Lovoang At Ne Jut 1:8 - Madak

⁸ La kerepmo bok mo luvuttadi loklox ase xaxarang dira vubeles pam at lotu atnimi, dim tobo mun la levenapnobo atdi i sasat nedi ri laxapmek la dik lok laxapmek mi lenbantuxu atdi, ding tonga xepe levelinga at ne Moroa, la di paase vupu ri limixin silok no vana at laxalibet.

Lovoang At Ne Jut 1:8 ပူးပေါင်းရင်းမြစ်များ

Ibru 13:17

Mina ronga res at luvuttadi amgomgo at lotu la mina mu asu levelinga atdi mila nedi di lok tatao nimi la ne Moroa nabakling lugugu atdi, mo do diga lok tatao avukat nimi. Mina ronga res atdi xusu diba lok momo mun at lugugu atdi. Do mina ronga xepe levelinga atdi, na loklok ting tonga xepe naba lok li lumumuat mavana atdi la naba lok kapmek lunuunu atnimi.

1 Pita 2:17

Mina lok ngangao bok at limixin axap, la mina balamu limixin nuunu; la mina lok ngangao at ne Moroa la at loorong silok bok.

1 Timoti 1:10

la tinedi bok di lok laxakapmek maxamang at lixitkis epot, la tinedi lavatlok di velongka, la tinedi bok di babala ka limixin kusu dina gugu atdi; la tinedi bok di xaxarang la di tong asu levelinga xaxarang mumu laradi i tu at lavapaase; tinedi bok di lok levempanga xerepmo xopmen na epovo mi levelinga ruturun at ne Moroa.

Leven Gugu 23:5

Pol ga vorang i ridi, “Luvutnetak, nia axoklen i do neni lamaasa gomgo. Levelinga ik lok to xeneng at Lovoang Kaala i lok keretna, ‘U noxo vaase kapmek ti laradi gomgo at limixin.”

1 Korin 3:17

Dola tara na sele utut kepe loogu laplavang at ne Moroa, Moroa naba lok kapmek box i, mila loogu laplavang at ne Moroa, i xaala la nemi vam nom laraugu laplavang teren.

1 Tesalonia 4:8

Kuren la nedi mo di noxo ronga res at na levelinga atnama, dixo lok tavanga rinama, ketla di lox abulubun kepe levelinga at ne Moroa, mo ga raba nemi mi Loroonan Kaala ren.

Leven Gugu 7:39

Ketla lavalabat atdik goxopara na ronga res teren, diga sok tixirixes xepe i la diga lok do dinamlong uto Isip.

Leven Gugu 7:27

Ketla mo lara ga vaxaru kaxat mo leesep ga so asu ne Moses la ni ga lok, ‘Nege ga lok li u xusu nenu lamgomgo atnama la unang tonga linga atnama?

Lagale Lavavang At Ne Iesu Karisito Luk Ga Malagan i 19:14

Ketla limixin teren ap mo lenep silok di goxopara rin, kuren la diga riki luvuttadi mi levelinga kusu dina mumu ren la diba lok, ‘Ma xopara na laradi kusu na lok ngan loorong silok atnama.’

Lagale Lavavang At Ne Iesu Karisito Luk Ga Malagan i 12:11

Do dina song araba nimi uto at laraugu singising kusu dina lok li nimi at lavapaase, kopla to melamgo at luvuttadi silok kopla to melamgo at luvuttadi amgomgo, nemen mita bulu do miba vaase pe nimi xereva xopla lavanga salai miba tong i;

Lagale Lavavang At Ne Iesu Karisito Luk Ga Malagan i 11:25

La neni bamlong la na long lenget ka i do mo loxot im games la ira lox avukat pam.