Lisilimet 3:14 - Madak

¹⁴ La Leeme Silok ga lok bok tia xeretna, “Una malagan na levelinga ti laangelo ik lok tatao limixin lotu ro Lodisia. ‘Ana levelinga boro at ne Luruturun, ni laradi ruturun i tong asu levelinga at ne Moroa la ni lamgomgo at luruntudum li at ne Moroa.

Lisilimet 3:14 ပူးပေါင်းရင်းမြစ်များ

Kolosi 1:15

Karisito neni lampoovo at ne Moroa nedik kopmen tana reven tu ren. Neni lanat meren avot, la i silok tinedi levempanga ne Moroa ga rudum li di.

Lisilimet 1:5

la lavapaase momo bok boro at ne Iesu Karisito, neni laradi ruturun at lavapaase ruturun la neni lara avot mo ne Moroa ga lox axatu kaxat amlong i basinge lanmet, la ni lamgomgo at lavaorong silok at na lavatbung menemen. Ne Iesu ga balamu nedik la ga lox asepmus dik basinge laxakapmek mi mo lada ren.

Kolosi 1:18

Neni lamgomgo at lotu ren kerekngan lavatlak at laradi, ni lamgomgo at labantuxu ren. Neni lavasuun at lorooro maxat, la neni lara avot ga roo xat amlong basinge lanmet. Ni ga lox i xuren kusu neni xusuk naba ruuna ka lixitkis silok ti levempanga axap.

2 Korin 1:20

I ngan do buaang laxampapaase alii at ne Moroa, ne Iesu ga lox asorun i. Kuren la ne Iesu Karisito ni luruturun la ma vaase asu i ri lox asuusu lisisixam at ne Moroa.

Lisilimet 3:7

Leeme Silok ga lok bok tia, “Una malagan na levelinga ti laangelo ik lok tatao limixin lotu dik lok ro Piladelpia. ‘Ana levelinga neni boro at laradi i melemelengan la i ruturun. La neni im tebeng lengki at ne Devit, loorong silok me gano; mo lengki i susuang lumusaragu at Linintoo at ne Moroa. Mo lumusaragu neni i susuang i, kopmen tara na epovo xusu na vi pe i, la mo lumusaragu neni i vi pe i, ixo epovo do tara na suang i.

Lisilimet 22:13

Nenia Lamgomgo la Laxavaxap, Lurutu Kaxat mi Lumumupit.

Lisilimet 19:11

La nia aga ven laxalibet ga rem suang la aga ven lara lavaros bunbun. La mo laradi gat kis go mavana ren, laasen teren, ne Luruturun. Lodoxoma ren ik mokso la kerepmo neni laradi ing tonga linga la ik paxaru kaxat levenesep.

Lisilimet 22:6

La laangelo ga lok tia, “Na levelinga i ruturun amet la i epovo do limixin dina nuunu ren. La Leeme Silok, ne Moroa im taba Loroonan Kaala ren ti lavaeme vapaase alii ren la ni ga riki laangelo ren kusu na lox ase lavasaxaruki ren mi lempanga salai naba vot soso.”

Lisilimet 21:6

La ni ga lok bok, “Ara lox empampana vam lugugu rak; nenia Lurutu Kaxat la Lumumupit. Aba vaxain nedi limixin do di minu mi mo ladan i puvut su boro at lavatturunen at ladan at lorooro la kopmen di noxo un i.

Lisilimet 1:11

La mo laxaka linga ga lok, “Una lok kaka lugun la una malagan asu na lempanga nenu uba ven i; la una lox aonon i uto at lavanuti leventaugu lotu, tara uto Epesas, la tara uto Smena, la tara uto Pegamam, la tara uto Taiataira, la tara uto Sadis, la tara uto Piladelpia, la tara bok uto Lodisia.”

Lisilimet 2:1

Leeme Silok ga lok bok tia, “Una malagan na levelinga ti laangelo ik lok tatao limixin lotu ro Epesas. ‘Na levelinga boro ap mo lara im tebeng lavanuti larapenti at lekngen tino la neni it pas kantubu at lavanuti levenbabao gol.

Kolosi 4:16

Melemu do mina us axap na levelinga i nemen keneng at na lovoang, mina xasep bok do miba us box i ro xeneng at loogu lotu to Lodisia. La miba us bok mo lovoang, luvutneton dik me Lodisia diba raba nimi min.

Kolosi 2:1

Ana tong axasep nimi do nia a gugu lolos ti lok tooro nimi eburu mi limixin nuunu boro Lodisia eburu minedi bok kovisi dina epen etang minia.

Lagale Lavavang At Ne Iesu Karisito Jon Ga Malagan I 1:3

Keneng teren ne Moroa ga rudum li levempanga axap; la kopmen tepanga at nai luruntudum li, gita ravasu boro at tara vetpes.

Lagale Lavavang At Ne Iesu Karisito Jon Ga Malagan I 8:14

Iesu ga vorang i ridi xeretna, “Keke i do nia a paase aru axa ia, ketla levelinga rak i ruturun, mila nenia aklen lemenemen nenia aga vas kaxat meve la anabat pas bok uve. Kopmen minaklen lemenemen nenia aga vas kaxat teren la ti lenep nenia abat pas tin.