok ngan levenuna kopmen na pisik at laaleng pipisik teren la di xe su min la ira met tino.

Lisilimet 3:1

La Leeme Silok ga lok bok tia, “Una malagan i na levelinga ti laangelo ik lok tatao limixin lotu ro Sadis. ‘Anai levelinga boro ap mo laradi i ruuna lavanuti leventoonan dik lok to melamgo at ne Moroa, la im tebeng lavanuti larapenti. Akleklen leveloklok atnimi; limixin di lok do mi ruuna lorooro, ketla kopmen, mi ruuna mun lanmet.