Lisilimet 22:20 - Madak

²⁰ La neni mo i paase aru i na, i lok keretna, “I ruturun aleng; nenia mo anaba vot soso nga.” I ruturun. Ude u, Leeme Silok ne Iesu!

Lisilimet 22:20 ပူးပေါင်းရင်းမြစ်များ

Lagale Lavavang At Ne Iesu Karisito Jon Ga Malagan I 21:25

Iesu ga lok lempanga vetpes bok i buaang aleng. Do tara na malagan alii na lempanga axap, agut laxanbuk naba umsu aleng la na lavatbung menemen axap noxo epovo rin.

1 Korin 16:22

Do nege xopmen na balamu Leeme Silok atdik, lasaxaek naba nemen teren. Leeme Silok atnema, unamlong.

2 Timoti 4:8

Lavatbungorong tia i ngan luunun ti luvuttadi mokmokso mo i nemen tangais ia. Leeme Silok ni laradi rongtonga linga la loklok teren ik mokmokso, ni naba raba ia mi nom luunun ap mo laaleng neni nabamlong teren. La kopmen tia xusuk ketla tinedi bok di ngangais mi lodoxoma liplivi ri lomlong teren.

Ibru 10:37

Kopmen noxo lox abao la Lanarong nabamlong kerekngan ne Moroa ga tong i xeretna, “Mo lara diga tong i do naba vot, neni naba vot tuturun, neni noxok lok sila.

Ibru 9:28

La kerepmo ne Karisito ga met gesara mun ngan laplavang kusu na lox adadat buaang limixin basinge laxakapmek atdi; la neni nabamlong bok sev agepura, kopmen ti met nop loklok atdik, ketla neni naba lox arooro rino nedi dit kis tangais i.

Lisilimet 1:18

Nenia mun lorooro. Aga met pam, ketla na nga a ruuna ka lorooro kopmen taxavaxap teren. La a ruuna bok lololos mavana at lanmet kusu ana suang lumusaragu at lanmet, la a ruuna lololos mavana at lanmet la a lok tatao lumusaragu ro Edesa.

Lisilimet 1:2

la neni naba tong asu mo lempanga axap ni ga ven i. La anai, ni levelinga boro at ne Moroa, la mumu bok mo levelinga ruturun ne Iesu Karisito ga vaase i.

Lisilimet 2:16

Kuren la mina leeng tinotno. Mo do mi noxo leeng, anaba vot soso mun la ana esep eburu midi mi lavarise sepsep ba ravasu mede at langsuk.

Lisilimet 22:10

La ni ga lok tia, “Nemen uta lipe levelinga vapaase alii at na lubuk, mila loxonaleng monga i auret kusu na levelinga na sorun.

Lisilimet 22:12

La ne Iesu ga lok, “Mina ronga ia. Nenia anabamlong soso mun! Nia aba xip ka luunun eburu minia, kusu anaba raba limixin getgesara mi luunun naba epovo mi lempanga salai diga lox i.

Lisilimet 22:18

Nenia ne Jon, a vaase aronga nemi axap mira ronga vam na lempapaase alii at na lubuk; do tara na tong abeles parang tengkot ukeneng at na lubuk, Moroa naba raba i mi nom levesongsongot ik lok keneng at na lubuk.

Lisilimet 22:7

Iesu ga lok keretna, “Mina ronga i na, anaba vot soso mun. Luvukat tinedi di mumu asu levempapaase alii at na lubuk.”