Lisilimet 22:4 - Madak

⁴ La diba epen etang mi ne Moroa, la laasen teren nabak lok to at lenmang atdi.

Lisilimet 22:4 ပူးပေါင်းရင်းမြစ်များ

Lisilimet 14:1

La nia aga milik kaxat la aga ven Lanasip ga tu to at lakaana Saion. La aga ven bok buaang limixin eburu min, mo diga epovo at legesa sangaun kobot mi lavanuet sangaun mi lavanuet larabin sangsangaun kobot (144,000) la diga ruuna laasen at ne Iesu eburu mi laasen at ne Temen to at levenmang atdi.

Metiu 5:8

Luvukat mo ik lok tinedi lebelen nedi i dadat aleng mila dinaba ven ne Moroa.

Lisilimet 3:12

Do tara na tu lolos, aba lox i ngan luxus una at loogu laplavang at ne Moroa rak, la ixo epovo rinotno do neni naba vas su basinge i. Aba malagan li laasen at ne Moroa rak teren la laasen orong bok at lemenemen silok at ne Moroa rak. Mo lemenemen silok, ni Jerusalem maxat mo naba ravasi boro vana at laxalibet basinge ne Moroa rak. La aba malagan bok laasen maxat tarak go ren.

Ibru 12:14

Mina lolos kusu mina nemen at lumulum eburu mi limixin axap, la mina nemen mokmokso, mila do tara noxo ruuna loklok mokmokso, neni noxo ven ne Moroa at lorooro melemu.

Lisilimet 7:3

La ni ga lok, “Nemen mita lok kapmek lavatkangka kopla laras kopla larauna, ise do mana lok li loklok katling to at levenmang at lavasaxaruki at ne Moroa.”

1 Korin 13:12

La kerepmo nanga dik kopmen ata xasep at levempanga ne Moroa i lox i ridik, i ngan laradi i reven lemeren at liriong kopmen na xasep. Ketla melemu at lomlong at ne Iesu Karisito, dik taba epen etang mi ne Moroa. Nanga lakleklen atdik mumu ne Moroa i lixilik mene, ketla melemu tabaklen axav i, kerekngan ne Moroa ikleklen axap dik.

Lagale Lavavang At Ne Iesu Karisito Jon Ga Malagan I 17:24

Tamak. Uga raba vam ia midi, la a vara i xusu dina nemen eburu minia ap mo lenep nenia ana nemen e, kusu diba ven lisisixam tarak, mo lisisixam nenu ga raba ia min, mila uga balamu ia avot ti luruntudum li at na lavatbung menemen.

Lagale Lavavang At Ne Iesu Karisito Jon Ga Malagan I 12:26

Do tara i vara i do na lok lugugu rak, neni na lok kaka be loklok tarak, kusu neni ba lok ngan lasaxaruki rak la ba nemen ap mo lenep nenia anak lox e. Ne Tamak naba lox asilox i do neni na lok lugugu rak.”

Sam 17:15

Ketla nia anaba ven lamaram atla nia goxo lok tibilinga; la dola ana aus, anaba umsu mi lososoro atla anaba nemen eburu minu.

Sam 4:6

Buaang nedi di ngising keretna: “O Leeme Silok, una raba nema mi laxaloklok anarong solo. Una lox asuusu amisik lebelemulus tinama.

Sam 42:2

Nu ne Moroa Luntoo, labalak i ngaongao amisik tu. Ningisa ba, uba siam ka ia xusu anat pas uto at loogu ram la ana lotu saparav u ro melamgo ram?