Lagale Lavavang At Ne Iesu Karisito Luk Ga Malagan i 10:7 - Madak

⁷ Mina nemen at nom leges ogu mene nga; i lox avukat do mina anan la mina inin lempanga salai dina raba nimi min, mila laradi gugu i epovo xusu na lok kaka luunun teren. Nemi mina nemen at leges ogu mene nga ap mo lemenemen.

Lagale Lavavang At Ne Iesu Karisito Luk Ga Malagan i 10:7 ပူးပေါင်းရင်းမြစ်များ

2 Timoti 2:6

Una lok ngan bok laradi gugu taamang; neni i gugu lolos kusu neni avot na lok kaka loxot at levempipisik at laraamang.

Galesia 6:6

Do lara i lok kaka levenanasa ti mumu asu ne Karisito, i epovo do neni na raba mo leeme loklox ase mi levempanga ri lok tooro i.

Lagale Lavavang At Ne Iesu Karisito Luk Ga Malagan i 9:4

Mo do mina beles at tara toogu la limixin dina siam ka nimi, mina nemen eburu midi se minaba vas kaxat basinge mo lemenemen.

Lagale Lavavang At Ne Iesu Karisito Mak Ga Malagan I 6:10

La neni ga lok bok tidi, “Do mina vubeles at tara temenemen miba nemen at legesa gu, se miba on basinge mo lemenemen.

1 Timoti 5:13

La di lox arala ka box i xusu dina gosogos gamasa, la dinam simgu, ketla i lok kapmek tino bok atla di lox arala ka bok leretere mumu ri leventaba vetpes, la di lox angtang di mi larangtagap gamasa, la di tong levempanga xopmen na lox avukat.

Leven Gugu 16:34

Ni ga lok ka ne Pol mi ne Sailas uto at loogu ren la ga raba nedu mi leveluxa ri anan. Neni eburu minedi diga nemen at loogu ren diga umsu mi lomomo, mila diga nuunu ba at ne Moroa.

Leven Gugu 16:15

Neni eburu minedi diga nemen min ap mo loogu ren diga lok ka lesep susu; melemu ni ga xup kaka nama, “Ude nimi la mina nemen to at loogu rak, mo do nemi mi doxoma i do nenia latkin nuunu ruturun at Leeme Silok.” La ni ga vaase lolos tinama la maga beles.

Leven Gugu 16:40

Pol mi ne Sailas duga on basinge loogu xokoxo, la dugat pas uto at loogu at ne Lidia. Mogo duga ekip tangarang mi limixin nuunu, la duga lox alolos di mi levelinga la duga onon ta.

Lagale Lavavang At Ne Iesu Karisito Luk Ga Malagan i 10:6

Mo do laradi at lenmila i nemen go ap mo loogu, mina ke nom lenmila atnimi na nemen eburu min; mo do xopmen, mina lok kaka amlong nom lenmila basinge di.