Lagale Lavavang At Ne Iesu Karisito Luk Ga Malagan i 13:27 - Madak

²⁷ Ketla neni naba lok manga, ‘Axoklen nimi la axoklen i do meva nemi. Uto nimi basinge ia, nemi laxampanga bilinga!’

Lagale Lavavang At Ne Iesu Karisito Luk Ga Malagan i 13:27 ပူးပေါင်းရင်းမြစ်များ

Metiu 25:41

Melemu nenia anaba lok tidi limixin to saparap lakngak kia, ‘Uto nimi basinge ia, nemi limixin, lasaxaek naba suxuna nimi; uto nimi at laxao i anan tos amisik, ne Moroa ga gagas min ti ne Satan la lubung angelo ren!

Sam 6:8

Nemi limixin kapmek, uto nimi basinge ia. Leeme Silok ing tonga lerengteng tarak.

Sam 119:115

Nemi luvuttadi loklok kakapmek, uto nimi basinge ia, kusu nenia aba mumu asu levempapaase ali at ne Moroa rak.

Lagale Lavavang At Ne Iesu Karisito Luk Ga Malagan i 13:25

Leeme gomgo at nom loogu naba xatu kaxat la na vi pe lumusaragu; la do nemi mina tu ro maxamang la minap dipdi la minak lok, ‘Leeme Silok. Suang lumusaragu rinama!’ Ketla neni naba lok tinimi, ‘Axoklen nimi, la axoklen i do meva nemi.’

Sam 1:6

Limixin manmanton dit pas keneng at loklok tatao at Leeme Silok, ne Moroa, ketla nedi di mumu asu langas kapmek, dinaba seeve.

2 Timoti 2:19

Ketla levelinga at ne Moroa i tu lolos la kopmen tara i epovo na ba gili i. Diga lox amuat levelinga ren keretna, “Leeme Silok ikleklen nedi ateren axa,” Kex 16:5 la “Nedi di tong asu i do nedi limixin at Leeme Silok, dina lok kepe laxakapmek at lorooro atdi.” Ais 28:16

Sam 125:5

Ketla una lox asongot nedi dit pas at leventaangas i xakauk, la una lox asongot nedi bok di sok tixirixes kepe leventaangas taram. Limila nak lok maxeneng at limixin me Israel.

Sam 101:8

At levenaleng amisik anaba sesele utut limixin ua dik lok leveloklok kapmek keneng at lenep kangka atnedik. Anaba saksu minedi lorooro atdi i bilinga rino uto xamang basinge lemenemen silok at Leeme Silok.

Sam 28:3

Nemen gat uta lii lumumuat tarak at loxonaleng u vaase asi limixin kakapmek, la eburu minedi dik lok libilinga, nedi limixin levelinga atnedi ik sixit nunuan, ketla lodoxoma atdi i umsu mi loklok kakapmek.

Sam 5:6

U sesele utut kepe limixin kaxarang. La u bulunga xepe rino nedi, dip sep amet limixin, la nedi di babala vukpuk limixin petpes.

Galesia 4:9

Ketla amo manga miraklen ne Moroa, i ruturun aleng do ne Moroa iklen nemi; ira lok bok ba mo xereva la miramlong mu manga mo leveloklok la leventaangas gamasa at Lenavolo la mira lok li nimi maxopok teren? Tila la mira vara manga i xusu mina lok ngan lavaanat saxaruki at na laxaloklok?

1 Korin 8:3

Ketla do laradi i balamu aleng ne Moroa, ne Moroa ikleklen avukat mo laradi.

Metiu 25:12

Ketla ni ga vorang i ridi xeretna, ‘Nia a tong tuturun i. Axoklen nimi!”